 |
ກະຊວງສາທາລະນະສຸກ ຄອງໂກ ແລະ ນາໆຊາດນຳສົບຜູ້ເສຍຊີວິດໄປຈັດພິທີສົບຢ່າງຖືກວິທີ.
ສຳນັກຂ່າວຕ່າງປະເທດລາຍງານຈາກນະຄອນກິນຊາຊາ ສາທາລະນະລັດປະຊາທິປະໄຕຄອງໂກ (ຄອງໂກ) ເມື່ອວັນທີ່ 4 ພຶດສະພາ 2019 ວ່າ ກະຊວງສາທາລະນະສຸກຂອງ ຄອງໂກ ອອກຖະແຫຼງການເມື່ອວັນສຸກກ່ຽວກັບຈຳນວນຜູ້ເສຍຊີວິດຈາກເຊື້ອໄວຣັສອີໂບລາຊື່ງລະບາດຄັ້ງໃຫ່ຍເມື່ອເດືອນສິງຫາປີຜ່ານມາວ່າ: ໂຕເລກຢ່າງເປັນທາງການເພີ່ມເປັນຢ່າງຫນ້ອຍ 1.008 ຄົນ ດ້ານຈຳນວນຜູ້ເຈັບປ່ວຍສະສົມຢູ່ທີ່ຫລາຍກວ່າ 1.500 ຄົນ ສ່ວນໃຫ່ຍພົບທີ່ແຂວງຄິວູເຫນືອ ແລະ ອິຕູຣີ ຊື່ງມີຊາຍແດນຕິດກັບ ຢູກັນດາ ແຕ່ລັດຖະບານຢູກັນດາຍັງບໍ່ເປີດເຜີຍລາຍງານກ່ຽວກັບສະຖານະການແພ່ລະບາດຂອງເຊື້ອໄວຣັສອີໂບລາໃນປະເທດອອກມາຢ່າງເປັນທາງການວ່າມີຜູ້ເສຍຊີວິດຫຼືຜູ້ປ່ວຍຫຼືບໍ່.
ຄະນະທີ່ທ່ານ ໄມເຄິລ ໄຣອັນ ຜູ້ອຳນວຍການໂຄງການສະຖານະການສຸກເສີນດ້ານສາທາລະນະສຸກຂອງອົງການອານາໄມໂລກ (ດັບເບິລຢູເອຊໂອ) ກ່າວທີ່ເມືອງເຈນີວາໃນຊະວິດເຊີແລນ ຊື່ງເປັນສະຖານທີ່ຕັ້ງສຳນັກງານໃຫ່ຍຂອງ ດັບເບິລຢູເອຊໂອ ວ່າ: ການລຳລຽງວັກຊີນ ແລະ ບຸກຄະລາກອນຈາກດັບເບິລຢູເອຊໂອ ແລະ ຫນ່ວຍງານພັນທະມິດຍັງຄົງເຂົ້າສູ່ພື້ນທີ່ມີການແຜ່ລະບາດຢ່າງຕໍ່ເນື່ອງ ຢ່າງໃດກໍ່ຕາມ ສະຖານະການຄວາມບໍ່ສະຫງົບທາງການເມືອງພາຍໃນຄອງໂກ ທັງການສູ້ຮົບລະຫວ່າງກອງທັບ ກັບກອງກຳລັງຝ່າຍກະບົດ ແລະການສູ້ຮົບກັນເອງລະຫວ່າງກຸ່ມຊາດພັນເປັນເຫດໃຫ້ຂະບວນການລ່າຊ້າ ແລະສົ່ງຜົນຕໍ່ຄວາມປອດໄພຂອງເຈົ້າຫນ້າທີ່ດ້ວຍ.
（ແຫຼ່ງຂໍ້ມູນ： ABC LAOS NEWS）
