 |
ທ່ານ ຈິ້ງດິ່ງຢຸງ ຖາມຢ້ຽມຢາມຖາມຂ່າວ ແລະ ມອບສິ່ງບັນເທົາທຸກໃຫ້ພໍ່ແມ່ປະຊາຊົນຜູ້ປະສົບໄພພິບັດ.
ໃນທີ່ນີ້, ທ່ານ ຈິ້ງດິ່ງຢຸງ ໄດ້ໄປສັງເກດການເຂດລ້ຽງປາແຂ້, ປາໄຊມ້ອນ ຢູ່ໃນບ້ານ ຈູວາ 12 , ບ້ານເຊີນບິ່ງ, ເມືອງ ຕາມເຢືອງ - ຫນຶ່ງໃນຈຸດທີ່ມີຄວາມເສຍຫາຍໜັກຈາກຝົນຕົກຫນັກ, ນ້ຳປ່າໄຫຼທະລົ່ມ. ພ້ອມດຽວກັນນັ້ນ, ໄປຢ້ຽມຢາມຖາມຂ່າວ ໃຫ້ກຳລັງໃຈບັນດາ ຄອບຄົວທີ່ຖືກເຄາະຮ້າຍ.
ໃນນາມຕ່າງໜ້າໃຫ້ບັນດາການນໍາຂອງພັກ- ລັດ ແລະ ຮອງນາຍົກລັດຖະມົນຕີ, ຂໍສະແດງຄວາມໂສກເສົ້າມາຍັງບັນດາຄອບຄົວຜູ້ເຄາະຮ້າຍ ສຳມະຊິກໃນຄອບຄົວເສຍຊີວິດ ແລະ ສູນຫາຍ. ພ້ອມດຽວກັນກັນນັ້ນ ຂໍແບ່ງປັນຄວາມຫຍຸ້ງຍາກ ແລະ ການສູນເສຍທີ່ອໍານາດການປົກຄອງ ແລະ ປະຊາຊົນບັນດາເຜົ່າ ຢູ່ທ້ອງຖິ່ນຕ້ອງໄດ້ຮັບຜົນສະທ້ອນໃນລະດູຝົນນີ້.
 |
ທ່ານຮອງນາຍົກລັດຖະມົນຕີຊີ້ນຳການແກ້ໄຂສະຖານະການ.
ທ່ານຮອງນາຍົກລັດຖະມົນຕີໄດ້ເນັ້ນຫນັກວ່າ: ຕອນນີ້ຫາກໍ່ແມ່ນເລີ່ມຕົ້ນຂອງລະດູຝົນ, ຕໍ່ໄປນີ້, ໄພພິບັດຈາກທໍາມະຊາດຈະຍັງຄົງສັບສົນ, ບໍ່ສາມາດຄາດເດົາໄດ້; ເພື່ອແກ້ໄຂຢ່າງວ່ອງໄວ ແລະ ທັນການ ຕໍ່ກັບເຫດການນ້ໍາຖ້ວມນີ້, ເປັນເຈົ້າການໃນການຮັບມືກັບໄພພິບັດທາງທໍາມະຊາດ, ບັນດາກະຊວງ, ອົງການສູນກາງ ຄວນປະສານສົມທົບກັບຂັ້ນແຂວງ, ອຳນາດການປົກຄອງຂັ້ນແຂວງ ລາຍເຈົາ ສືບຕໍ່ຈັດຕັ້ງປະຕິບັດ ຢ່າງເຂັ້ມງວດ ດຳລັດ ຂອງ ລັດຖະບານ.
ເຊິ່ງປະກອບມີ: ຄະນະຮັບຜິດຊອບການຮັບມືກັບໄພພິບັດ ແລະ ຊ່ວຍເຫຼືອຜູ້ປະສົບໄພ , ກະຊວງປ້ອງກັນປະເທດ, ກະຊວງປ້ອງກັນຄວາມສະຫງົບ. ບັນດາກະຊວງ ພິເສດແມ່ນກະຊວງຊັບພະຍາກອນ ແລະ ສິ່ງແວດລ້ອມ ແລະ ບັນດາອົງການຂັ້ນ ແຂວງ ລາຍເຈົາ…
（ຫັດທະບູນ）
