 |
ທ່ານ ຫງວຽນຊວນຟຸກ ນາຍົກລັດຖະມົນຕີຫວຽດນາມຕ້ອນຮັບ ທ່ານ Abe Shuichi ເຈົ້າແຂວງ Nagano (ພາບ: TTXVN)
ທີ່ການຕ້ອນຮັບ, ທ່ານນາຍົກລັດຖະມົນຕີຫວຽດນາມໄດ້ຊີ້ແຈ້ງວ່າ: ການພົວພັນຄູ່ຮ່ວມມືຍຸດທະສາດທີ່ເລິກເຊິ່ງກວ້າງຂວາງລະຫວ່າງຫວຽດນາມ-ຍີ່ປຸ່ນ ພັດທະນາຢ່າງແຮງໃນຫຼາຍຂົງເຂດ, ບໍ່ພຽງແຕ່ຢູ່ຂັ້ນສູນກາງເທົ່ານັ້ນຫາກຍັງຢູ່ໃນທ້ອງຖິ່ນອີກດ້ວຍ; ແຂວງ Nagano ມີຄວາມເຂັ້ມແຂງທາງດ້ານກະສິກຳເຕັກໂນໂລຊີສູງ, ດັ່ງນັ້ນ, ຫວຽດນາມ ຈຶ່ງຢາກໄດ້ມີການຮ່ວມມືທີ່ເຂັ້ມແຂງກັບແຂວງໃນຂົງເຂດນີ້, ທ່ານນາຍົກລັດຖະມົນຕີຢັ້ງຢືນວ່າ, ອີງຕາມຂໍ້ຕົກລົງໃນກອງປະຊຸມເຈລະຈາກັບທ່ານ Shinzo Abe , ລັດຖະບານຫວຽດນາມຈະສ້າງເງື່ອນໄຂໃຫ້ແກ່ຜະລິດຕະພັນກະເສດ ຍີ່ປຸ່ນ ເປັນຕົ້ນຄື:ໝາກໂປ່ມ, ໝາກສາລີ້; ໃນນັ້ນ, ມີແຂວງ Nagano ຈະໄດ້ຮັບຄວາມສະດວກໃນການເຂົ້າມາຕະຫຼາດຫວຽດນາມ.
ພ້ອມທັງກໍ່ໄດ້ສະເໜີວ່າໃນໄລຍະຈະມາເຖິງ, ອຳນາດການປົກຄອງແຂວງ Nagano ແລະ ທ່ານເຈົ້າແຂວງ Abe Shuichi ສືບຕໍ່ເອົາໃຈໃສ່, ຊຸກຍູ້ບັນດາວິສາຫະກິດຂອງແຂວງເຂົ້າມາລົງທຶນຢູ່ ຫວຽດນາມໃນຂົງເຂດທີ່ແຂວງມີທ່າແຮງຄື: ດ້ານກະສິກຳ, ດ້ານອຸດສະຫະກຳເຄື່ອງຈັກໄຟຟ້າ, ດ້ານການສື່ສານ, ອຸປະກອນຮັບໃຊ້ໃນການຜະລິດໃຫ້ຫຼາຍກວ່າອີກ; ເພີ່ມທະວີ, ເປີດກວ້າງຮັບເອົານັກຝືກງານຫວຽດນາມ. ລັດຖະບານຫວຽດນາມພ້ອມແລ້ວທີ່ຈະສ້າງເງື່ອນໄຂສະດວກເພື່ອໃຫ້ວິສາຫະກິດແຂວງ Nagano ເຂົ້າມາລົງທຶນ, ເຮັດທຸລະກິດປະສົບຜົນສຳເລັດຢູ່ ຫວຽດນາມ. ນອກຈາກນັ້ນ, ທ່ານ ຫງວຽນຊວນຟຸກ ສະແດງຄວາມປິຕິຊົມຊື່ນເພາະວ່າກະຊວງແຮງງານ-ທະຫານເສຍອົງຄະ ແລະສັງຄົມຫວຽດນາມ ແລະແຂວງ Nagano ໄດ້ລົງນາມໃນຂໍ້ຕົກລົງການຮ່ວມມືກ່ຽວກັບນັກເຝິກງານ.
ທີ່ການຕ້ອນຮັບ, ທ່ານ Abe Shuichi ໃຫ້ຮູ້ວ່າແຂວງ Nagano ໄດ້ລົງນາມໃນຂໍ້ຕົກລົງການຮ່ວມມືວ່າດ້ວຍແຮງງານ, ຮັບເອົານັກເຝິກງານຫວຽດນາມ ກັບກະຊວງແຮງງານ-ທະຫານເສຍອົງຄະ ແລະສັງຄົມຫວຽດນາມ ແມ່ນບາດກ້າວໃໝ່ໃນການຮ່ວມມືສອງຝ່າຍ. ແຂວງ Nagano ປາດຖະໜາຢາກຮັບເອົານັກເຝິກງານຫວຽດນາມ ໃຫ້ຫຼາຍກວ່າອີກ; ໃຫ້ຄໍາໝັ້ນສັນຍາສ້າງເງື່ອນໄຂສະດວກໃຫ້ແກ່ນັກເຝິກງານຫວຽດນາມ.
（ໄຊພອນ）
