ສະພາແຫ່ງຊາດຫວຽດນາມ ປຶກສາຫາລືກ່ຽວກັບຮ່າງປະມວນກົດໝາຍວ່າດ້ວຍແຮງງານ ສະບັບປັບປຸງ

ສະພາແຫ່ງຊາດຫວຽດນາມ ປຶກສາຫາລືກ່ຽວກັບຮ່າງປະມວນກົດໝາຍວ່າດ້ວຍແຮງງານ ສະບັບປັບປຸງ.(ພາບ:quochoi.vn)

ປະມວນກົດໝາຍວ່າດ້ວຍແຮງງານ ສະບັບປັບປຸງ ໄດ້ຮັບການປັບປຸງໂດຍພື້ນຖານ, ຮອບດ້ານ, ປະກອບສ່ວນສ້າງລະບອບລະບຽບການເສດຖະກິດການຕະຫຼາດຕາມທິດສັງຄົມນິຍົມໃຫ້ສົມບູນແບບ, ຊຸກຍູ້ຕະຫຼາດແຮງງານໃຫ້ມີການພັດທະນາ, ຮັບປະກັນສິດ ແລະ ຜົນປະໂຫຍດອັນຊອບທໍາຂອງຊາວຜູ້ອອກແຮງງານ ແລະ ຜູ້ນໍາໃຊ້ແຮງງານໃຫ້ດີກວ່າເກົ່າ. ເພີ່ມເຕີມຂໍ້ກໍານົດລະອຽດກວ່າ ກ່ຽວກັບບັນດາກໍລະນີທີ່ໄດ້ເຮັດວຽກເພີ່ມນອກໂມງລັດຖະການແຕ່ກວ່າ 200 ຊົ່ວໂມງ ຫາ 300 ຊົ່ງໂມງຕໍ່ປີ ເພື່ອແນໃສ່ຮັບປະກັນສິດຜົນປະໂຫຍດອັນຍາວນານໃຫ້ຜູ້ອອກແຮງງານ. ດັບປັບ ແລະ ຍົກອາຍຸພັກກິນເບ້ຍບໍານານຕາມຂັ້ນຕອນ ເພື່ອແນໃສ່ກະກຽມຮັບມືກັບສະພາບອັດຕາຜູ້ອອກແຮງງານໃນເກັນອາຍຸສູງເພີ່ມຂຶ້ນ, ຕອບສະໜອງຕາມຄວາມຕ້ອງການຂອງຕະຫຼາດແຮງງານ. ຮ່າງປະມວນກົດໝາຍພາຍຫຼັງໄດ້ຮັບການດັດແກ້ແລ້ວ ລວມມີ 17 ພາກ ແລະ 220 ມາດຕາ; ອັນໄດ້ສະແດງໃຫ້ເຫັນຈຸດໃໝ່ຕົ້ນຕໍ 10 ຈຸດ ສໍາລັບຊາວຜູ້ອອກແຮງງານ ແລະ ຈຸດໃໝ່ຕົ້ນຕໍ 6 ຈຸດສໍາລັບຜູ້ນໍາໃຊ້ແຮງງານ, ໃນນັ້ນ ມີບາງເນື້ອໃນສໍາຄັນ ໄດ້ຮັບເອົາ ແລະ ດັດແກ້ຄື: ຂອບເຂດການດັດແກ້ ແລະ ເປົ້າໝາຍນໍາໃຊ້; ຊົ່ວໂມງເຮັດວຽກປົກກະຕິ; ແກ້ໄຂການຂັດແຍ້ງໃນການອອກແຮງງານ ແລະ ອື່ນໆ.

（ໄຊພອນ）