 |
ທ່ານນາງ ຫງວຽນທິກິມເງິນ ປະທານສະພາແຫ່ງຊາດຫວຽດນາມຕ້ອນຮັບຄະນະຜູ້ແທນສະມາຊິກສະພາສູງອາເມລິກາ. ພາບ: vovworld.vn
ໃນຕອນບ່່າຍຂອງວັນທີ 18 ເມສາ, ຢູ່ຫໍສະພາແຫ່ງຊາດ, ທ່ານນາງ ຫງວຽນທິກິມເງິນ ປະທານສະພາແຫ່ງຊາດຫວຽດນາມ ໄດ້ໃຫ້ການຕ້ອນຮັບຄະນະສະມາຊິກສະພາສູງ ອາເມລິກາ ໂດຍ Patrick Leahy, ຮອງປະທານຄະນະກໍາມະການອະນຸມັດຜ່ານງົບປະມານສະພາສູງອາເມລິການໍາໜ້າຄະນະ.
ທີ່ການຕ້ອນຮັບ, ທ່ານນາງ ຫງວຽນທິກິມເງິນ ແລະ ທ່ານ Patrick Leahy ຕ່າງກໍ່ໄດ້ເນັ້ນໜັກວ່າ ການພົບປະແລກປ່ຽນຄະນະຜູ້ແທນລະຫວ່າງລັດຖະບານ, ສະພາແຫ່ງຊາດ ແມ່ນຈໍາເປັນທີ່ສຸດ ເພື່ອແນໃສ່ຊຸກຍູ້ການພົວພັນລະຫວ່າງສອງປະເທດ; ມີຄວາມມຸ່ງຫວັງປາດຖະໜາວ່າສອງປະເທດເພີ່ມທະວີການຮ່ວມມື, ແລກປ່ຽນຄະນະຜູ້ແທນສະພາແຫ່ງຊາດ, ສະພາສູງອາເມລິກາເວົ້າສະເພາະ ແລະ ການຮ່ວມມືລະຫວ່າງຫວຽດນາມ ແລະ ອາເມລິກາ ເວົ້າລວມ.
（ໄຊພອນ）
