ອີລອນ ມັດ ເຈົ້າຂອງ ບໍລິສັດ Tesla ພັດທະນາລົດໄຟຄວາມໄວສູງ ແລະ ທ່ອງທ່ຽວອາວາກາດ.
ອີລອນ ມັດ ເຈົ້າຂອງ Tesla ສະເໜີເຕັກໂນໂລຊີ ສຳຫຼວດອະວະກາດ
ສຳນັກຂ່າວ Bloomberg ລາຍງານວ່າ ໂຄສົກຂອງ ທ່ານ ອີລອນ ມັສ ມະຫາເສດຖີ ເຈົ້າຂອງ ບໍລິສັດ ເທດສລາ ແລະ ສະເປດສເອັກສ ອອກຖະແຫຼງການລະບຸວ່າ: ຂະນະນີ້ຄະນະຕົວແທນຂອງ ທ່ານ ມັສ ກຳລັງຢູ່ໃນຂັ້ນຕອນການເຈລະຈາກັບ ລັດຖະບານໄທ ວ່າດ້ວຍການສະເໜີ ໃຫ້ຄວາມຊ່ວຍເຫຼືອພານ້ອງໆ ສະມາຊິກທີມເຕະບານໝູປ່າອະຄາເດມີ້ ແລະ ຄູຝຶກ 13 ຄົນອອກມາຈາກຖ້ຳຫຼວງ-ຂຸນນ້ຳນາງນອນ ແຂວງ ຊຽງລາຍ. ໂດຍນຳໃຊ້ເຕັກໂນໂລຊີ ສຳຫຼວດອາວາກາດ ໃນການລະບຸຕຳແໜ່ງ ແລະ ຂຸດເຈະອຸໂມງຈາກ Boring Co. ແລະ ເຕັກໂນໂລຊີ ແບັດເຕີລີ້ ສັກກະຍາພາບສູງທີ່ເອີ້ນວ່າ Power wall ຈາກ Tesla Inc.
 |
ພາບຈາກທະວິດເຕີ້ຂອງ ອີລອນ ມັດ
ຄະນະທີ່ ທ່ານ ອີລອນ ມັດ ໂພດສ ຂໍ້ຄວາມໃນທະວິດເຕີ້ ເມື່ອ 2 ມື້ກ່ອນ ວ່າຕົນເອງຮູ້ດີວ່າ ລັດຖະບານໄທ ສາມາດຈັດການກັບສະຖານະການນີ້ໄດ້ ແຕ່ຫາກວ່າຕົນເອງສາມາດຊ່ວຍເຫຼືອໄດ້ບໍ່ທາງໃດກໍ່ທາງໜື່ງ ກໍ່ຕ້ອງການຈະຊ່ວຍ. ຢ່າງໃດກໍ່ຕາມ ຫຼັງຈາກການຖະແຫຼງຂອງໂຄສົກຂອງທ່ານ ອີລອນ ມັດສ ທາງການໄທ ຍັງບໍ່ທັນໄດ້ສະແດງການຕອບຮັບ ຫຼື ປະຕິເສດແຕ່ຢ່າງໃດ.
ທ່ານ ຈານນີ ອີນຟານຕີໂນ ປະທານສະຫະພັນ ເຕະບານສາກົນ ຟີຟ້າ.
ຟີຟ້າ ເຊີນ 13 ຊີວິດທີມ ໝູປ່າອາຄາເດມີ້ ເບິ່ງນັດຊີງ ບານໂລກ 2018
ດ້ານ ທ່ານ ຈານນີ ອີນຟານຕີໂນ ປະທານສະຫະພັນ ເຕະບານສາກົນ ຫຼື ຟີຟ້າ ສົ່ງຈົດໝາຍເຖິງ ພົນຕຳຫຼວດເອກ ສົມຍົດ ພຸ້ມພັນມ້ວງ ນາຍົກສະມາຄົມ ກິລາບານເຕະແຫ່ງຊາດໄທ ເພື່ອຮ່ວມສະແດງຄວາມຍິນດີທີ່ໄດ້ພົບນັກເຕະເຍົາວະຊົນ ແລະ ຄູຝຶກສອນ ທີມໝູປ່າອາຄາເດມີ້ ແມ່ສາຍ ທັງ 13 ຄົນ, ຫຼັງຈາກທີ່ຕິດຕາມຢູ່ໃນຖ້ຳຫຼວງ-ຂຸນນາງນອນ ແຂວງຊຽງລາຍດົນກວ່າ 1 ອາທິດ.
ທັງນີ້ ໃນນາມ ຕົວແທນຊຸມຊົນບານເຕະນານາຊາດ, ຈານນີ ຟານຕິໂນໄດ້ຮ່ວມສະແດງຄວາມເຫັນໃຈ ແລະ ຂໍພາວະນາຮ່ວມກັບທຸກຄອບຄົວ ແລະ ຊຸມຊົນ ຫວັງວ່າພວກເຂົາຈະຄືນສູ່ອ້ອມກອດຂອງຄົນທີ່ເປັນທີ່ຮັກ ຈົນກັບມາແຂງແຮງ ແລະ ມີຄວາມໝັ້ນໃຈອີກຄັ້ງ . ພ້ອມກັບລະບຸວ່າ ທາງ ຟີຟ້າ ຍິນດີຢ່າງຍິ່ງທີ່ຈະເຊີນພວກເຂົາຮ່ວມຊົມເຕະບານໂລກ 2018 ຮອບຊີງຊະນະເລີດ (15 ກໍລະກົດ) ທີ່ ມອດສະໂຄ ໃນຖານະແຂກ ພ້ອມຫວັງດ້ວຍໃຈຈິງວ່າ ພວກເຂົາຈະສາມາດ ມາຮ່ວມກັບຕົນເອງ ໃນນັດຊີຊະນນະເລີດ ເຊິ່ງບໍ່ຕ້ອງສົງໄສເລີຍວ່າ ຈະເປັນຊ່ວງເວລາອັນສວຍງາມຂອງການມີສ່ວນຮ່ວມ ແລະ ການສະເຫຼີມສະຫຼອງຄັ້ງໜຶ່ງເລີຍ.
（ຫັດທະບູນ）
