 |
ວັນທີ 18 ຕຸລາ, ທ່ານນາຍົກລັດຖະມົນຕີ ຍີ່ປຸ່ນ Shinzo Abe ແລະ ທ່ານປະທານຄະນະກຳມະການເອີລົບ (EC) Jean –Clauder Junker ໄດ້ໃຫ້ຄຳໝັ້ນສັນຍາວ່າຈະມານະພະຍາຍາມຢ່າງສູງສຸດເພື່ອແນໃສ່ປະຕິບັດສຳເລັດບັນດາລະບຽບການພາຍໃນໃນທ້າຍປີນີ້ ເພື່ອໃຫ້ຂໍ້ຕົກລົງການຄ້າເສລີສອງຝ່າຍມີຜົນສັກສິດໂດຍໄວ. ວົງການເຈົ້າໜ້າທີ່ ຍີ່ປຸ່ນ ໃຫ້ຮູ້ວ່າ: ກໍ່ໃນການເຈລະຈາຢູ່ນະຄອນຫຼວງ ບຣຸກແຊນ (ປະເທດແບນຊິກ), ທ່ານ Abe ໄດ້ສະແດງຄວາມວິຕົກວັງວົນກ່ຽວກັບສະພາບການຊັກຊ້າໃນການເຄື່ອນໄຫວເຈລະຈາ ກ່ຽວກັບເລື່ອງ ອັງກິດ ຖອນຕົວອອກຈາກ ສະຫະພາບເອີລົບ (EU) ຫຼື ຍັງເອີ້ນວ່າ Brexit, ພ້ອມທັງຮຽກຮ້ອງໃຫ້ EU ມີມາດຕະການເໝາະສົມເພື່ອແນໃສ່ຫລຸດຜ່ອນຜົນກະທົບທີ່ຫຍໍ້ທໍ້ຈາກສະພາບການເຖິງການເຄື່ອນໄຫວຂອງບັນດາບໍລິສັດ ຍີ່ປຸ່ນ ທີ່ດຳເນີນທຸລະກິດຢູ່ ເອີລົບ ໃຫ້ຢູ່ໃນລະດັບຕ່ຳສຸດ.
ການນຳ EU ແລະ ຍີ່ປຸ່ນ ກໍ່ຢັ້ງຢືນຄືນໃໝ່ການຮ່ວມມືໃນວິວັດການປະຕິຮູບອົງການການຄ້າໂລກ (WTO) ໃນສະພາບທີ່ບັ້ນຮົບດ້ານການຄ້າລະຫວ່າງ 2 ພື້ນຖານເສດຖະກິດແຖວໜ້າຂອງໂລກນັ້ນແມ່ນ ອາເມລິກາ ແລະ ຈີນ ປີນຂັ້ນໄດຢ່າງບໍ່ຢຸດຢັ້ງ.
（ແຫຼ່ງຂໍ້ມູນ： vov5）
