| ໜັງສືພິມ Guardian (ອັງກິດ): ຄວາມທັນເວລາແມ່ນຄວາມຕ້ອງການທີ່ຊ່ວຍໃຫ້ ຫວຽດນາມ ຊະນະ COVID-19 | |
| ກອງທຶນເພື່ອຄວາມຮັກ ອາວຢ່າຍ ພັນລະຍາ ໃນທົ່ວເອີຮົບ ມອບຂອງຂວັນ 70 ຢ່າງ ໃຫ້ຊາວຫວຽດນາມ ຢູ່ ເຊັກ |
 |
| ພາບປະກອບ |
ຕາມກະຊວງການຕ່າງປະເທດ, ດ້ວຍຈິດໃຈປະຕິບັດຕາມການຊີ້ນຳຢ່າງໃກ້ຊິດຂອງທ່ານນາຍົກລັດຖະມົນຕີ ແລະ ບັນດາອົງການເຈົ້າໜ້າທີ່ຂອງຫວຽດນາມ, ແຕ່ກາງເດືອນເມສາ 2020, ບັນດາອົງການຜູ້ຕາງໜ້າຫວຽດນາມຢູ່ອາເມລິກາໄດ້ປະສານງານຕິດຕໍ່, ເຮັດບັນຊີລາຍຊື່ໃຫ້ອົງການເຈົ້າໜ້າທີ່ກ່ຽວຂ້ອງພາຍໃນປະເທດຈັດຕັ້ງຖ້ຽວບິນເພື່ອ ນຳສົ່ງພົນລະເມືອງຫວຽດນາມຢູ່ສະຫະລັດອາເມລິກາ ກັບຄືນປະເທດ, ສ່ວນໃຫຍ່ແມ່ນເດັກນ້ອຍ, ນັກຮຽນອາຍຸຕໍ່າກວ່າ 18 ປີ, ນັກຮຽນທີ່ບໍ່ມີບ່ອນຢູ່ອາໄສຍ້ອນຫໍພັກຖືກປິດ, ຜູ້ເຖົ້າ, ຄົນທີ່ມີອາການເຈັບເປັນ ແລະ ກໍລະນີທີ່ມີຄວາມຫຍຸ້ງຍາກທີສຸດກັບຄືນປະເທດ.
ເຖິງຢ່າງໃດກໍ່ຕາມ, ເພາະວ່າຂັ້ນຕອນຂອງຝ່າຍອາເມລິກາກ່ຽວຂ້ອງກັບອົງການເຈົ້າໜ້າທີ່ທີ່ແຕກຕ່າງກັນ, ສະນັ້ນ ສາຍການບິນແຫ່ງຊາດຫວຽດນາມບໍ່ໄດ້ຮັບໃບອະນຸຍາດທີ່ຈຳເປັນພຽງພໍເພື່ອຈັດຕັ້ງຈັດຕັ້ງຖ້ຽວບິນຕາມເວລາກຳນົດ.
ປະຈຸບັນ, ກະຊວງການຕ່າງປະເທດ, ກະຊວງຄົມມະນາຄົມຂົນສົ່ງ, ແລະບັນດາອົງການຜູ້ຕາງໜ້າຫວຽດນາມຢູ່ອາເມລິກາພວມປະສານສົມທົບ, ສະໜັບສະໜູນການບິນແຫ່ງຊາດຫວຽດນາມໃນການເຮັດວຽກກັບ ອົງການເຈົ້າໜ້າທີ່ປະເທດປະຈໍາຖີ່ນ, ແກ້ໄຂບັນດາຂັ້ນຕອນທີ່ຈຳເປັນພ້ອມທັງຊອກຫາວິທີແກ້ໄຂທີ່ເໝາະສົມເພື່ອນຳສົ່ງພົນລະເມືອງ ຫວຽດນາມກັບຄືນປະເທດ ໃນເວລາໄວທີ່ສຸດ.
ໂດຍປະເຊີນໜ້າກັບສະພາບການທີ່ພົນລະເມືອງຫວຽດນາມຫຼາຍຄົນໄດ້ຍ້າຍໄປສະໜາມບິນສາກົນ San Francisco ເພື່ອລໍຖ້າຖ້ຽວບິນກັບປະເທດ, ສະຖານກົງສຸນໃຫຍ່ຫວຽດນາມປະ ຈຳ San Francisco ໄດ້ສົ່ງເຈົ້າໜ້າທີ່ຫຼາຍກຸ່ມໄປສະໜາມບິນ, ໄປສະຖານທີ່ຂອງພົນລະເມືອງເຫຼົ່ານີ້ພວມພັກເຊົາຢູ່ຊົ່ວຄາວເພື່ອໃຫ້ການສະໜັບສະໜູນ, ຊ່ວຍຈັດແຈງການຂົນສົ່ງ ແລະ ຍ້າຍໄປບ່ອນທີ່ປອດໄພ, ສະໜອງສິ່ງທີ່ຈຳເປັນ ແລະ ເຄື່ອງມືປ້ອງກັນສຳລັບຜູ້ທີ່ຕ້ອງການ, ແນະນຳ ໃຫ້ພົນລະເມືອງໃຊ້ມາດຕະການຕ່າງໆເພື່ອຮັບປະກັນຄວາມປອດໄພ ເຕັມໄປດ້ວຍການປ້ອງກັນການລະບາດ. ບັນດາອົງການຜູ້ຕາງໜ້າຂອງຫວຽດນາມ ຢູ່ ສະຫະລັດອາເມລິກາ ກໍ່ໄດ້ສະໜັບສະໜູນພົນລະເມືອງຫວຽດນາມຢ່າງຈິງຈັງ. ກະຊວງການຕ່າງປະເທດແນະນຳ ພົນລະເມືອງໃຫ້ມີຄວາມອຸ່ນອ່ຽນໃຈ, ປະຕິບັດຕາມກົດລະບຽບກ່ຽວກັບການປ້ອງກັນ ແລະ ຄວບຄຸມການລະບາດຂອງພະຍາດ ຂອງປະເທດປະຈໍາຖິ່ນ ແລະ ການແນະນຳຂອງບັນດາອົງການຜູ້ຕາງໜ້າຂອງຫວຽດນາມ.
ໃນກໍລະນີທີ່ຕ້ອງການຄວາມຊ່ວຍເຫຼືອ, ພົນລະເມືອງຫວຽດນາມສາມາດຕິດຕໍ່ສະຖານທູດຫວຽດນາມປະຈຳ ສະຫະລັດອາເມລິກາ ໄດ້ທີ່ເບີໂທ: 001.202.716.8666/001.202.999.6938/001.202.999.6589, ເບີໂທລະສັບ ສະຖານກົງສຸນໃຫຍ່ຫວຽດນາມປະຈຳ San Francisco: 001.415.619.2951 ຫຼື 001.415.319.5446, ສະຖານກົງສຸນໃຫຍ່ຫວຽດນາມຢູ່ Houston ທີ່ເບີໂທລະສັບ 001.346.775.0555 ຫຼືເບີໂທລະສັບຂອງກົມປົກປ້ອງພົນລະເມືອງຂອງກົມກົງສຸນໃຫຍ່ຫວຽດນາມ +84.981.84.84.84.
 | ຝລັ່ງໄດ້ສະໜັບສະໜູນ 2 ລ້ານເອີໂຣໃຫ້ແກ່ຫວຽດນາມ ແລະ 4 ປະເທດອາຊຽນໃນການຕໍ່ສູ້ກັບ COVID-19 ຍສໝ - ຊຸດສະໜັບສະໜູນດ້ານການເງິນ ຈຳນວນ 2 ລ້ານເອີໂຣ ຈະໄດ້ແຈກຢາຍໃຫ້ 5 ປະເທດອາຊຽນ, ລວມທັງຫວຽດນາມ, ກຳປູເຈຍ, ລາວ, ມຽນມາ ແລະ ຟີລິບປິນ ເພື່ອສ້າງຄວາມເຂັ້ມແຂງໃນການເຝົ້າລະວັງ ແລະ ຮັບມືຕໍ່ການລະບາດຂອງ COVID-19. |
 | ຫວຽດນາມ ແລະ ແອສໂຕນີ ຊຸກຍູ້ການຮ່ວມມືເພື່ອແກ້ໄຂບັນດາສິ່ງທ້າທາຍທົ່ວໂລກ ຍສໝ - ທີ່ການໂອ້ລົມທາງໂທລະສັບກັບ ທ່ານລັດຖະມົນຕີການຕ່າງປະເທດ ແອສໂຕນີ, ທ່ານ ຟ້າມບິ່ງມິງ ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ຢືນຢັນວ່າ, ຫວຽດນາມພ້ອມແລ້ວທີ່ຈະຮ່ວມມື, ແບ່ງປັນປະສົບການ ແລະ ຊຸກຍູ້ການຮ່ວມມືສາກົນເພື່ອໃຫ້ສອງປະເທດສາມາດຍູ້ໂລກລະບາດ ໂຄວິດ - 19 ໃຫ້ຖອຍໄປ ກໍຄືແກ້ໄຂບັນດາສິ່ງທ້າທາຍທົ່ວໂລກ. |
 | ທະຫານຊາຍແດນແຂວງກວ໋າງນາມ ຫວຽດນາມ ໄດ້ມອບເຂົ້າສານ 1,7 ໂຕນ ໃຫ້ແກ່ກໍາລັງປົກປັກຮັກສາຊາຍແດນແຂວງເຊກອງ ລາວ ຍສໝ - ເມື່ອບໍ່ດົນມານີ້, ທີ່ເຂດຫຼັກໝາຍຊາຍແດນເລກທີ 666 ຂຶ້ນກັບການຄຸ້ມຄອງຂອງຄ້າຍທະຫານຊາຍແດນອາເດີດ ຄະນະປະຕິບັດງານຂອງກອງບັນຊາການທະຫານຊາຍແດນແຂວງ ກວ໋າງນາມ ໄດ້ຈັດຕັ້ງພິທີມອບ-ຮັບສະບຽງອາຫານ ແລະອຸປະກອນການແພດໃຫ້ແກ່ກໍາລັງປົກປັກຮັກສາຊາຍແດນແຂວງເຊກອງ. |
ໄຊພອນ
