 |
ທ່ານ ນາຍົກລັດຖະມົນຕີຫວຽດນາມ ຫງວຽນຊວນຟຸກ. (ພາບ: TTXVN)
ຂໍ້ຕົກລົງຊີ້ແຈ້ງ: ປະກາດໂລກລະບາດພະຍາດຕິດແປດຢູ່ຫວຽດນາມ. ຊື່ໂລກລະບາດ: ອັກເສບປອດທີ່ເກີດຈາກໄວຣັດໂກໂຣນາສາຍພັນໃໝ່. ເວລາເກີດໂລກລະບາດ: ແຕ່ວັນທີ 23 ມັງກອນ 2020 (ເວລາປະກົດກໍລະນີທຳອິດທີ່ຕິດໂລກລະບາດອັກເສບປອດທີ່ເກີດຈາກໄວຣັດໂກໂຣນາສາຍພັນໃໝ່). ສະຖານທີ່ ແລະຂອບຂະໜາດເກີດໂລກລະບາດ: ແຂວງແຄ໊ງຮວ່າ, ຫວີງຟຸກ, ແທັງຮວ໋າ (ມີ 6 ກໍລະນີຕິດໂລກລະບາດ). ສາເຫດ: ເກີດຈາກໄວຣັດໂກໂຣນາສາຍພັນໃໝ່. ລັກສະນະ ແລະລະດັບອັນຕະລາຍຂອງໂລກລະບາດ: ພະຍາດຕິດແປດກຸ່ມ A, ຄວາມອັນຕະລາຍຢູ່ລະດັບພາວະສຸກເສີນທົ່ວໂລກ. ເສັ້ນທາງຕິດແປດ: ຜ່ານທາງຫາຍໃຈຈາກຄົນສູ່ຄົນ. ບັນດາມາດຕະການປ້ອງກັນ ແລະຕ້ານໂລກລະບາດ: ປະຕິບັດຕາມກົດໝາຍວ່າດ້ວຍການປ້ອງກັນ ແລະຕ້ານພະຍາດຕິດແປດ, ລວມທັງ: ສ້າງຕັ້ງຄະນະຊີ້ນຳແຫ່ງຊາດປ້ອງກັນ ແລະຕ້ານໂລກລະບາດ; ແຈ້ງການ, ລາຍງານໂລກລະບາດ; ຈັດຕັ້ງການພະຍາບານສຸກເສີນ, ກວດ ແລະປິ່ນປົວພະຍາດ; ຈັດຕັ້ງການແຍກອອກທາງການແພດ; ການອະນາໄມ, ການຂ້າເຊື້ອ ແລະການຂ້າເຊື້ອໃນເຂດທີ່ມີໂລກລະບາດ...
ທ່ານນາຍົກລັດຖະມົນຕີ ຫວຽດນາມ ຫງວຽນຊວນຟຸກ ໄດ້ຮຽກຮ້ອງໃຫ້ບັນດາກະຊວງ, ອົງການທຽບເທົ່າກະຊວງ, ອົງການຂຶ້ນກັບລັດຖະບານ, ຄະນະກຳມະການປະຊາຊົນແຂວງ, ນະຄອນຂຶ້ນກັບສູນກາງ, ບັນດາຮາກຖານສາທາລະນະສຸກ, ອົງການຈັດຕັ້ງ, ສ່ວນບຸກຄົນຜັນຂະຫຍາຍການປະຕິບັດບັນດາຄຳສັ່ງຂອງຄະນະເລຂາສູນກາງພັກ; ການຊີ້ນຳຂອງນາຍົກລັດຖະມົນຕີ; ການຊີ້ນຳຂອງກະຊວງສາທາລະນະສຸກ ແລະ ບັນດາຂໍ້ກຳນົດດ້ານກົດໝາຍທີ່ກ່ຽວຂ້ອງ.
（ໄຊພອນ）
