 |
ການນຳແຂວງກວ້າງຈິ ຖ່າຍຮູບຮ່ວມກັບບັນດາຜູ່ແທນທີ່ເຂົ້າຮ່ວມໃນງານ.
ປາໄສໃນກອງປະຊຸມສຳມະນາ , ທ່ານ ບຸຍຄັ໋ກເຊີນ, ຮອງປະທານສະຫະພັນສະມາຄົມມິດຕະພາບ ຫວຽດນາມ, ໄດ້ຢືນຢັນວ່າ: ການສຳມະນາ ແມ່ນໂອກາດໃຫ້ບັນດາແຂກຜູ້ເຂົ້າຮ່ວມ ແລະ ປະຊາຊົນສະໄໝໃໝ່ໃນທົ່ວໂລກ ຮ່ວມກັນຫວນຄືນ ກ່ຽວກັບຄວາມໝາຍຄວາມສຳຄັນ, ກໍ່ຄືການສຳມະນາ ບັນດາຍຸດທະສາດ ແບບແຜນວິທີເຮັດວຽກ ເພື່ອຊຸກຍູ້ ສົ່ງເສີມຄວາມສາມັກຄີສາກົນໃຫ້ສຸງກວ່າເກົ່າ, ມັນເປັນໂອກາດ ໃນການເຄື່ອນໄຫວ ເພື່ອສັນຕິພາບໂລກ ເຊື່ອມຕໍ່ເຊິ່ງກັນ ແລະ ກັນ, ເຮັດວຽກໄປຕາມເປົ້າໝາຍອັນດຽວກັນ, ເພື່ອສັນຕິພາບ - ຄວາມສະຫງົບ ແລະ ການພັດທະນາແບບຍືນຍົງ.
ທ່ານ ບຸ່ຍຄັກເຊີນ ຄາດຫວັງວ່າ: ກອງທຶນເພື່ອສັນຕິພາບ ແລະ ພັດທະນາ ຫວຽດນາມ, ກອງທືນ Rosa Luxemburg Stiftung ຈະສືບຕໍ່ປະກອບສ່ວນເຂົ້າໃນການເສີມສ້າງມິດຕະພາບ, ການຮ່ວມມືຂອງ ປະຊາຊົນຫວຽດນາມ ກັບປະຊາຊົນບັນດາປະເທດ; ປະກອບສ່ວນເຂົ້າໃນຂະບວນການຂອງປະຊາຊົນໃນທົ່ວໂລກ ເພື່ອຄວາມກ້າວໜ້າ, ສັງຄົມມີເທົ່າທຽມກັນ ແລະ ການພັດທະນາແບບຍືນຍົງ.
ຜູ່ຕ່າງໜ້າເຂົ້າຮ່ວມໃນກອງປະຊຸມໄດ້ສຸມໃສ່ໃນການແລກປ່ຽນ ບັນຫາຕ່າງໆເຊັ່ນ : ການກໍານົດຄວາມສາມັກຄີຂອງ ປະຊາຊົນເພື່ອສັນຕິພາບ - ຄວາມສະຫງົບ ແລະ ການພັດທະນາແບບຍືນຍົງ; ຄວາມສາມັກຄີສາກົນ; ການເຄື່ອນໄຫວເພື່ອສັນຕິພາບ ແລະ ຄວາມສາມັກຄີກັບຫວຽດນາມ ແລະ ສາຍພົວພັນອັນສະໜິດແໜ້ນ ກັບສັນຕິພາບ ແລະ ຄວາມສາມັກຄີສາກົນ; ແບບແຜນຂອງການແກ້ໄຂ ແລະ ການປະພຶດ ເພື່ອເສີມສ້າງຄວາມເຂັ້ມແຂງຄວາມສາມັກຄີປະຊາຄົມສາກົນ; ແນວຄວາມຄິດກ່ຽວກັບການຈັດຕັ້ງປະຕິດບັດປະຈໍາປີ "ວັນສັນຕິພາບຫວຽດນາມ" ຢູ່ແຂວງ ກວ້າງຈິ.
ໃນນັ້ນ, ບັນດາກິດຈະກໍາຕົ້ນຕໍ ຂອງ "ວັນສັນຕິພາບ ຫວຽດນາມ" ທຸກໆປີ ຄາດວ່າ ຈະໄດ້ຈັດ ກິດຈະກໍາລະນຶກ, ງານບຸນ, ການແລກປ່ຽນວັດທະນະທໍາ, ສີລະປະ, ງານວາງສະແດງ ແລະ ກິດຈະກໍາດ້ານການ ສຶກສາກ່ຽວກັບສັນຕິພາບ. ໃນແຕ່ລະສະໄໝ ຄື: ສອງປີ ຫຼື ຫ້າປີ ຈັດງານບຸນ Festival ສາກົນ ແລະ ກິດຈະກໍາ ແລກປ່ຽນ ມິດພາບ ກັບບັນດານະຄອນຕ່າງໆໃນໂລກທີ່ເຄີຍຖືກທໍາລາຍ ດ້ວຍ ສົງຄາມ, ບັນດາອົງການສັນຕິພາບສາກົນ, ອົງການຈັດຕັ້ງ ສັນຕິພາບແຫ່ງຊາດຂອງບັນດາປະເທດ, ບັນດາທ້ອງຖິ່ນໃນທົ່ວທຸກມຸມໂລກ .
（ຫັດທະບູນ）
