ເລຂາທິການໃຫຍ່, ປະທານປະເທດ ຫວຽດນາມ ສົ່ງຈົດຫມາຍສະແດງຄວາມຍິນດີກັບກະສັດແຫ່ງ ຣາຊະອານາຈັກໄທ.

ພະລາດສະພິທີຂື້ນຄອງລາດ ຂອງ ມະຫາກະສັດ ມະຫາ ວະຊິຣາລົງກອນ- ຣາມາ X ,

ເນື່ອງໃນໂອກາດທີ່ ມະຫາກະສັດ ມະຫາ ວະຊິຣາລົງກອນ- ຣາມາ X Bodindradebayavarangkun ຂຶ້ນຄອງບັນລັງ ເປັນມະຫາກະສັດ ທີ 10 ຂອງຣາຊະອານາຈັກໄທ, ທ່ານເລຂາທິການໃຫຍ່, ປະທານປະເທດຫວຽດນາມ ຫງວຽນ ຟູ໋ ຈ້ອງ ໄດ້ສົ່ງຈົດຫມາຍອວຍພອນ.

ໃນຈົດຫມາຍ, ທ່ານເລຂາທິການໃຫຍ່, ປະທານປະເທດຫວຽດນາມ ຫງວຽນ ຟູ໋ ຈ້ອງ ສະແດງຄວາມເຊື່ອຫມັ້ນວ່າ ພາຍໃຕ້ການປົກຄອງຂອງມະຫາກະສັດ, ປະຊາຊົນໄທຈະຄົງສືບຕໍ່ປະສົບຜົນສໍາເລັດອັນຍິ່ງໃຫຍ່ກວ່າເກົ່າ ໃນຂະບວນການກໍ່ສ້າງຣາຊະອານາຈັກ ໄທ ຈະເລີນຮຸ່ງເຮືອງ, ຮັ່ງມີ, ການພົວພັນຄູ່ຮ່ວມຍຸດທະສາດ ຫວຽດນາມ - ໄທ ຈະສືບຕໍ່ໄດ້ຮັບການພັດທະນາ-ການຍົກສູງເພີ່ມຂື້ນ , ເພື່ອຜົນປະໂຫຍດຂອງກັນ ແລະ ກັນ ລະຫວ່າງປະຊາຊົນສອງປະເທດ, ເພື່ອສັນຕິພາບ, ຄວາມໝັ້ນຄົງ ແລະ ພັດທະນາຂອງປະຊາຄົມ ອາຊີ- ປາຊີຟິກ ແລະ ໃນທົ່ວໂລກ.

ໃນຕອນເຊົ້າຂອງວັນທີ 4 ພຶດສະພາ, ພະລາດສະພິທີສະເຫຼີມສະຫຼອງການຂຶ້ນຄອງລາດ ຂອງມະຫາກະສັດ ແຫ່ງຣາຊະອານາຈັກໄທ ມະຫາ ວະຊິຣາລົງກອນ- ຣາມາ X ເປັນຂີດໝາຍຂອງການເລີ່ມຕົ້ນຢ່າງເປັນທາງການ ຂອງມະຫາກະສັດ ທີ 10, ຂອງລາດຊະວົງ Chakri ເຊິ່ງມີປະຫວັດສາດຕັ້ງແຕ່ ປີ 1782 ຢູ່ປະເທດໄທ

ພະລາດສະພິທີ ການຂຶ້ນຄອງລາດ ຂອງ ກະສັດ ມະຫາ ວະຊິຣາລົງກອນ ຈະດຳເນີນໄປໃນໄລຍະເວລາ 3 ມື້, ແຕ່ວັນທີ 4 ຫາ 6 ພຶດສະພາ ເປັນປະເພນີ ເລີ່ມຕັ້ງແຕ່ ມະຫາກະສັດ ລາມາ I ແລະ ເປັນການສືບທອດ ຂອງຣາຊະວົງ ສະໄໝກ່ອນ ຢູ່ປະເທດໄທ.

（ຫັດ​ທະ​ບູນ）