ສະຫະພັນບັນດາສະມາຄົມມິດຕະພາບ

ທ່ານນາຍົກລັດຖະມົນຕີ ຫງວຽນຊວັນຟຸກ ຕ້ອນຮັບຜູ້ອຳນວຍການໃຫຍ່ບໍລິຫານ IFC, ສະມາຊິກທະນາຄານໂລກ

12:08 | 16/08/2019

ຍສໝ - ໃນຕອນບ່າຍວັນທີ 15 ສິງຫາ ຢູ່ສຳນັກງານລັດຖະບານ, ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ມີການຕ້ອນຮັບຜູ້ອຳນວຍການໃຫຍ່ບໍລິຫານ IFC ສະມາຊິກທະນາຄານໂລກ (WB) ທ່ານ Philippe Le Houerou.

ທີ່ການຕ້ອນຮັບ ທ່ານນາຍົກລັດຖະມົນຕີ ຫວຽດນາມ ຫງວຽນຊວັນຟຸກ ຊີ້ແຈ້ງວ່າ ການພົວພັນຮ່ວມມືລະຫວ່າງ ຫວຽດນາມ ກັບ IFC ພັດທະນາຢ່າງດີງາມທີ່ສຸດ, ບໍ່ພຽງແຕ່ອຸປະຖຳດ້ານເງິນທຶນເທົ່ານັ້ນ ຫາກ ຫວຽດນາມ ຍາມໃດກໍ່ຍັງຮັບຟັງບັນດາຄຳຄິດເຫັນໃນການໃຫ້ຄຳປຶກສາກ່ຽວກັບນະໂຍບາຍມະຫາພາກ, ການເງິນຂອງ IFC. ການຮ່ວມມືຂອງ IFC ໄດ້ຊ່ວຍ ຫວຽດນາມ ຍົກສູງຄວາມສາມາດໃນການບໍລິຫານມະຫາພາກ, ກຳລັງຄວາມສາມາດບໍລິຫານ.

ທ່ານນາຍົກລັດຖະມົນຕີ ຫງວຽນຊວັນຟຸກ ຕ້ອນຮັບຜູ້ອຳນວຍການໃຫຍ່ບໍລິຫານ IFC, ສະມາຊິກທະນາຄານໂລກ

ທ່ານນາຍົກລັດຖະມົນຕີ ຫງວຽນຊວັນຟຸກ ແລະ ທ່ານ Philippe Le Houerou ຜູ້ອຳນວຍການໃຫຍ່ບໍລິຫານ IFC, ສະມາຊິກທະນາຄານໂລກ. (ພາບ: VGP)

ທ່ານນາຍົກລັດຖະມົນຕີ ຫງວຽນຊວັນຟຸກ ຢືນຢັນວ່າ ກຳລັງຄວາມສາມາດບົ່ມຊ້ອນດ້ານເສດຖະກິດເອກະຊົນຂອງ ຫວຽດນາມ ຍັງໃຫຍ່ຫລວງຢູ່ ແລະ ພວມພັດທະນາຢ່າງແຮງ, ມີການປະກອບສ່ວນສຳຄັນເຂົ້າໃນການພັດທະນາເສດຖະກິດຂອງປະເທດຊາດ. ດັ່ງນັ້ນ, ຖ້າຫາກທະນາຄານໂລກ ແລະ ອົງການຈັດຕັ້ງການເງິນສາກົນ ສືບຕໍ່ໜູນຊ່ວຍ, ຮ່ວມມືກັບ ຫວຽດນາມ ກຸ່ມເສດຖະກິດເອກະຊົນ, ວິສາຫະກິດຂະໜາດກາງ ແລະ ນ້ອຍຂອງ ຫວຽດນາມ ຈະພັດທະນາຢ່າງແຮງກ່ວານີ້ອີກ.

ສ່ວນທ່ານ Philippe Le Houerou ຜູ້ອຳນວຍການໃຫຍ່ບໍລິຫານ IFC ໄດ້ຕີລາຄາສູງວ່າ ຫວຽດນາມ ມີເສດຖະກິດມະຫາພາກເປັນປົກກະຕິ ແລະ ໄດ້ສະແດງຄວາມປະທັບໃຈຕໍ່ຜົນສຳເລັດຂອງ ຫວຽດນາມ ໃນການພັດທະນາເສດຖະກິດ. ດ້ວຍທ່າແຮງຂອງຕົນ, ຫວຽດນາມ ມີຄວາມສາມາດບົ່ມຊ້ອນຢ່າງໃຫຍ່ຫລວງ ໃນການພັດທະນາພະລັງງານຜະລິດຄືນໃໝ່.

(ຄຳຮຸ່ງ)

ເຫດການ