ເຊີດຊູ 20 ວິສາຫະກິດທີ່ບັນລຸມາດຕະຖານວັດທະນະທຳວິສາຫະກິດຫວຽດນາມ

ຍສໝ - ຕອນບ່າຍວັນທີ 10 ພະຈິກ, ຢູ່ຮ່າໂນ້ຍ, ສະຫະສະມາຄົມພັດທະນາວັດທະນະທຳວິສາຫະກິດຫວຽດນາມ ສົມທົບກັບກະຊວງວັດທະນະທຳ, ກິລາ ແລະທ່ອງທ່ຽວໄດ້ຈັດຕັ້ງເວທີປາໄສແຫ່ງຊາດປະຈໍາປີດ້ວຍຫົວຂໍ້ “ວັດທະນະທຳກັບວິສາຫະກິດ” ຄັ້ງທີ 4 ແລະລາຍການພິຈາລະນາ, ຮັບຮອງ “ວິສາຫະກິດບັນລຸມາດຕະຖານວັດທະນະທຳວິສາຫະກິດຫວຽດນາມ” ປີ 2024.

ທີ່ເຫດການດັ່ງກ່າວ, ຄະນະຈັດຕັ້ງໄດ້ເຊີດຊູ ແລະມອບໃບຍ້ອງຍໍໃຫ້ 20 ວິສາຫະກິດທີ່ບັນລຸມາດຕະຖານວັດທະນະທຳວິສາຫະກິດຫວຽດນາມ ປີ 2024. ຈຸດພົ້ນເດັ່ນຂອງເວທີປາໄສແມ່ນກອງປະຊຸມສຳມະນາດ້ວຍຫົວຂໍ້ “ດໍາເນີນທຸລະກິດໃນສະພາບແວດລ້ອມວັດທະນະທໍາຫຼາກຫຼາຍ”. ທ່ານ Hong Sun, ປະທານສະມາຄົມວິສາຫະກິດສ.ເກົາຫຼີ ປະຈຳ ຫວຽດນາມ (KOCHAM) ຕີລາຄາວ່າ ຫວຽດນາມ ຍັງມີຫຼາຍກຸ່ມບໍລິສັດ, ວິສາຫະກິດກໍາລັງພັດທະນາຢ່າງວ່ອງໄວ, ຕ້ອງມານະພະຍາຍາມເພື່ອບືນຕົວອອກສູ່ຕະຫຼາດຕ່າງປະເທດ, ໃນນັ້ນຄວນຖືວັດທະນະທຳເປັນພື້ນຖານ ເພື່ອດຳເນີນທຸລະກິດ, ເຊີດຊູຈິດໃຈຮ່ຳຮຽນຈາກບັນດາຄູ່ຮ່ວມມືສາກົນ. ພາບ: ກອງທັບປະຊາຊົນ