 |
ຜູ້ນຳ ແລະ ຕົວແທນລະດັບສູງຈາກ 7 ປະເທດ ທີ່ມີອານາເຂດ ປົກຄຸມປ່າ Amazon ໄດ້ບັນລຸຂໍ້ຕົກລົງ ເບື້ອງຕົ້ນ ໃນການຮ່ວມກັນ ປົກປ້ອງປ່າດົງດິບ ຂະໜາດໃຫຍ່ທີ່ສຸດຂອງໂລກ.(ພາບ: thanhnien.vn)
ຜູ້ນຳ ແລະ ຕົວແທນລະດັບສູງຈາກ 7 ປະເທດ ທີ່ມີອານາເຂດ ປົກຄຸມປ່າ Amazon ໄດ້ບັນລຸຂໍ້ຕົກລົງ ເບື້ອງຕົ້ນ ໃນການຮ່ວມກັນ ປົກປ້ອງປ່າດົງດິບ ຂະໜາດໃຫຍ່ທີ່ສຸດຂອງໂລກ ເຊິ່ງປີນີ້ ໄດ້ພົບກັບສະພາບໄຟໄໝ້ປ່າ ຢ່າງຮຸນແຮງ ເກີດຄວາມເສຍຫາຍ ເປັນວົງກວ້າງ ສົ່ງຜົນໃຫ້ 7 ປະເທດປະກອບມີ: ໂກໂລມບີ, ເປຣູ, ໂບລີວີ ເອກວາດໍ ກຸຍຢານ ຊູເຣີນາມ ແລະ ບຣາຊິນ ຮ່ວມລົງນາມຈັດຕັ້ງ ພັນທະມິດ ປົກປ້ອງປ່າ ອາເມຊອນ ທີ່ເມືອງເລຕິເຊຍ ທາງພາກໃຕ້ຂອງໂກໂລມບີ ເມື່ອບໍ່ດົນມານີ້.
ຕາມຂໍ້ຕົກລົງຫາກໍ່ໄດ້ເຊັນນັ້ນ, ປະເທດຕ່າງໆຈະສ້າງຕັ້ງລະບົບຮັບມືກັບໄພທຳມະຊາດເພື່ອສາມາດສົມທົບກັນເປັນຢ່າງດີກ່ວາອີກ ຄືໃນກໍລະນີເກີດໄຟໄໝ້ປ່າຂະໜາດໃຫ່ຍ. ຂໍ້ຕົກລົງດັ່ງກ່າວກໍ່ຈະຊຸກຍູ້ບັນດາຂໍ້ລິເລີ່ມປູກປ່າ, ເພີ່ມການເຄື່ອນໄຫວຕິດຕາມບັນດາບັນຫາຢູ່ປ່າ Amazon ຜ່ານດາວທຽມ. ນອກຈາກນັ້ນແລ້ວ, ປະເທດຕ່າງໆກໍ່ເຫັນດີເປັນເອກະສັນຈະແບ່ງປັນຂໍ້ມູນຂ່າວສານກ່ຽວກັບບັນດາການເຄື່ອນໄຫວຜິດກົດໝາຍຢູ່ປ່າ Amazon ຄື: ການຂຸດຄົ້ນແຮ່ທາດຢ່າງຜິດກົດໝາຍ.
（ໄຊພອນ）
