 |
ເຈົ້າໜ້າທີ່ກູ້ໄພ ໄດ້ຫາມ ຖົງທີ່ຄາດວ່າຈະເປັນຖົງສົບຂອງຜູ້ເຄາະຮ້າຍໃນເຫດການຍົນຕົກຄັ້ງນີ້. (ພາບ: AFP)
ກ່ອນໜ້ານັ້ນ ໂຄສົກຂອງອົງການ ຊອກຫາ ແລະ ກູ້ໄພ ນະຄອນ Pangkal Pinang, ໄດ້ກ່າວວ່າ ໄດ້ພົບສົບ 1 ສົບ ຢູ່ ບ່ອນທີ່ສົງໄສວ່າເປັນບ່ອນເກີດເຫດຍົນ Lion Air ຕົກ ນອກຊາຍຝັ່ງທະເລ Java.
ຍົນໂດຍສານ Boeing 737 MAX 8 ເລກລະຫັດ JT610 ຂອງ ສາຍການບິນ ເລີ່ມອອກຈາກສະໜາມບິນສາກົນ Jakarta ໄປ Pangkal Pinang ເທິງເກາະ Sumatra ໄດ້ປະສົບອຸບັດຕິເຫດ ແລະ ຕົກລົງທະເລ. ເຈົ້າໜ້າທີ່ຂອງ ອິນໂດເນເຊຍ ໄດ້ໃຫ້ຮູ້ວ່າ: ຖ້ຽວບິນ JT610 ບິນຂື້ນຈາກສະໜາມບິນສາກົນ Jakarta ຕອນ 6ໂມງ20ນາທີ(ເວລາທ້ອງຖິ່ນ) ແລະ ຂາດການຕິດຕໍ່ ຫຼັງຈາກນັ້ນ 13 ນາທີ. ຜູ້ໂດຍສານທັງໝົດ 189 ຄົນ ຢູ່ເທິງຍົນຕອນທີ່ເກີດອຸບັດຕິເຫດ.
ຂໍ້ມູນເບື້ອງຕົ້ນຈາກອິນເຕີເນັດ Flightradar24 ໄດ້ສະແດງໃຫ້ເຫັນວ່າ ຍົນລຳດັ່ງກ່າວໄດ້ປ່ຽນລະດັບຄວາມສູງ ຕະຫຼອດເວລາ ກ່ອນໜ້າທີ່ຈະຂາດການຕິດຕໍ່. “ ຍົນລຳດັ່ງກ່າວໄດ້ທະຍານຂື້ນເຖິງຄວາມສູງ 1.524 ແມັດ ຫຼັງຈາກນັ້ນຫຼຸດລະດັບລົງ ແລະ ຕົກລົງທະເລ.ລະດັບຄວາມສູງສຸດທ້າຍໄດ້ຮັບການບັນທືກ ແມ່ນ 1.113 ແມັດ ແລະ ຄວາມໄວເພື່ມຂື້ນ 638ກມ/ຊມ.
Yohanes Sirait - ໂຄສົກຂອງ ສາຍການບິນ ອິນໂດເນເຊຍ ໄດ້ໃຫ້ຮູ້ວ່າ ຍົນຂອງສາຍການບິນໂດຍສານ Lion Air ໄດ້ສົ່ງຂໍ້ຄວາມມາເພື່ອຈະກັບຄືນ ກ່ອນໜ້າທີ່ການຕິດຕໍ່ຈະຂາດໄປ. “ສະຖານນີຄວບຄຸມທາງອາກາດໄດ້ຢືນຢັນ ຄວາມຮຽກຮ້ອງໃນການກັບດັ່ງກ່າວ ແຕ່ກໍ່ຂາດການຕິດຕໍ່ຈາກນັ້ນ”.
ຕອນຄຳ່ຂອງວັນທີ 28 ຕຸລາ ນັກບິນຂອງຍົນໂດຍສານ Boeing 737 MAX ໄດ້ລາຍງານວ່າ ຍົນໄດ້ປະສົບກັບບັນຫາເລື່ອງເຕັກນິກ. ແຕ່ວ່າເຖິງຢ່າງໃດກໍ່ຕາມ, ສາຍການບິນ Lion Air , ຊ່າງເຄື່ອງ ສາມາດແກ້ໄຂໄດ້ ແລະ ຮັບປະກັນ ວ່າຍົນຈະປອດໄພເມືອບິນຂື້ນໃນວັນທີ 29 ຕຸລາ.
（ຫັດທະບູນ）
