 |
ຊາວປະໂມງຫາປາຕາມສາຍແມ່ນ້ຳຂອງ, ໄຫຼຜ່ານ ພະນົມເປັນ.
ປະທານສະພາ ນັກທຸລະກິດໄດ້ ໄອຍະວະດີ - ເຈົ້າພຣະຍາ - ແມ່ນ້ໍາຂອງ (ACMECS) Sanan Angubolkul ກ່າວວ່າ: ອົງການຈັດຕັ້ງນີ້ ຈະສະເຫນີການນໍາໃຊ້ສະກຸນເງິນພາຍໃນການຄ້າຊາຍແດນຂອງເຂດອະນຸພາກພື້ນແມ່ນ້ຳຂອງ ໃນກອງປະຊຸມລະດັບສູງ ກ່ຽວກັບຍຸດທະສາດ ການຮ່ວມມືທາງດ້ານເສດຖະກິດ ACMECS ເຊິ່ງຈະດຳເນີນໄປໃນທ້າຍອາທິດນີ້ຢູ່ປະເທດໄທ.
ປະຈຸບັນບັນດາ ປະເທດເຂດອະນຸພາກພື້ນແມ່ນ້ຳຂອງ ລວມມີ: ຫວຽດນາມ, ກໍາປູເຈຍ, ລາວ, ມຽນມາ ແລະ ປະເທດໄທ ກໍາລັງເພີ່ມທະວີ ການຮ່ວມມື ຫຼາຍຂົງເຂດ, ໂດຍສະເພາະແມ່ນ ການຄ້າ. ຢ່າງໃດກໍ່ດີ, ທ່ານ Sanan ໄດ້ເວົ້າວ່າ: ໃນການແລກປ່ຽນເງິນຕາຕ່າງ ຕ່າງປະເທດໃນປະຈຸບັນ ມີຄວາມຊີ້ນເປືອງຫຼາຍ ສ້າງຄວາມຫຍຸ້ງຍາກໃຫ້ ຫົວໜ່ວຍວິສາຫະກິດ, ລັດຖະບານບັນດາປະເທດຄວນຈະຍອມຮັບສະກຸນເງິນ ເຊິ່ງກັນແລະກັນ ເພື່ອສ້າງຄວາມ ສະດວກໃຫ້ແກ່ການຄ້າ ຊາຍແດນ.
ທ່ານຍັງໄດ້ຮຽກຮ້ອງວ່າ: ໃຫ້ສ້າງຕັ້ງສູນຄວບຄຸມ ປະຕູດຽວຢູ່ດ່ານຊາຍແດນເພື່ອເຮັດໃຫ້ ການຄ້າ ຂົງເຂດຊາຍແດນ ດຳເນີນໄປດ້ວຍຄວາມຄ່ອງແຄ້ວ ແລະ ວ່ອງໄວ. ໃນຄວາມເປັນຈິງ, ສິນຄ້າທີ່ນຳມາຜ່ານ ສ່ວນຫຼາຍຖືກເນົ່າ ແລະ ເສຍຫາຍ ໂດຍສະເພາະແມ່ນ ສິນຄ້າປະເພດ ສະບຽງອາຫານ, ເນື່ອງຈາກຕ້ອງຜ່ານເອກສານຫຼາຍຂັ້ນຕອນ.
（ຫັດທະບູນ）
