 |
ຫວຽດນາມ ຖືກຈັດເຂົ້າໃນ 20 ອັນດັບທຳອິດໃນບັນດາປະເທດທີ່ມີພື້ນຖານເສດຖະກິດດີທີ່ສຸດ ທີ່ໜ້າລົງທຶນ.(ພາບປະກອບ)
ເພື່ອນຳເອົາການຈັດອັນດັບ 20 ປະເທດ ທີ່ມີພື້ນຖານເສດຖະກິດດີທີ່ສຸດ ທີ່ໜ້າລົງທຶນປະຈຳສົກປີ 2019. U.S. News & Wold Report ໄດ້ສໍາພາດກວ່າ 21.000 ກວ່າຄົນ ຈາກ 80 ປະເທດທົ່ວໂລກໃນນັ້ນໄດ້ນຳເອົາບັນດາຄຳຄິດເຫັນຈາກບັນດາຜູ້ບໍລິຫານບໍລິສັດຊັ້ນນຳກວ່າ 7000 ແຫ່ງ ທົ່ວໂລກ ເພື່ອເປັນບ່ອນອີງໃນການກຳນົດມາດຕະຖານ.
ໃນການປະເມີນໄດ້ອີງໃສ່ 8 ມາດຖານຕົ້ນຕໍຄື: ຄວາມໝັ້ນຄົງທາງດ້ານເສດຖະກິດ, ການກໍ່ສ້າງຮ່າງຕົວ, ນະໂຍບາຍທາງດ້ານພາສີທີ່ສະດວກ, ການມີຫົວຄິດປະດິດສ້າງ, ການເຮັດວຽກແບບມືອາຊີບ, ຄວາມຂະຫຍັນຂັນແຂ່ງ ແລະ ບັນຫາສໍ້ຫຼາດບັງຫຼວງ. ບັນດາມາດຕະຖານນີ້ໄດ້ຖືກສ້າງຂຶ້ນໂດຍອີງໃສ່ລາຍງານຂອງທະນະຄານໂລກປີ 2011 ໃນນັ້ນໄດ້ເນັ້ນໃສ່ 4 ປັດໃຈຫຼັກຄື: ຄົນ, ສະພາບແວດລ້ອມ, ບັນດາສາຍພົວພັນ ແລະ ກອບກົດໝາຍ.
ຫວຽດນາມນັບມື້ກໍ່ໄດ້ກາຍເປັນໂຕເຊື່ອມໂຍງຫຼາຍຂຶ້ນກວ່າເກົ່າຫຼັງຈາກໄດ້ເຂົ້າເປັນສະມາຊິກອົງການການຄ້າໂລກ (WTO) ປີ 2007, ສະມາຊິກອົງການສະຫະປະຊາຊາດກໍ່ຄືສະມາຊິກອາຊຽນ… ສ່ວນປະເທດທີ່ຢືນຢູ່ໃນອັນດັບຕົ້ນຈາກການຈັດອັນດັບຂອງ U.S. News & Wold Report ໃນຄັ້ງນີ້ໄດ້ແກ່ ອູລຸໄກວ ແລະ ຕໍ່ມາແມ່ນ ຊາອຸດິອາລາເບຍ, ຄອສຕາລີກາ, ລຸກຊຳບວກ, ອິນເດຍ, ບາເລນ ແລະ ກາຕ່າ.
（ໄຊພອນ）
