 |
ທີ່ການເຮັດວຽກກັບຄະນະພັກແຂວງ ອານຢາງ ຢູ່ນະຄອນ ລອງຊວຽນ, ທ່ານປະທານປະເທດ ເຈີ່ນດ້າຍກວາງ ສະເໜີວ່າ: ແຂວງອານຢາງ ຈົ່ງຍົກສູງຄຸນນະພາບຂອງການວາງແຜນຜັງໂຄງປະກອບໂຄງລ່າງ ເສດຖະກິດ-ສັງຄົມ ແລະ ຕົວເມືອງ; ລະດົມ ແລະ ນໍາໃຊ້ບັນດາແຫຼ່ງກໍາລັງພາຍໃນ ແລະ ພາຍນອກທ້ອງຖິ່ນໃຫ້ມີປະສິດທິຜົນ ເພື່ອພັດທະນາເສດຖະກິດຢ່າງວ່ອງໄວ ແລະ ຍືນຍົງ; ເອົາໃຈໃສ່ເຖິງການລົງທຶນພື້ນຖານໂຄງລ່າງຢູ່ບັນດາເຂດອຸດສາຫະກໍາ, ໂຄງລ່າງຄົມມະນາຄົມ, ສ້າງສາຍສໍາພັນພາຍໃນເຂດ ຕິດພັນກັບການກໍ່ສ້າງຊົນນະບົດໃໝ່.
ນອຈາກນັ້ນ, ທ່ານປະທານປະເທດ ເຈີ່ນດ້າຍກວາງ ກໍໄດ້ສະເໜີໃຫ້ ແຂວງອານຢາງ ຈົ່ງສືບຕໍ່ຈັດຕັ້ງປະຕິບັດ ແຜນການພັດທະນາການທ່ອງທ່ຽວໃຫ້ກາຍເປັນຂະແໜງເສດຖະກິດປາຍແຫຼມມີປະສິດທິຜົນ ໂດຍຜ່ານບັນດານະໂຍບາຍສົ່ງເສີມການລົງທຶນພັດທະນາພື້ນຖານໂຄງລ່າງ, ການບໍລິການ ແລະ ຜະລິດຕະພັນຮັບໃຊ້ການທ່ອງທ່ຽວ, ສ້າງສະພາບແວດລ້ອມການທ່ອງທ່ຽວທີ່ປອດໃສ, ສະໜິດສະໜົມ, ດຶງດູດແຂກທ່ອງທ່ຽວ; ຍູ້ແຮງການໂຄສະນາເຜີຍແຜ່ ກ່ຽວກັບພາບພົດຂອງບ້ານເກີດເມືອງນອນ, ທັດສະນາຍະພາບ, ບັນດາເຂດທ່ອງທ່ຽວຈຸດສຸມ ແລະ ຊາວແຂວງອານຢາງອີກດ້ວຍ; ຍົກສູງການເຄື່ອນໄຫວພົວພັນຕ່າງປະເທດກັບບັນດາແຂວງຂອງປະເທດບ້ານໃກ້ເຮືອນຄຽງທີ່ມີເສັ້ນຊາຍແດນຕິດຈອດກັນ, ປະກອບສ່ວນສ້າງເສັ້ນຊາຍແດນສັນຕິພາບ, ມິດຕະພາບ, ສະຖຽນລະພາບ, ຮ່ວມມື ແລະ ພັດທະນາ.
（ຫັດທະບູນ）
