 |
ຕຳຫຼວດໄດ້ກວດກາຢູ່ທີ່ສະຖານທີ່ເກີດເຫດວາງລະເບີດ ຢູ່ແຂວງ ສຸຣະບາຍາ ວັນທີ 13 ພຶດສະພາ. (ພາບ: THX/TTXVN)
ສະຖານະການຂອງ ນະຄອນຫຼວງ ຈາກາຕາ ໄດ້ຍົກລະດັບຂຶ້ນສູງສຸດ.ຜູ່ບັນຊາການຕຳຫຼວດ ຈາກາຕາ ນາຍພົນ Idham Azisໄດ້ກ່າວວ່າ: "ຫຼັງຈາກການລະເບີດຢູ່ໂບດ 3 ໃນ Surabaya, ທຸກເຂດທີ່ຢູ່ໃນການຄວບຄຸມຂອງຕໍາຫຼວດຈາກາຕາໄດ້ຖືກຈັດຢູ່ໃນສະຖານະການຄວາມວຸ້ນວາຍ ສູງສຸດ ຈົນເຖິງມີແຈ້ງການຕື່ມ.
ຕໍາຫຼວດ ຈາວາ ຕາເວັນຕົກ ກໍ່ໄດ້ຍົກລະດັບວຸ້ນວາຍດ້ານຄວາມສະຫງົບ ຂື້ນມາເປັນ ລະດັບ 1, ພ້ອມກັນນັ້ນຮຽກຮ້ອງໃຫ້ໂບດທຸກແຫ່ງໃນ ສຸຣາບາຍາ ຢຸດກິດຈະກຳ ຫຼື ການເຄື່ອນໄຫວຈົນກວ່າສະຖານະການຈະ ປອດໄພ.
ໃນຫມູ່ເກາະ Riau, ເຂດຫ່າງໄກສອກຫຼີກທີ່ສຸດຂອງ ອິນໂດເນເຊຍ, ສະຖານະການຄວາມບໍ່ສະຫງົບ ກໍ່ໄດ້ຖືກຈັດຢູ່ໃນສະຖານະການ ວຸ້ນວາຍ ສູງສຸດ. ຜູ່ບັນຊາການຕຳຫຼວດແຂວງ Riau ທ່ານ Didid Widjanardi ກ່າວວ່າ: ຄວາມສະຫງົບໄດ້ມີຄວາມຄວບຄູມຢ່າງເຂັ້ມງວດຢູ່ໃນພື້ນທີ່ສາທາລະນະ, ບ່ອນທີ່ຝູງຊົນຢູ່ເປັນຈຳນວນຫຼວງຫລາຍ, ໂດຍສະເພາະໃນໂບດ.
ໃນນັ້ນ, ເກາະທ່ອງທ່ຽວທີ່ມີຊື່ສຽງຂອງອິນໂດເນເຊຍ ບາລີ ບ່ອນທີ່ເຄີຍປະສົບ ການກໍ່ການຮ້າຍ ກໍ່ໄດ້ມີການເຂັ້ມງວດດ້ານຄວາມສະຫງົບ ໃນເວລາທີ່ສະຖານະການເກີດການວາງລະເບິດຂ້າຕົວຕາຍ ທີ່ ສຸລະບາຍາ.
ໂຄສົກສະນັກງານຕຳຫຼວດ ບາລີ, Hengky Widjaja ໄດ້ໃຫ້ຮູ້ວ່າ: "ພວກເຮົາໄດ້ເພີ່ມທະວີ ການເວນຍາມ ແລະ ເຂັ້ມງວດຄວາມສະຫງົບ ໃນທົ່ວເຂດ ບາລີ ແລະ ທຸກສະຖານີຕໍາຫຼວດທັງຫມົດ"
ຕໍາຫຼວດ Bali ຍັງໄດ້ຮຽກຮ້ອງຊາວບ້ານ ທີ່ອາໄສຢູ່ເທິງ ເກາະດັ່ງກ່າວຢູ່ໃນຄວາມສະຫງົບ ແລະ ເພີ່ມທະວີຄວາມຕື່ນຕົວ, ຫຼຸດຜ່ອນກິດຈະກໍາຂອງປະຊາຊົນໃນຕໍ່ໜ້າ ແລະ ແຈ້ງໃຫ້ຕໍາຫຼວດທີ່ຢູ່ໃກ້ທີ່ສຸດຖ້າວ່າເຫັນສິ່ງທີ່ຜິດປົກະຕິໜ້າສົງໄສຖືກ.
Bali ຍັງໄດ້ເພີ່ມທະວີ ການກວດກາ ແລະ ເຂັ້ມງວດໃນເສັ້ນທາງການເຂົ້າອອກຈາກເກາະນີ້, ລວມມີ ສະຫນາມບິນສາກົນ Gusti Ngurah Rai, ທ່າເຮືອ Gilimanuk ເຊື່ອມຕໍ່ ບາລີ ກັບ ຈາວາ, ທ່າເຮືອ Padangbai Port ເຊື່ອມຕໍ່ ບາລີ ກັບເກາະ Lombok ແລະ ທ່າເຮືອອື່ນໆໃນເຂດຊາຍແດນ ບາລີ. ຕໍາຫຼວດ ບາລີ ກໍ່ຍັງໄດ້ເອົາໃຈໃສ່ເປັນພິເສດຕໍ່ຄວາມສະຫງົບ ການຮັກສາຄວາມປອດໄພຢູ່ໃນສະຖານທີ່ທ່ອງທ່ຽວ, ສະຖານທີ່ທາງສາສະຫນາ, ສະຖານກົງສຸນຢູ່ໃນເມືອງ ບາຫຼີ.
（ຫັດທະບູນ）
