ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ນຳໜ້າ ຄະນະຜູ້ແທນຂັ້ນສູງສະພາແຫ່ງຊາດຫວຽດນາມເຂົ້າຮ່ວມ ກອງປະຊຸມໃຫຍ່ຄັ້ງນີ້ .
ກອງປະຊຸມໃຫຍ່ AIPA 40 ມີການເຂົ້າຮ່ວມຂອງຜູ້ແທນຫຼາຍກ່ວາ 1,000 ຄົນທີ່ເປັນຜູ້ນຳສະພາ 10 ປະເທດສະມາຊິກ AIPA ແລະ ບັນດານັກສັງເກດການ ແລະ ຄູ່ຮ່ວມມືຂອງບັນດາປະເທດເຈົ້າພາບ ໄທ.
 |
ຜູ້ຕາງໜ້າລະດັບສູງຂອງບັນດາປະເທດເຂົ້າຮ່ວມ ກອງປະຊຸມໃຫຍ່ AIPA 40. (ພາບ: baoquocte)
ກ່າວຄຳເຫັນທີ່ການເປີດກອງປະຊຸມ, ຕາງໜ້າໃຫ້ລັດຖະບານລາຊະອານາຈັກໄທ, ທ່ານນາຍົກລັດຖະມົນຕີໄທ Prayuth Chan-ocha ໄດ້ເນັ້ນໜັກວ່າ ບັນດາຜູ້ແທນມີບົດບາດສຳຄັນໃນການຊຸກຍູ້ປະຊາຄົມອາຊຽນໃຫ້ບັນລຸບັນດາເປົ້າໝາຍວາງແຜນ.
ທ່ານນາຍົກລັດຖະມົນຕີ Prayuth Chan-ocha ຫວັງວ່າ ໃຫ້ບັນດາປະເທດສະມາຊິກກ້າວໄປສູ່ການປະສານສົມທົບຢ່າງແໜ້ນແຟ້ນ ເຊິ່ງກັນ ແລະ ກັນ, ສະເໜີວິທີແກ້ໄຂເພື່ອພັດທະນາແບບຍືນຍົງ.
ທີ່ກອງປະຊຸມ, ປະທານສະພາແຫ່ງຊາດໃຫ້ຮູ້ວ່າ: ໃນປີຜ່ານມາ, ໂລກໄດ້ປະສົບກັບການປ່ຽນແປງຢ່າງໄວວາແລະສັບສົນຫຼາຍຢ່າງ. ປະຊາຄົມອາຊຽນສືບຕໍ່ປະເຊີນໜ້າ ກັບບັນດາສິ່ງທ້າທາຍທີ່ນັບມື້ນັບຮຸນແຮງຂຶ້ນ, ເຊິ່ງເປັນການແຂ່ງຂັນຍຸດທະສາດ ລະຫວ່າງບັນດາປະເທດໃຫຍ່ ແລະ ບັນຫາຄວາມໝັ້ນຄົງໃນພາກພື້ນ.
ໃນສະພາບການນັ້ນ, ທ່ານປະທານສະພາແຫ່ງຊາດກ່າວວ່າ: ພວກເຮົາຕ້ອງຢັ້ງຢືນຄືນໃໝ່ ຫຼັກການທົ່ວໄປ ແລະ ຄວາມຮັບຮູ້ທີ່ໄດ້ຮັບການຍອມຮັບຢ່າງກວ້າງຂວາງ ຈາກບັນດາປະເທດອາຊຽນ ແລະ ປະຊາຄົມສາກົນ ສຳລັບທະເລຕາເວັນອອກ, ໃນນັ້ນມີຄວາມຍົກສູງປະຕິບັດຕາມກົດໝາຍສາກົນ ແລະ ສົນທິສັນຍາສະຫະປະຊາຊາດ ວ່າດ້ວຍກົດ ໝາຍ ທະເລປີ 1982”.
 |
ທ່ານນາງປະທານສະພາແຫ່ງຊາດຫວຽດນາມ ຫງວຽນທິ້ກິມເງິນ ກ່າວຄຳເຫັນທີ່ການເປີດກອງປະຊຸມ. (ພາບ: TTXVN)
ທ່ານນາງ ຫງວຽນທິ້ກິມເງິນ ຖືວ່າ ໜຶ່ງປີທ່ີ່ຜ່ານມາ, ໂລກໄດ້ຜ່ານຜ່າການຜັນແປຫຼາຍຢ່າງທີ່ເກີດຂຶ້ນຢ່າງໄວວາ, ສັບສົນ ແລະ ປະຊາຄົມ ອາຊຽນ ຍັງສືບຕໍ່ຕ້ອງປະເຊີນໜ້າກັບບັນດາສິ່ງທ້າທາຍທີ່ນັບມື້ນັບຮ້າຍແຮງກວ່າເກົ່າ. ເຖິງຢ່າງໃດກໍຕາມ, ອາຊຽນ ຍັງຄົງບັນລຸໄດ້ບັນດາໝາກຜົນທີ່ເປັນໜ້າຊື່ນຊົມ ຢູ່ທັງ 3 ເສົາຄໍ້າ ຂອງປະຊາຄົມ ແລະ ບັນດາປະເທດສະມາຊິກ ລ້ວນແຕ່ຮັກສາລະດັບການເຕີບໂຕເສດຖະກິດສະເລ່ຍແມ່ນ 5,1% ໃນປີ 2018. ໄປຄຽງຄູ່ກັນນ້ັນ, ບັນດາການຜັນແປທີ່ສັບສົນຢູ່ພາກພື້ນ ກໍເຮັດໃຫ້ບັນດາປະເທດ ອາຊຽນ ມີຄວາມວິຕົກກັງວົນ. ທ່ານນາງ ຫງວຽນທິ້ກິມເງິນ ເນັ້ນໜັກວ່າ AIPA ແລະ ບັນດາສະມາຊິກລັດຖະສະພາຂອງ AIPA ພ້ອມແລ້ວທີ່ຮ່ວມເດີນທາງພ້ອມກັບ ອາຊຽນ ເພື່ອກໍ່ສ້າງ ປະຊາຄົມເປັນກຸ່ມກ້ອນທີ່ຍືນຍົງ.
（ຄຳຮຸ່ງ）
