 |
ທ່ານນາງ ຫງວຽນທິ້ກິມເງິນ ແລະ ທ່ານ ສີຈີ້ນຜິງ.(ພາບ:baochinhphu.vn)
ທ່ານນາງປະທານສະພາແຫ່ງຊາດຫວຽດນາມ ຫງວຽນທິ້ກິມເງິນ ມີຄວາມມຸ່ງຫວັງປາດຖະໜາວ່າລັດຖະບານສອງປະເທດຈະເພີ່ມທະວີຊີ້ນໍາການປະຕິບັດບັນດາຂໍ້ຕົກລົງ ແລະ ຄວາມຮັບຮູ້ລວມ ເຊິ່ງການນໍາຂັ້ນສູງສອງປະເທດບັນລຸໄດ້; ຫວຽດນາມ ປາດຖະໜາຢາກພ້ອມກັບ ຈີນ ຄວບຄຸມຄວາມບໍ່ລົງລອຍກັນໃຫ້ເປັນຢ່າງດີ, ແກ້ໄຂບັນຫາທະເລຕາເວັນອອກໃຫ້ສົມເຫດສົມຜົນ.
ສອງຝ່າຍຕ້ອງປະຕິບັດຂໍ້ຕົກລົງວ່າດ້ວຍບັນດາຫຼັກການພື້ນຖານ ກ່ຽວກັບການຊີ້ນໍາແກ້ໄຂບັນຫາຢູ່ທະເລ ເຊິ່ງການນໍາຂັ້ນສູງສອງປະເທດບັນລຸໄດ້; ຢຶດໝັ້ນແກ້ໄຂບັນຫາທະເລຕາເວັນອອກ ໂດຍສັນຕິວິທີ, ເຄົາລົບເຊິ່ງກັນແລະກັນ, ສອດຄ່ອງກັບກົດໝາຍສາກົນ, ສົນທິສັນຍາຂອງ ສປຊ ກ່ຽວກັບກົດໝາຍວ່າດ້ວຍ ທະເລ 1982; ແກ້ໄຂບັນຫາອາຊີບຫາປາ ແລະ ການເຄື່ອນໄຫວຂອງຊາວປະມົງໃຫ້ເປັນຢ່າງດີ; ຮັກສາສັນຕິພາບ, ສະຖຽນລະພາບຢູ່ທະເລຕາເວັນອອກ; ຊຸກຍູ້ການແບ່ງກໍານົດ ແລະ ຮ່ວມມືພ້ອມກັນພັດທະນາ ຕາມຂັ້ນຕອນທີ່ໄດ້ຕົກລົງກັນ, ພະຍາຍາມສ້າງບາດກ້າວບຸກທະລຸໃນການເຈລະຈາກ່ຽວກັບການແບ່ງກໍານົດເຂດທະເລ ຢູ່ອ່າວພາກເໜືອ ໃນປີ 2020.
 |
ທ່ານເລຂາທິການໃຫຍ່, ປະທານປະເທດ ຈີນ ສີຈີ້ນຜິງ ໄດ້ຕີລາຄາສູງການຮ່ວມມືລະຫວ່າງອົງການນິຕິບັນຍັດສອງປະເທດ.(vietnamnet.vn)
ສ່ວນ ທ່ານເລຂາທິການໃຫຍ່, ປະທານປະເທດ ຈີນ ສີຈີ້ນຜິງ ໄດ້ຕີລາຄາສູງການຮ່ວມມືລະຫວ່າງອົງການນິຕິບັນຍັດສອງປະເທດ. ພ້ອມທັງ, ປາດຖະໜາວ່າສອງປະເທດຈະຮ່ວມມືກັນປະຕິບັດແຜນການກ່ຽວກັບການປະຕິບັດ ບົດບັນທຶກຊ່ວຍຈໍາວ່າດ້ວຍການເຊື່ອມຕໍ່ໃນຂອບເຂດ “ສອງແລວທາງ, ໜຶ່ງເສັ້ນທາງ” ດ້ວຍຂໍ້ລິເລີ່ມ “ໜຶ່ງແລວທາງ ແລະ ໜຶ່ງເສັ້ນທາງ” ໃຫ້ເປັນຢ່າງດີ.
（ໄຊພອນ）
