 |
ທ່ານນາງ ປະທານສະພາແຫ່ງຊາດຫວຽດນາມ ຫງວຽນ ທິ້ ກີມ ເງິນ ໃຫ້ການຕ້ອນຮັບ ທ່ານ ຊູງ ປົວ ເອກອັກຄະລັດຖະທູດຈີນ.(ພາບ:plo.vn)
ເນື່ອງໃນໂອກາດສອງປະເທດກະກຽມຈັດພິທີສະເຫຼີມສະຫຼອງ 70 ປີ ແຫ່ງວັນສ້າງຕັ້ງສາຍພົວພັນທາງການທູດ (1949-2019), ທ່ານນາງປະທານສະພາແຫ່ງຊາດຫວຽດນາມ ຫງວຽນ ທິ້ ກີມ ເງິນ ປາດຖະໜາວ່າ: ສອງຝ່າຍຈະສົມທົບກັນຈັດເຫດການສຳຄັນນີ້ໃຫ້ເປັນຢ່າງດີ ແລະ ສະແດງຄວາມເຊື່ອໝັ້ນວ່າ: ດ້ວຍປະສົບການໃນການເຄື່ອນໄຫວທາງການທູດທີ່ມີມາແຕ່ດົນນນານ, ທ່ານເອກອັກຄະລັດຖະທູດ ຊູງ ປົວ ຈະສືບຕໍ່ເພີ່ມທະວີຄວາມເຂົ້າອົກເຂົາໃຈ, ຄວາມໄວ້ເນື້ອເຊື່ອໃຈ, ຊຸກຍູ້ການຮ່ວມມື, ເປີດກ້ວາງການພົບປະແລກປ່ຽນມິດຕະພາບລະຫວ່າງສອງພັກ, ສອງລັດ ແລະ ປະຊາຊົນສອງປະເທດເຂົ້າສູ່ລວງເລິກ, ມີປະສິດທິຜົນ, ປະກອບສ່ວນແທດຈິງເຂົ້າໃນພາລະກິດປັບປຸງ, ພັດທະນາການພົວພັນຄູ່ຮ່ວມມືຍຸດທະສາດຮອບດ້ານຫວຽດນາມ-ຈີນ.
ສ່ວນ ທ່ານ ຊູງ ປົວ ໄດ້ຢັ້ງຢືນວ່າ: ສະຖານທູດຈີນ ປະຈຳຫວຽດນາມ ຈະພະຍາຍາມຈົນສຸດຄວາມສາມາດຂອງຕົນເພື່ອປະຕິບັດສຳເລັດໜ້າທີ່ທີ່ໄດ້ຮັບການມອບໝາຍເປັນຢ່າງດີ, ສ່ວນທ່ານເອກອັກຄະລັດຖະທູດ ຊູງ ປົວ ເອງກໍ່ປາດຖະໜາຢາກໄດ້ຮັບການສະໜັບສະໜູນຂອງສະພາແຫ່ງຊາດ ໃນອາຍຸການເຮັດວຽກຢູ່ຫວຽດນາມ.
（ໄຊພອນ）
