 |
ທ່ານນາຍົກລັດຖະມົນຕີ ຫງວຽນຊວນຟຸກ ກ່າວຄຳເຫັນທີ່ກອງປະຊຸມ.
ນີ້ແມ່ນຄັ້ງທຳອິດຂອງກອງປະຊຸມສຸດຍອດ ທຸລະກິດ ຫວຽດນາມ ໄດ້ຈັດຂື້ນຄູ່ກັບ ເວທີປຶກສາຫາລຶ ເສດຖະກິດໂລກ (WEF).
ກອງປະຊຸມຈັດຂື້ນໃນຫົວຂໍ້ທີ່ວ່າ: “ຫວຽດນາມ-ຄູ່ຮ່ວມມືທີ່ໜ້າເຊື່ອໝັ້ນ” ກອງປະຊຸມຄັ້ງນີ້ດຶງດູດນັທຸລະກິດ ຫຼາຍກວ່າ 1.200 ຄົນ ປະກອບມີທັງນັກທຸລະກິດ ແລະ ກຸ່ມບໍລິສັດອັນດັບຕົ້ນຂອງໂລກ.
ກອງປະຊຸມຈະດຳເນີນໄປດ້ວຍ ບັນດາ ການສຳມະນາ ວ່າດ້ວຍ ບົດບາດ-ໜ້າທີ່ຂອງຫວຽດນາມ ໃນຖັນແຖວມູນຄ່າຂອງພູມມິພາກ ແລະ ໃນໂລກ; ແນະນຳສະພາບແວດລ້ອມຂອງນະໂຍບາຍ ໂອກາດໃນການລົງທືນ ແລະ ດຳເນີນທຸລະກິດຂອງຫວຽດນາມ ພິເສດແມ່ນໃນຂົງເຂດການເງິນ ແລະ ພື້ນຖານໂຄງລ່າງ.
ທ່ານນາຍົກລັດຖະມົນຕີ ຫງວຽ໋ນຊົນ ຟຸກ ແລະ ປະທານ WEF Borge Brende ຈະຮ່ວມປາໄສທີ່ກອງປະຊຸມ ພ້ອມກັນນັ້ນ ກໍ່ພົບປະໂອ້ລົມກັບນັກທຸລະກິດ , ສຳມະນາ ກ່ຽວກັບ ຫວຽດນາມ ໃນຖັນແຖວມູນຄ່າຂອງພູມມິພາກ ແລະ ໃນໂລກ, ບັນດາການນຳ ກະຊວງ ອົງການສາກົນ ແລະ ນັກທຸລະກິດ ກໍ່ຈະແລກປ່ຽນກ່ຽວກັບ ໂອກາດໃນການດຳເນີນທຸລະກິດໃໝ່ ຢູ່ຫວຽດນາມ.
VBS 2018 ແມ່ນໂອກາດຂອງນັກທຸລະກິດ ຫວຽດນາມ ພົບປະ ແລະ ເຂົ້າເຖິງ ບັນດາຄູ່ຮ່ວມມື ຄຸນນະພາບລະດັບໂລກ ຊ່ວຍໃຫ້ນັກທຸລະກິດຫວຽດນາມ ຊອກຫາໂອກາດໃນການຮ່ວມມືລົງທືນ ດຳເນີນທຸລະກິດ ແລະ ປືກສາຫາລື ບັນດາໂຄງການການຮ່ວມມືຕົວຈິງ ພ້ອມກັນນັ້ນກໍ່ຈະກຳໄດ້ທິດທາງ ແລະ ຕົ້ນແບບຂອງການດຳເນີນທຸລະກິດແບບໃໝ່.
（ຫັດທະບູນ）
