ທ່ານເລຂາທິການໃຫຍ່ ຫງວຽນຝູຈ້ອງ ເລີ່ມຕົ້ນການຢ້ຽມຢາມ ຮົງກາຣີ ຢ່າງເປັນທາງການ

ທ່ານເລຂາທິການໃຫຍ່ ຫງວຽນຝູຈ້ອງ ເລີ່ມຕົ້ນການຢ້ຽມຢາມ ຮຸງກາຣີ ຢ່າງເປັນທາງການ.

ພິທີຕ້ອນຮັບ ທ່ານເລຂາທິການໃຫ່ຍ ຫງວ໋ຽນຟູ໋ ຈ້ອງ ຢ່າງເປັນທາງການໄດ້ຈັດຂື້ນຢູ່ທີ່ ສະໜາມບິນສາກົນ Ferenc Lizt, ນະຄອນຫລວງ Budapest. ຕາມແຜນການຢ້ຽມຢາມຄັ້ງນີ້ຂອງທ່ານເລຂາທິການໃຫຍ່ ຈະມີການເຄື່ອນໄຫວທີ່ສຳຄັນຫຼາຍຢ່າງເຊັ່ນ: ການພົບປະເຈລະຈາ ກັບ ທ່ານນາຍົກລັດຖະມົນຕີ ຮົງກາລີ Viktor Orban; ການປຶກສາຫາລືກັບທ່ານປະທານສະພາແຫ່ງຊາດ, ທ່ານປະທານາທິບໍດີ; ຕ້ອນຮັບການເຂົ້າພົບຂອງທ່ານ ຫົວໜ້າພັກ ສັງຄົມ ຮົງກາລີ; ຮັບການນຳສະມາຄົມມິດຕະພາບ ຮົງກາລີ-ຫວຽດນາມ; ຕ້ອນຮັບຫົວໜ້າພັກ ກຳມະກອນ ຮົງກາລີ; ...

ການຢ້ຽມຢາມ ຮົງກາລີ ຢ່າງເປັນທາງການໃນຄັ້ງນີ້ ກໍ່ເພື່ອແນໃສ່ ເພີ່ມທະວີ ຄວາມເຂົ້າໃຈ ແລະ ເຊື່ອໝັ້ນເຊິ່ງກັນແລະກັນ ລະຫວ່າງ ການນຳ ແລະ ປະຊາຊົນ ສອງປະເທດ ຫວຽດນາມ - ຮົງກາລີ; ສ້າງມູນເຊື້ອມິດຕະພາບ ໃຫ້ມີຄວາມເລິກເຊິ່ງ ແລະ ຮ່ວມມືຫຼາຍດ້ານ, ຍົກລະດັບການຮ່ວມມືຂື້ນ ເປັນ ຄູ່ຮ່ວມມືຮອບດ້ານ ສ້າງບາດກ້າວໃໝ່ ເປັນຈິງໃນທຸກໆຂົງເຂດ, ຈາກນັ້ນ ປັບປຸງ ແລະ ເສີມຂະຫຍາຍອິດືິພົນຂອງຫວຽດນາມ ຢູ່ ພູມມິພາກ ຕາເວັນອອກກາງ ເບື້ອງຕາເວັນຕົກ.

ຢັ້ງຢືນນະໂຍບາຍຂອງຫວຽດນາມ ຍາມໃດກໍ່ຖື ຮົງກາລີ ເປັນຄູ່ຮ່ວມມື ທີ່ເກົ່າແກ່ ອັນດັບຕົ້ນຢູ່ພູມມິພາກ ຕາເວັນອອກກາງ ເບື້ອງຕາເວັນຕົກ; ເພີ່ມທະວີສາຍພົວພັນສອງພັກກຳອຳນາດ, ເປັນພື້ນຖານເພີື່ອຊຸກຍູ້ ສາ່ຍພົວພັນສອງຝ່າຍໃນທຸກໆຂົງເຂດທີ່ທັງສອງປະເທດມີທ່າແຮງ ແລະ ຄວາມສາມາດບົ່ມຊ້ອນ.

ຫວຽດນາມ ແລະ ຮຸງກາຣີ ໄດ້ສ້າງຕັ້ງການພົວພັນທາງການທູດເມື່ອວັນທີ 03/02/1950. ຮຸງກາຣີ ໄດ້ສະຫງວນໃຫ້ ຫວຽດນາມ ການສະໜັບສະໜູນ, ການຊ່ວຍເຫຼືອອັນລ້ຳຄ່າໃນພາລະກິດປົກປັກຮັກສາ ແລະ ສ້າງສາປະເທດຊາດ. ໃນຊຸມປີຜ່ານມາ, ການພົວພັນ 2 ປະເທດໄດ້ມີບັນດາບາດກ້າວພັດທະນາຢ່າງຕັ້ງໜ້າ.

（ຫັດ​ທະ​ບູນ）