ຫວຽດນາມ ແມ່ນປະເທດສຳຄັນບໍ່ພຽງແຕ່ຢູ່ພາກພື້ນເທົ່ານັ້ນ ຫາກຍັງຢູ່ໃນໂລກ

ຍສໝ - ປີ 2024 ຫວຽດນາມ ໄດ້ສ້າງຄວາມປະທັບໃຈໃນສາຍຕາຂອງເພື່ອນມິດສາກົນ. ເພື່ອມີຄວາມເຂົ້າໃຈຈະແຈ້ງກວ່າກ່ຽວກັບຜົນງານດັ່ງກ່າວ, ນັກຂ່າວສໍານັກຂ່າວສານຫວຽດນາມ ປະຈຳນິວເດລີ ໄດ້ມີການສຳພາດທ່ານ SD Pradhan ອະດີດຮອງທີ່ປຶກສາດ້ານຄວາມໝັ້ນຄົງແຫ່ງຊາດອິນເດຍ.

ທ່ານ Pradhan ໃຫ້ຂໍ້ສັງເກດວ່າ ມີ 4 ປັດໄຈສຳຄັນທີ່ຊ່ວຍໃຫ້ຫວຽດນາມ ບັນລຸໄດ້ຜົນງານດັ່ງກ່າວ ນັ້ນແມ່ນການປະຕິຮູບດ້ານເສດຖະກິດ; ສ້າງສະພາບແວດລ້ອມທີ່ອຳນວຍຄວາມສະດວກໃຫ້ແກ່ການເຄື່ອນໄຫວດຳເນີນທຸລະກິດ, ດຶງດູດການລົງທຶນໂດຍກົງຈາກຕ່າງປະເທດ (FDI) ແລະບັນດາບໍລິສັດເຄື່ອນຍ້າຍຮາກຖານການຜະລິດ; ກໍ່ສ້າງກຳລັງແຮງງານທີ່ມີຄວາມຊໍານິຊໍານານ ແລະເຊື່ອມໂຍງເຂົ້າກັບການເຄື່ອນໄຫວການຄ້າ ແລະການຜະລິດໃນທົ່ວໂລກ. ພາບ: ຮວ່າງຍີ້