 |
ຝົນຕົກໜັກຫຼາຍມື້ຍ້ອນພາຍຸ ເຊີນຕິງ.
ສະຖິຕິຕົວຈິງຕາມການລາຍງານຢ່າງບໍ່ເປັນທາງການ ມີຜູ້ເສຍຊີວິດແລ້ວ 22 ຄົນ( ແຂວງອຽນບ໋າຍ : 11 ຄົນ, ແຂວງເຊີນລາ: 04ຄົນ, ແຂວງລ່າວກາຍ: 01 ຄົນ, ແຂວງຟູ໋ເທາະ: 03 ຄົນ, ແຂວງຮ່ວາບິ່ງ: 01ຄົນ, ແຂວງແທງຫວ໋າ: 02 ຄົນ), ສູນຫາຍອີກ 12 ຄົນ; (ແຂວງອຽນບ໋າຍ: 06ຄົນ, ແຂວງເຊີນລາ: 02 ຄົນ, ແຂວງຟູ໋ເທາະ: 01 ຄົນ, ແຂວງແທັງຫວ໋າ: 03 ຄົນ); ຖືບາດເຈັບອີກ 26 ຄົນ (ແຂວງອຽນບ໋າຍ: 18ຄົນ, ແຂວງເຊີນລາ: 01 ຄົນ, ແຂວງຟູ໋ເທາະ: 03 ຄົນ, ແຂວງແທັງຫວ໋າ: 03 ຄົນ, ແຂວງເຫງະອານ: 01)
 |
ອຳນາດການປົກຄອງຕ້ອງໄດ້ໃຊ້ເຮືອຂອງກຳລັງທະຫານ, ຕຳຫຼວດເພື່ອຊ່ວຍເຫຼືອປະຊາຊົນ.
ເຮືອນຊານບ້ານຊ່ອງຂອງປະຊາຊົນຖືກເສຍຫາຍ, ເຮືອນຖະຫຼົ່ມ, ເປເພ ຖືກນ້ຳຊຸໄຫຼໄປຕາມນ້ຳຫຼາຍກວ່າ 6.000 ຫຼັງຄາເຮືອນ.
ເສຍຫາຍທາງດ້ານການປູກຝັງ ແລະ ລ້ຽງສັດ : ສັດລ້ຽງປະເພດງົວ-ຄວາຍ ຫຼາຍກວ່າ 6.455 ໂຕ, ສັດປີ 106.008ໂຕ, ພື້ນທີ່ເຮັດການສັດນ້ຳ ເສຍຫາຍຫຼາຍກວ່າ 5.670 ເຮັກຕາ.
ທາງດ້ານການຄົມມະນາຄົມ ສະຖານະການຝົນຕົນລຽນຕິດຕໍ່ກັນຫຼາຍມື້ເຮັດໃຫ້ນ້ຳຖ້ວມຖະໜົນຫົນທາງ ເຮັດໃຫ້ການຄົມມະນາຄົມທາງບົກ ຫຼາຍເຂດ, ແຂວງຕ້ອງເປັນອຳມະພາດ. ບາງແຂວງຕ້ອງໄດ້ໃຊ້ເຮືອນ, ແພ ເພື່ອເປັນພາຫະນະໃນການເດີນທາງ.
 |
 |
ເສັ້ນທາງຄົມມະນາຄົມເປັນອຳມະພາດ.
ນອກນີ້ໃນຫຼາຍແຂວງລະດັບນ້ຳຍັງຢູ່ໃນລະດັບທີ່ຕ້ອງເຝົ້າລະວັງໃນທຸກວິນາທີ, ບາງແຂວງລະດັບນ້ຳກໍ່ຫຼຸດລົງແລ້ວ ແຕ່ບາງແຂວງແມ່ນຍັງຢູ່ໃນລະດັບສູງຢູ່. ປະກອບກັບພາຍຫຼັງຝົນເຊົາແລ້ວກໍ່ເກີດມີການເຈື່ອນຂອງຕາຝັ່ງແມ່ນ້ຳ, ເປີ້ພູຕ່າງໆ.
 |
ນ້ຳປ່າໄຫຼມາພ້ອມກັບຕະກອນແລະສິ່ງເສດເຫຼືອ.
ດັ່ງນັ້ນອຳນາດການປົກຄອງແຕ່ລະຂັ້ນໄດ້ມີຄຳສັ່ງຊີ້ນຳ ຕັ້ງແຕ່ສູນກາງລົງຮອດທ້ອງຖິ່ນໃນການຕິດຕາມເຝົ້າລະວັງແລະແຈ້ງເຕືອນໃຫ້ປະຊາຊົນ ເຂດສ່ຽງ ຮູ້ທັນເຖິງຂ່າວສານກ່ຽວກັບສະພາບອາກາດ.
（ຫັດທະບູນ）
