ນາຍົກລັດຖະມົນຕີຫວຽດນາມ ພົບປະເຈລະຈາກັບ ນາຍົກລັດຖະມົນຕີ ສະຫະພັນ ລັດເຊຍ

ທ່ານນາຍົກລັດຖະມົນຕີ ຫງວຽນ ຊວນ ຟຸກ ພົບປະເຈລະຈາກັບທ່ານນາຍົກລັດຖະມົນຕີ Dmitry A.Medvedev.(ພາບ:baochinhphu.vn)

ທີ່ກອງປະຊຸມພົບປະເຈລະຈາ, ການນຳສອງທ່ານກໍ່ໄດ້ແລກປ່ຽນບັນດາບັນຫາສາກົນ ແລະ ພາກພື້ນເຊິ່ງຕ່າງຝ່າຍຕ່າງມີຄວາມສົນໃຈ, ໃນນັ້ນມີການຮັກສາສັນຕິພາບ, ສະຖຽນລະພາບ, ຮັບປະກັນຄວາມໝັ້ນຄົງ, ຄວາມປອດໄພ, ຄວາມເສລີໃນການເດີນເຮືອ, ການບິນຢູ່ ອາຊີ - ປາຊີຟິກ, ໃນນັ້ນມີທະເລຕາເວັນອອກ; ຢືນຢັນວ່າພະລັງງານແມ່ນໜຶ່ງໃນບັນດາເສົາຄ້ຳສຳຄັນຂອງການຮ່ວມມື ຫວຽດນາມ - ລັດເຊຍ; ເຫັນດີເປັນເອກະພາບຊຸກຍູ້ວິສາຫະກິດນ້ຳມັນອາຍແກັດສອງປະເທດຮ່ວມມືສຳຫລວດ ແລະ ຂຸດຄົ້ນນ້ຳມັນອາຍແກັດຢູ່ໄຫລ່ທະວີບ ຫວຽດນາມ ແລະ ຢູ່ປະເທດ ລັດເຊຍ.

ບັນຍາກາດທີ່ການພົບປະເຈລະຈາ.(ພາບ:baochinhphu.vn)

ນອກຈາກນັ້ນ, ການນຳສອງທ່ານກໍ່ໄດ້ເຫັນດີເປັນເອກະພາບສືບຕໍ່ເປີດກ້ວາງການຮ່ວມມືໃນບັນດາຂົງເຂດທີ່ມີຄວາມສາມາດບົ່ມຊ້ອນຫລາຍຢ່າງເປັນຕົ້ນຄື: ວິທະຍາສາດ, ເຕັກໂນໂລຊີ; ການສຶກສາ, ບຳລຸງສ້າງ, ວັດທະນະທຳ, ກິລາ, ການທ່ອງທ່ຽວ; ສະໜັບສະໜູນເພີ່ມທະວີການພົວພັນໂດຍກົງລະຫວ່າງທ້ອງຖິ່ນສອງປະເທດ, ປະກອບສ່ວນເຮັດໃຫ້ການຮ່ວມມືຮອບດ້ານລະຫວ່າງ ຫວຽດນາມ ແລະ ລັດເຊຍ ໃນບັນດາຂົງເຂດຕ່າງໆ ໃຫ້ມີຄວາມອຸດົມສົມບູນ ແລະ ຫລາຍຮູບຫລາຍແບບກວ່າອີກ.

ການນຳສອງທ່ານ ໄດ້ເປັນສັກຂີພິຍານພິທີລົງນາມບັນດາເອກະສານຮ່ວມມື.(ພາບ:baochinhphu.vn)

ສິ້ນສຸດການພົບປະເຈລະຈາ, ການນຳສອງທ່ານ ໄດ້ເປັນສັກຂີພິຍານພິທີລົງນາມບັນດາເອກະສານຮ່ວມມືໃນບັນດາຂົງເຂດຄື: ພະລັງງານນິວເຄຼຍ, ນ້ຳມັນອາຍແກັດ, ການກໍ່ສ້າງ, ການທ່ອງທ່ຽວ, ດ້ານຕຸລາການ, ການຮ່ວມມືທ້ອງຖິ່ນ ແລະ ອື່ນໆ.

（ໄຊພອນ）