 |
ຫວຽດນາມ ຈະພັດທະນາພະລັງງານແສງຕາເວັນ
ວັນທີ 14 ເດືອນມັງກອນ ປີ 2019, ທະນາຄານໂລກປະຈຳຫວຽດນາມລາຍງານວ່າບົດລາຍງານຫລ້າສຸດຂອງກຸ່ມທະນາຄານໂລກກ່ຽວກັບຫັນການເງິນໃຫ້ແກ່ການພັດທະນາພະລັງງານແສງຕາເວັນໃນລະດັບສູງສຸດຢູ່ຫວຽດນາມລະບຸວ່າທ່າມກາງເສດຖະກິດມະຫາພາກ ແລະ ຂະແໜງການພະລັງງານພວມມີການປ່ຽນແປງຢູ່ຫວຽດນາມໄດ້ຮຽກຮ້ອງໃຫ້ມີວິທີການເຂົ້າແບບໃໝ່ກ່ຽວກັບການລົງທຶນໃນຂະແໜງການໄຟຟ້າ ແລະ ອາຍແກັສ. ທ່ານ ອົສມານດີໂອນ ຜູ້ອຳນວຍການທະນາຄານໂລກປະຈຳຫວຽດນາມກ່າວວ່າສ່ວນທ່ີຍັງເຫລືອໃນສົກປີຈຳກັດ ແລະ ແຫລ່ງການເງິນບຸລິມະສິດນັບມື້ຫລຸດລົງ, ສິ່ງສຳຄັນແມ່ນຫວຽດນາມຕ້ອງເພີ່ມທະວີຊຸກຍູ້ບັນດາແຫລ່ງທຶນແທນໃຫ້ແກ່ຂະແໜງການໄຟຟ້າ ແລະ ອາຍແກັສ. ລັດຖະບານຫວຽດນາມຄວນແກ້ໄຂຢ່າງຮອບດ້ານໃນບັນດາຂອດກີດກັ້ນແຫລ່ງທຶນພາກເອກະຊົນພາຍໃນ ແລະ ຕ່າງປະເທດເຂົ້າໃນສອງຂົງເຂດຍຸດທະສາດສຳຄັນຂອງຫວຽດນາມ.
ບົດລາຍງານລະບຸວ່ານັບແຕ່ປີນີ້ເຖິງ ປີ 2030, ຫວຽດນາມຕ້ອງການລົງທຶນໃໝ່ປະມານ 10 ຕື້ໂດລາສະຫະລັດຕໍ່ປີເພື່ອນຳໃຊ້ເຂົ້າໃນການລົງທຶນ, ເປັນຕົວເລກສູງກວ່າລະດັບສະເລ່ຍ 8 ຕື້ໂດລາສະຫະລັດຕໍ່ປີທ່ີກຳນົດໄວ້ໃນໄລຍະປີ 2011-2015. ຄາດວ່າການພັດທະນາຂະແໜງການອາຍແກັສຫວຽດນາມທ່ີມີຖັດໄປຈະຕ້ອງການເຖິງປະມານ 20 ຕື້ໂດລາສະຫະລັດໃນໄລຍະປີ 2015 ເຖິງ ປີ 2035. ນອກຈາກນັ້ນ, ທ່ານ ຟຣັງເຈແມ ຊ່ຽວຊານຂະແໜງການພະລັງງານຂອງທະນາຄານໂລກປະຈຳຫວຽດນາມກ່າວວ່າບັນດານັກທຸລະກິດເອົາໃຈໃສ່ໃນການເຂົ້າຮ່ວມຕະຫລາດພະລັງງານຂະໜາດໃຫຍ່ສຸດຢູ່ຫວຽດນາມໂດຍສະເພາະການພັດທະນາພະລັງງານໝູນວຽນ ແລະ ອາຍແກັສ ປະເພດແຫລວ.
（ແຫຼ່ງຂໍ້ມູນ： ຂປລ）
