 |
ທ່ານ ຫງວຽນຊວນຟຸກ ຕ້ອນຮັບທ່ານ Lim Jock Hoi. (ພາບ: ສໍານັກຂ່າວສານຫວຽດນາມ)
ທີ່ການຕ້ອນຮັບ, ທ່ານ ຫງວຽນຊວນຟຸກ ໄດ້ເນັ້ນໜັກວ່າ: ຫວຽດນາມ ຍາມໃດກໍ່ຖືອາຊຽນ ແມ່ນໜຶ່ງໃນບັນດາເສົາຄໍ້າສໍາຄັນໃນນະໂຍບາຍການຕ່າງປະເທດ; ຖືເປັນສຳຄັນໜ້າທີ່ເປັນປະທານອາຊຽນ ປີ 2020 ແລະໄດ້ຕັ້ງໜ້າດໍາເນີນບັນດາວຽກງານກະກຽມ; ສືບຕໍ່ທ່າຂອງຊຸມປີກ່ອນ ແລະສະເໝີຕົ້ນສະເໝີປາຍກັບບັນດາເປົ້າໝາຍຂອງອາຊຽນ, ຫວຽດນາມ ຈະມຸ່ງໄປເຖິງບັນດາບູລິມະສິດເພື່ອແນໃສ່ເພີ່ມທະວີຄວາມສາມັກຄີ, ຄວາມເຫັນດີເປັນເອກະພາບ, ປັບປຸງຄວາມສະໜິດຕິດພັນ ແລະການຮ່ວມສໍາພັນໃນອາຊຽນ, ຍົກສູງກໍາລັງຄວາມສາມາດປັບຕົວຂອງອາຊຽນ ໃນສະພາບການໃໝ່, ການປະຕິຮູບ; ຍົກສູງປະສິດທິຜົນການເຄື່ອນໄຫວຂອງອາຊຽນ.
 |
ຫວຽດນາມ ຍາມໃດກໍ່ຖືອາຊຽນ ແມ່ນໜຶ່ງໃນບັນດາເສົາຄໍ້າສໍາຄັນໃນນະໂຍບາຍການຕ່າງປະເທດ.(ພາບ:baochinhphu)
ທີ່ການຕ້ອນຮັບ, ທ່ານ Lim Jock Hoi ສະແດງຄວາມເຊື່ອໝັ້ນວ່າ, ຫວຽດນາມ ຈະດໍາລົງຕໍາແໜ່ງເປັນປະທານອາຊຽນ ໃນປີ 2020 ສໍາເລັດຜົນ. ທ່ານກໍ່ເຫັນດີເຫັນພ້ອມຕໍ່ທັດສະນະຂອງທ່ານ ຫງວຽນຊວນຟຸກ, ທ່ານ Lim Jock Hoi ຖືວ່າ, ອາຊຽນ ຄວນເພີ່ມທະວີຄວາມສາມັກຄີພາຍໃນກຸ່ມ, ຊຸກຍູ້ການແລກປ່ຽນດ້ານການຄ້າ... ທ່ານ Lim Jock Hoi ໃຫ້ຄໍາໝັ້ນສັນຍາວ່າຈະມານະພະຍາຍາມຈົນສຸດຄວາມສາມາດຂອງຕົນ ເພື່ອຮັກສາຄວາມສາມັກຄີໃນອາຊຽນ, ແກ້ໄຂບັນດາບັນຫາສັບສົນທີ່ພວມວາງອອກເປັນຢ່າງດີ.
ກ່ອນໜ້ານັ້ນ, ໃນວັນທີ 26 ສິງຫາ 2019, ຢູ່ຮ່າໂນ້ຍ, ໃນວັນທີ 26 ສິງຫາ, ຢູ່ນະຄອນຫຼວງຮ່າໂນ້ຍ, ກະຊວງການຕ່າງປະເທດຫວຽດນາມ ໄດ້ຈັດຕັ້ງການໂອ້ລົມສົນທະນາຂັ້ນສູງກ່ຽວກັບປີອາຊຽນ 2020 ໂດຍທ່ານ ຫງວຽນກວກຢູງ, ຮອງລັດຖະມົນຕີກະຊວງການຕ່າງປະເທດ, ຫົວໜ້າ SOM ອາຊຽນຫວຽດນາມ, ເລຂາທິການໃຫຍ່ຄະນະກໍາມະການແຫ່ງຊາດອາຊຽນ 2020 ເປັນປະທານ.
ທ່ານ Lim Jock Hoi ເລຂາທິການໃຫຍ່ອາຊຽນ ໄດ້ເຊີດຊູບັນດາໝາກຜົນ, ການປະກອບສ່ວນຂອງຫວຽດນາມ ຕໍ່ອາຊຽນ ໃນຊຸມປີຜ່ານມາ, ພ້ອມທັງເນັ້ນໜັກເຖິງທີ່ຕັ້ງ, ບົດບາດທີ່ນັບມື້ນັບເພີ່ມຂຶ້ນຂອງຫວຽດນາມ ໃນພາກພື້ນ ແລະໃນເວທີສາກົນ, ຕີລາຄາສູງຕໍ່ເລື່ອງຫວຽດນາມ ດໍາລົງຕໍາແໜ່ງເປັນປະທານອາຊຽນ 2020 ແລະເປັນສະມາຊິກບໍ່ປະຈໍາການສະພາຄວາມໝັ້ນຄົງສະຫະປະຊາຊາດ (2020-2021). ທ່ານ Lim Jock Hoi ກໍ່ຢືນຢັນວ່າ, ໃນນາມສ່ວນຕົວ ແລະຄະນະເລຂາທິການອາຊຽນ ຈະມານະພະຍາຍາມຢ່າງສຸດຂີດ, ສົມທົບກັນຢ່າງແໜ້ນແຟ້ນເພື່ອໜູນຊ່ວຍຫວຽດນາມ ຊຸກຍູ້ ແລະປະຕິບັດບັນດາເປົ້າໝາຍທີ່ໄດ້ວາງອອກໃຫ້ປະສົບຜົນສໍາເລັດ.
（ໄຊພອນ）
