 |
ງານສັບປະດາ ການຮ່ວມມືດ້ານການສຶກສາ ຈີນ - ອາຊຽນ ຄັ້ງທີ 12.
ໃນງານສັບປະດາການຮ່ວມມືດ້ານການສຶກສາຄັ້ງນີ້, ຈີນ ແລະ ອາຊຽນ ຈະຮ່ວມກັນເພີ່ມທະວີ ຮັດແໜ້ນສາຍພົວພັນ ໃນການຮ່ວມມືດ້ານການສຶກສາ ລະຫວ່າງ ສອງຝ່າຍ. ບັນດາຜູ້ແທນເຂົ້າຮ່ວມ ງານສັບປະດາຈະໄດ້ເຂົ້າຮ່ວມ 10 ກອງປະຊຸມຄູ່ຂະຫນານ, ປະກອບມີ 22 ໂຄງການນ້ອຍ, ໃນນັ້ນຄາດວ່າຈະສຸມໃສ່ການເພີ່ມທະວີການຮ່ວມມືດ້ານການສຶກສາມະຫາວິທະຍາໄລ, ສິດສອນດ້ານວິຊາຊີບ ແລະ ອະນຸບານ, ປ່ຽນແປງໃໝ່ ແລະ ກໍ່ສ້າງນັກທຸລະກິດໃນໂຮງຮຽນມະຫາວິທະຍາໄລ, ການຮ່ວມມືລະຫວ່າງ ໂຮງຮຽນ ແລະ ນັກທຸລະກິດ ກໍ່ຄືການແລກປ່ຽນຂອງຊາວຫນຸ່ມ.
ອີງຕາມຫົວຫນ້າ ກົງສຸນໃຫ່ຍແຫ່ງ ລາຊະອານາຈັກ ໄທ ປະຈຳ ຄຸນໝິງ, ປະເທດຈີນ, ທ່ານ Kunming Manikul, ບັນຫາການສຶກສາແມ່ນຫນຶ່ງໃນບັນດາເສົາຫຼັກຂອງ ສັງຄົມ - ວັດທະນະທໍາ ຂອງອາຊຽນ ແລະ ການຮ່ວມມືດ້ານການສຶກສາ ກວມເອົາຫຼາຍຂົງເຂດ. ປະສົບການ ຂອງ ນະຄອນ Guizhou ໃນການນໍາໃຊ້ເຕັກໂນໂລຢີທີ່ກ້າວຫນ້າເຂົ້າໃນຂະແໜງການຕ່າງໆ ເພື່ອຊຸກຍູ້ສົ່ງເສີມການລົບລ້າງຄວາມທຸກຍາກ ແລະ ປັບປຸງຊີວິດການເປັນຢູ່ຂອງປະຊາຊົນ ແມ່ນ ຕົວຢ່າງທີ່ດີເດັ່ນ ໃຫ້ແກ່ບັນດາປະເທດ ແລະ ພາກພື້ນອື່ນໆ.
ໃນຊຸມປີມໍ່ໆມານີ້, Guizhou ຍູ້ແຮງ ແລະ ເພີ່ມທະວີການຮ່ວມມືດ້ານການສຶກສາ ກັບ ອາຊຽນ. ປະມານ 71% ຂອງນັກຮຽນຕ່າງປະເທດໃນແຂວງນີ້ແມ່ນມາຈາກບັນດາປະເທດອາຊຽນ. ປັດຈຸບັນ, ນະຄອນ Guizhou ມີມະຫາວິທະຍາໄລທັງຫມົດ 36 ແຫ່ງ, ລວມທັງມະຫາວິທະຍາໄລ Guizhou. ບັນດາມະຫາວິທະຍາໄລ ຢູ່ ນະຄອນ Guizhou ໄດ້ສ້າງສາຍພົວພັນ ກັບ ມະຫາວິທະຍາໄລ 85 ແຫ່ງ, ຊັ້ນສູງ ແລະ ສະຖາບັນການສຶກສາຂອງບັນດາປະເທດສະມາຊິກອາຊຽນ ອີກຫຼາຍສະຖາບັນ.
（ຫັດທະບູນ）
