 |
ທ່ານ ຫງວຽນບ໋າຮຸ່ງ ເອກອັກຄະລັດຖະທູດຫວຽດນາມ ປະຈໍາ ສປປ ລາວ ກ່າວຄໍາເຫັນທີ່ງານລ້ຽງຕ້ອນຮັບປີໃໝ່ ປີກຸນ 2019. (ພາບ: ສໍານັກຂ່າວສານຫວຽດນາມ)
ຕາງໜ້າການນຳພັກ, ລັດ ແລະປະຊາຊົນຫວຽດນາມ, ທ່ານ ຫງວຽນບ໋າຮຸ່ງ ເອກອັກຄະລັດຖະທູດຫວຽດນາມ ປະຈໍາລາວ ສະແດງຄວາມຮູ້ບຸນຄຸນຢ່າງເລິກເຊິ່ງຕໍ່ພັກ, ລັດ ແລະປະຊາຊົນລາວອ້າຍນ້ອງ ຍ້ອນໄດ້ໃຫ້ການຊ່ວຍເຫຼືອຫວຽດນາມ ຢ່າງສຸດຈິດສຸດໃຈ; ໜູນຊ່ວຍສະຖານທູດ ແລະບັນດາອົງການຕາງໜ້າ, ບັນດາວິສາຫະກິດ ແລະປະຊາຄົມຊາວຫວຽດນາມ ທີ່ພວມດໍາລົງຊີວິດ, ທໍາມາຫາກິນ, ຮໍ່າຮຽນ ແລະເຮັດວຽກຢູ່ລາວ ຢ່າງທັນການ ແລະມີປະສິດທິຜົນ. ທ່ານ ຫງວຽນບ໋າຮຸ່ງ ອວຍພອນສອງປະເທດ ຫວຽດນາມ-ລາວ ໃນປີ 2019 ສືບຕໍ່ຍາດເອົາໄຊຊະນະອັນໃຫຍ່ຫຼວງກວ່າອີກ ໃນພາລະກິດປ່ຽນແປງໃໝ່, ສ້າງສາ ແລະປົກປັກຮັກສາປະເທດຊາດ; ອວຍພອນໃຫ້ສາຍພົວພັນມິດຕະພາບ, ນໍ້າໃຈສາມັກຄີແບບພິເສດ ແລະການຮ່ວມມືຮອບດ້ານ ຫວຽດນາມ-ລາວ, ລາວ-ຫວຽດນາມ ຂຽວສົດງົດງາມ, ໝັ້ນຄົງຂະໜົງແກ່ນໄປຊ່ົວກາລະນານ.
 |
ທ່ານພົນເອກ ຈັນສະໝອນ ຈັນຍະລາດ, ລັດຖະມົນຕີກະຊວງປ້ອງກັນປະເທດລາວ ກ່າວຄໍາເຫັນທີ່ງານລ້ຽງ. (ພາບ: ສໍານັກຂ່າວສານຫວຽດນາມ)
 |
ລາຍການສະແດງສິລະປະເຊີດຊູນໍ້າໃຈສາມັກຄີ ຫວຽດນາມ-ລາວ. (ພາບ: ສໍານັກຂ່າວສານຫວຽດນາມ)
ຕາງໜ້າພັກ, ລັດ ແລະປະຊາຊົນລາວ, ທ່ານພົນເອກ ຈັນສະໝອນ ຈັນຍະລາດ, ລັດຖະມົນຕີກະຊວງປ້ອງກັນປະເທດລາວ ອວຍພອນບັນດາຜົນງານ ເຊິ່ງພັກ, ລັດ ແລະປະຊາຊົນຫວຽດນາມ ບັນລຸໄດ້ໃນປີ 2018; ອວຍພອນໃຫ້ມູນເຊື້ອສາຍພົວພັນມິດຕະພາບ, ນໍ້າໃຈສາມັກຄີແບບພິເສດ ແລະການຮ່ວມມືຮອບດ້ານ ລາວ-ຫວຽດນາມ ໝັ້ນແກ່ນຕະຫຼອດໄປ; ອວຍພອນໃຫ້ປະຊາຊົນຫວຽດນາມອ້າຍນ້ອງ ສືບຕໍ່ໄດ້ຮັບຜົນສໍາເລັດອັນໃຫຍ່ຫຼວງກວ່າ, ຍິ່ງໃຫຍ່ກວ່າອີກໃນປີ 2019 ນີ້.
（ແຫຼ່ງຂໍ້ມູນ： ທູຈາງ/ກປ.ອອນໄລ）
