ກ່າວຄຳເຫັນທີ່ພິທີ, ປະທານ ICAV ທ່ານນາງ Poldi Sosa ໄດ້ຍ້ອງຍໍສັນລະເສີນ ການປະກອບສ່ວນອັນໃຫຍ່ຫຼວງຂອງປະທານ ໂຮ່ຈີມິນ ໃຫ້ແກ່ການສະຖາປະນາປະເທດ ສາທາລະນະລັດປະຊາທິປະໄຕ ຫວຽດນາມ ແລະ ປັດຈຸບັນແມ່ນ ປະເທດ ສາທາລະນະລັດ ສັງຄົມນິຍົມ ຫວຽດນາມ. ທ່ານນາງ Poldi Sosa ຢັ້ງຢືນວ່າ ປະທານໂຮ່ຈີມິນແມ່ນແບບຢ່າງທີ່ດີ ກ່ຽວກັບລັດທິຮັກຊາດ, ແມ່ນກຳລັງໜູນອັນຍິ່ງໃຫຍ່ສຳລັບການຕໍ່ສູ້ຂອງບັນດາຊົນຊາດທີ່ຖືກກົດຂີ່ຂູດຮີດໃນໂລກ, ເພື່ອສັນຕິພາບ ແລະ ຄວາມຍຸຕິທຳສັງຄົມ. ທ່ານນາງ Poldi Sosa ຫວັງເປັນຢ່າງຍິ່ງວ່າ: ຊີວິດ ແລະ ພາລະກິດ ປະທານ ໂຮ່ຈີມິນ ກໍ່ຄືປະຫວັດສາດອັນສະຫງ່າອົງອາດຂອງຫວຽດນາມ ຈະໄດ້ຮັບການໂຄສະນາເຜີຍແຜ່ ແລະ ແນະນຳຢ່າງກວ້າງຂວາງ ໄປຍັງປະຊາຊົນ ອັກຊັງຕິນ ທຸກຊັ້ນວັນນະ ກ່ວາອີກ, ພິເສດແມ່ນຄົນລຸ້ນໜູ່ມ, ຈາກນັ້ນຊຸກຍູ້ການພົວພັນມິດຕະພາບລະຫວ່າງສອງປະເທດໃຫ້ຫຼາຍກ່ວາອີກ.
 |
ອາເຈນຕິນາ ເຊີດຊູ ຊື່ສຽງປະທານໂຮ່ຈີມິນ ນື່ອງໃນໂອກາດສະເຫຼີມສະຫຼອງ 129 ປີ ແຫ່ງວັນຄ້າຍວັນເກີດຂອງປະທານ. (ພາບ: TTXVN)
ສ່ວນທ່ານເອກອັກຄະລັດຖະທູດຜູ້ມີອຳນາດເຕັມແຫ່ງ ສສ ຫວຽດນາມ ປະຈຳ ອັກຊັງຕິນ ດັ້ງ ຊົນ ຢູງ ຢັ້ງຢືນວ່າ: ປະທານໂຮ່ຈີມິນ ບໍ່ພຽງແຕ່ແມ່ນວິລະຊົນແຫ່ງຊາດເທົ່ານັ້ນ ແຕ່ຫາກຍັງເປັນແບບຢ່າງໃຫ້ແກ່ນັກຮົບກອມມູນິດສາກົນ, ເປັນເພື່ອນມິດສະໜິດສະໜົມຂອງບັນດາຊາດທີ່ໄດ້ ແລະ ກຳລັງຕໍ່ສູ້ເພື່ອສັນຕິພາບ, ເອກະລາດ, ປະຊາທິປະໄຕ ແລະ ສັງຄົມທີ່ກ້າວໜ້າໃນທົ່ວໂລກອີກດ້ວຍ.
（ຄຳຮຸ່ງ）
