ເລຂາທິການໃຫຍ່ ໂຕເລິມ ເຮັດວຽກກັບຄະນະເສດຖະກິດສູນກາງພັກ

ຍສໝ - ຕອນເຊົ້າວັນທີ 9 ທັນວາ, ຢູ່ຮ່າໂນ້ຍ, ທ່ານເລຂາທິການໃຫຍ່ ໂຕເລິມ ໄດ້ເຮັດວຽກກັບຄະນະເສດຖະກິດສູນກາງພັກ ກ່ຽວກັບຜົນການປະຕິບັດໜ້າທີ່ວຽກງານ ນັບແຕ່ຕົ້ນອາຍຸການ ຊຸດທີ XIII ມາຮອດປະຈຸບັນ ແລະທິດທາງໜ້າທີ່ ຈົນເຖິງໝົດອາຍຸການ.

ທ່ານ ໂຕເລິມ ໄດ້ຢັ້ງຢືນບົດບາດສຳຄັນຂອງຄະນະເສດຖະກິດສູນກາງພັກ ວ່າ ແມ່ນອົງການເປັນເສນາທິການຍຸດທະສາດຂອງພັກ ໃນການວາງແນວທາງ, ແຜນນະໂຍບາຍຂອງພັກ ໃນວິວັດການພັດທະນາເສດຖະກິດສັງຄົມຂອງປະເທດ. ທ່ານເລຂາທິການໃຫຍ່ ເນັ້ນໜັກວ່າ ຄວາມສ່ຽງທີ່ອາດຈະຖອຍຫຼັງ ແລະເຂວທິດໃນວິວັດການພັດທະນາເສດຖະກິດສາມາດເກີດຂຶ້ນໄດ້ບໍ່ວ່າໃນເວລາໃດ, ສະນັ້ນ, ຄະນະເສດຖະກິດສູນກາງພັກ ຕ້ອງສຸມໃສ່ຄົ້ນຄວ້າເປັນເສນາທິການ ກ່ຽວກັບການກໍານົດທິດພັດທະນາເສດຖະກິດ-ສັງຄົມ ໃຫ້ພັກ ແລະລັດ ໃນໄລຍະຈະມາເຖິງ. ພາບ: ຟ້າມກຽນ