 |
ເມື່ອກ່າວຄຳເຫັນໃນວັນທີ 6 ພະຈິກ, ທີ່ເວທີປາໄສເສດຖະກິດໃໝ່ Bloomberg ຈັດຂຶ້ນຢູ່ ສິງກະໂປ, ທ່ານຮອງປະທານປະເທດ ຈີນ ຫວາງສີຊ່ານ ໃຫ້ຮູ້ວ່າ: ປະເທດຈີນ ພ້ອມທີ່ຈະເຈລະຈາ ແລະ ສົມທົບກັບ ອາເມລິກາ ເພື່ອແກ້ໄຂບັນດາຂໍ້ຂັດແຍ່ງທາງດ້ານການຄ້າ, ຸຖ້າພື້ນຖານເສດຖະກິດ ຍັກໃຫຍ່ທັງສອງຂອງໂລກ ຍັງສູ້ຢັນກັນແລ້ວກໍ່ຈະ ກໍ່ໃຫ້ເກີດຄວາມເສຍຫາຍ ທັງສອງຝ່າຍ ແລະ ສົ່ງຜົນສະທ້ອນແຜ່ລາມໄປທົ່ວໂລກ.
ທ່ານ ຫວາງສີຊ່ານ ກ່າວວ່າ: ໃນປັດຈຸບັນ ໂລກກຳລັງຕ້ອງປະເຊີນໜ້າກັບຫຼາຍບັນຫາໃຫຍ່ ແລະ ຮຽກຮ້ອງໃຫ້ມີການຮ່ວມມືກັນຢ່າງແໜ້ນແຟ້ນ ລະຫວ່າງ ອາເມລິກາ ແລະ ຈີນ. ທ່ານຮອງປະທານປະເທດຈີນ ເນັ້ນໜັກວ່າ: ຄວາມຫຍໍ້ທໍ້ ແລະ ຄຽດແຄ້ນ ບໍ່ແມ່ນການກະທຳ ທີ່ຈະສາມາດແກ້ໄຂບັນຫາທີ່ເກີດຂຶ້ນຈາກຂະບວນວິວັດແຫ່ງການໂລກາພິວັດພື້ນຖານເສດຖະກິດໄດ້. ຄ້າຍຄືແນວນັ້ນ, ບັນດາສິ່ງກີດຂວາງການຄ້າ ຫຼື ການຖົກຖຽງກັນບໍ່ສາມາດຊ່ວຍແກ້ໄຂບັນດາບັນຫາທີ່ບໍ່ລົງຮອຍກັນ ຂອງ ຈີນ ແລະ ອາເມລິກາ. ທ່ານ ຫວາງສີຊ່ານ ຢັ້ງຢືນວ່າ ປັກກິ່ງ ສະໜັບສະໜູນບັນດາການແກ້ໄຂຂໍ້ຂັດແຍ່ງສາກົນຜ່ານບັນດາຂໍ້ກຳນົດ ແລະ ຄວາມເຫັນດີເຫັນພ້ອມ, ກໍ່ຄືການຄັດຄ້ານລັດທິຝ່າຍດຽວ ແລະ ອາລັກຂາ. ຈີນ ຈະຮັກສາທ່າທີ ແລະ ມີສະຕິ, ເປີດອົກເປີດໃຈກວ່າເກົ່າ ແລະ ຮ່ວມມືເພື່ອຜົນປະໂຫຍດລວມ.
（ແຫຼ່ງຂໍ້ມູນ： vov5）
