ທ່ານນາຍົກລັດຖະມົນຕີ ຫວຽດນາມ ຫງວຽນ ຊວນ ຟຸກ ແລະ ພັນລະຍາ.(ພາບ:TTXVN)

ກອງປະຊຸມ G20 ແມ່ນເວທີປາໄສຂັ້ນສູງຂອງບັນດາການນຳອົງການບໍລິຫານຂອງ 19 ປະເທດທີ່ພັດທະນາແລ້ວ, ການນໍາ EU ແລະ ບັນດາອົງການການເງິນສາກົນຄື IMF, WB... ແລະ ບາງການນຳພື້ນຖານເສດຖະກິດທີ່ກຳລັງຟື້ນຕົວ. ຫວຽດນາມແມ່ນໜຶ່ງໃນ 8 ປະເທດທີ່ເປັນແຂກຖືກເຊີນພິເສດຂອງປະເທດເຈົ້າພາບຍີ່ປຸ່ນ ເຂົ້າຮ່ວມກອງປະຊຸມ G20 ຄັ້ງທີ 14. ເຂົ້າຮ່ວມກອງປະຊຸມສຸດຍອດ G20 ຢູ່ Osaka ດ້ວຍຖານະບົດບາດເປັນແຂກຖືກເຊີນພິເສດ, ທ່ານນາຍົກລັດຖະມົນຕີ ຫງວຽນ ຊວນ ຟຸກ ໄດ້ເຂົ້າຮ່ວມການປຶກສາຫາລືໃນທຸກວາລະປະຊຸມຂອງກອງປະຊຸມ ແລະ ປະກອບຄຳເຫັນໃສ່ຮ່າງຖະແຫຼງການຮ່ວມຂອງກອງປະຊຸມ.

ຢູ່ນອກກອງປະຊຸມ, ທ່ານນາຍົກລັດຖະມົນຕີ ຫງວຽນ ຊວນ ຟຸກ ກໍ່ໄດ້ມີບັນດາການພົບປະເຈລະຈາ, ການແລກປ່ຽນສອງຝ່າຍກັບການນຳບັນດາປະເທດ G20, ບັນດາອົງການຈັດຕັ້ງສາກົນ, ປະທານປະເທດ ຈີນ, ບັນດາປະທານາທິບໍດີ: ລັດເຊຍ, ອາເມລິກາ, ຝຣັ່ງ, ສ.ເກົາຫຼີ, ຈີເລ, ຕວກກີ, ອາກຊັງຕີນ, ບັນດານາຍົກລັດຖະມົນຕີ: ເຢຍລະມັນ, ການາດາ, ສິງກະໂປ, ໂຮນລັງ, ອົດສະຕາລີ, ອິນເດຍ.

（ໄຊພອນ）