 |
ທ່ານ ຫງວຽນຊວນຟຸກ ນາຍົກລັດຖະມົນຕີຫວຽດນາມ ຕ້ອນຮັບທ່ານ Scott Ryan ປະທານສະພາສູງອົດສະຕາລີ. (ພາບ: ສໍານັກຂ່າວສານຫວຽດນາມ)
ທີ່ການຕ້ອນຮັບ, ທ່ານ ຫງວຽນຊວນຟຸກ ຢືນຢັນວ່າ, ລັດຖະບານຫວຽດນາມ ຈະສົມທົບກັບລັດຖະບານອົດສະຕາລີ ຢ່າງແໜ້ນແຟ້ນ ເພື່ອຜັນຂະຫຍາຍບັນດາເນື້ອໃນທີ່ໄດ້ເຫັນດີເປັນເອກະພາບໃນຖະແຫຼງການຮ່ວມກ່ຽວກັບການສ້າງຕັ້ງຄູ່ຮ່ວມມືຍຸດທະສາດຫວຽດນາມ-ອົດສະຕາລີ. ຕາມນັ້ນແລ້ວ, ສອງຝ່າຍພ້ອມກັນຍູ້ແຮງການປະຕິບັດໂຄງການດຳເນີນງານ 2016-2019 ແລະບັນດາຂໍ້ຕົກລົງ, ເອກະສານທີ່ບັນລຸໄດ້. ພ້ອມກັນນັ້ນ, ສອງຝ່າຍຈະຮັກສາບັນດາກົນໄກຮ່ວມມືຄືໃນປະຈຸບັນຢ່າງມີປະສິດທິຜົນ, ພ້ອມທັງຊຸກຍູ້ການຜັນຂະຫຍາຍບັນດາກົນໄກໃໝ່ໃນຂອບເຂດຄູ່ຮ່ວມມືຍຸດທະສາດ.
ທ່ານ ຫງວຽນຊວນຟຸກ ຊີ້ແຈ້ງວ່າ, ຫວຽດນາມ ຕີລາຄາສູງການຮ່ວມມືດ້ານປ້ອງກັນຊາດຢ່າງແໜ້ນແຟ້ນ ແລະມີປະສິດທິຜົນຂອງອົດສະຕາລີ, ໂດຍສະເພາະແມ່ນບຳລຸງສ້າງພາສາອັງກິດ, ຝຶກອົບຮົມວິຊາການຮັກສາສັນຕິພາບ. ໃນໄລຍະຈະມາເຖິງ, ທ່ານ ຫງວຽນຊວນຟຸກ ສະເໜີອົດສະຕາລີ ສືບຕໍ່ຮ່ວມມືກັບຫວຽດນາມ ຮັບປະກັນຄວາມໝັ້ນຄົງແຫ່ງຊາດຜ່ານການຄວບຄຸມ, ແກ້ໄຂບັນດາບຸກຄົນ, ອົງການກໍ່ການຮ້າຍທີ່ອາດສາມາດນຳໃຊ້ຜືນແຜ່ນດິນຂອງອົດສະຕາລີ ເພື່ອດຳເນີນບັນດາການເຄື່ອນໄຫວມ້າງເພທຳລາຍຫວຽດນາມ.
ທ່ານ Scott Ryan ກໍ່ຖືວ່າ, ສອງປະເທດຫວຽດນາມ ແລະອົດສະຕາລີ ລ້ວນແຕ່ປາດຖະໜາຢາກໃຫ້ພາກພື້ນມີສັນຕິພາບ, ສະຖຽນລະພາບ ເພື່ອໃຫ້ເສດຖະກິດເຕີບໂຕແບບຍືນຍົງ. ອົດສະຕາລີ ຍາມໃດກໍ່ຮັບຮູູ້້ຄວາມມານະພະຍາຍາມຂອງຫວຽດນາມ ໃນຂົງເຂດນີ້ກໍ່ຄືການເຄື່ອນໄຫວຮັກສາສັນຕິພາບສະຫະປະຊາຊາດ, ສະແດງໃຫ້ເຫັນວ່າຫວຽດນາມ ແມ່ນສະມາຊິກທີ່ມີຄວາມຮັບຜິດຊອບໃນປະຊາຄົມສາກົນ. ໃນນາມເປັນປະທານສະພາສູງ, ທ່ານ Scott Ryan ໃຫ້ຄໍາໝັ້ນສັນຍາຈະໜູນຊ່ວຍຫວຽດນາມ ຈົນສຸດຄວາມສາມາດຂອງຕົນໃນວິວັດແຫ່ງການພັດທະນາ ແລະເຊື່ອມໂຍງເຂົ້າກັບສາກົນ.
（ແຫຼ່ງຂໍ້ມູນ： ຮຸຍດົງ/ກປ.ອອນໄລ）
