ສະຖານທູດຫວຽດນາມ ຢ້ຽມຢາມຖາມຂ່າວ ລະດົມ ແລະ ໃຫ້ກໍາລັງໃຈພະນັກງານ, ນັກຮົບ ຢູ່ລາວ

ການນໍາສະຖານທູດຫວຽດນາມ ແລະອົງການທີ່ປຶກສາທູດປ້ອງກັນຊາດຫວຽດນາມ ປະຈໍາລາວ ລະດົມກໍາລັງໃຈພະນັກງານ, ນັກຮົບແມ່ທັບ11 ທີ່ພວມກໍ່ສ້າງຫໍສະພາແຫ່ງຊາດຫຼັງໃໝ່ຂອງລາວ. (ພາບ: nhandan.org.vn)

ທີ່ການພົບປະ, ການນໍາສະຖານທູດຫວຽດນາມ ແລະອົງການທີ່ປຶກສາທູດປ້ອງກັນຊາດຫວຽດນາມ ປະຈໍາລາວ ຕີລາຄາສູງຄວາມມານະພະຍາຍາມຂອງພະນັກງານ, ນັກຮົບທັງໝົດຂອງແມ່ທັບ 11 ໃນໄລຍະຜ່ານມາ ໄດ້ຜ່ານຜ່າທຸກຄວາມຫຍຸ້ງຍາກ ເພື່ອປະຕິບັດສໍາເລັດໜ້າທີ່, ແຜນການ, ຄາດໝາຍທີ່ໄດ້ວາງອອກເປັນຢ່າງດີ ເພື່ອປະກອບສ່ວນນໍາກິດຈະການກໍ່ສ້າງຫໍສະພາແຫ່ງຊາດຫຼັງໃໝ່ທັງບັນລຸໄດ້ຄຸນນະພາບ ແລະຄວາມຄືບໜ້າທີ່ໄດ້ວາງອອກ. ເນື່ອງໃນໂອກາດບຸນປີໃໝ່ປະຈໍາຊາດ ປີກຸນ 2019 ທີ່ໃກ້ຈະມາເຖິງນີ້, ການນໍາສະຖານທູດຫວຽດນາມ ແລະອົງການທີ່ປຶກສາທູດປ້ອງກັນຊາດຫວຽດນາມ ປະຈໍາລາວ ສະແດງຄວາມເຊື່ອໝັ້ນວ່າແມ່ທັບ 11 ຈະປະຕິບັດໜ້າທີ່ການເມືອງພິເສດ ເຊິ່ງພັກ, ລັດໃຫ້ຄວາມໄວ້ເນື້ອເຊື່ອໃຈມອບໝາຍໃຫ້ໄດ້ຢ່າງມີໄຊ.

（ແຫຼ່ງ​ຂໍ້​ມູນ​： ທູຈາງ/ກປ.ອອນໄລ）