 |
| ບັນດາຜູ້ແທນເຂົ້າຮ່ວມກອງປະຊຸມພົບປະ ແລະ ໂອ້ລົມສົນທະນາ. |
ເຂົ້າຮ່ວມກອງປະຊຸມມີ ທ່ານ ປອ ຟ້າມຮຸ່ງຕັຽນ, ຮອງຜູ້ອໍານວຍການສະຖາບັນ FNF ແຫ່ງຊາດ (ເຢຍລະມັນ) ປະຈຳ ຫວຽດນາມ; ທ່ານ ເລຫຶວນາມ ຮອງຫົວໜ້າພະແນກການຕ່າງປະເທດ ແລະ ຜູ້ຕາງໜ້າສະຫະພັນບັນດາອົງການມິດຕະພາບແຂວງ.
ຢູ່ທີ່ນີ້, ບັນດາຜູ້ແທນສະມາຄົມມິດຕະພາບຫວຽດນາມ - ສະຫະພັນເຢຍລະມັນ ແຂວງ ບັກຢາງ ໄດ້ໂອ້ລົມສົນທະນາຮ່ວມກັນເພື່ອທົບທວນຄືນບັນດາຄວາມຊົງຈຳອັນເລິກເຊິ່ງກ່ຽວກັບຂອງອະດີດສາທາລະນະລັດ ປະຊາທິປະໄຕ ເຢຍລະມັນ ແລະ ສະຫະພັນເຢຍລະມັນ ໃນປະຈຸບັນ; ມູນເຊື້ອ 25 ປີແຫ່ງວັນສ້າງຕັ້ງ ແລະ ການເຕີບໃຫ່ຍຂອງສະມາຄົມມິດຕະພາບຫວຽດນາມ - ສະຫະພັນເຢຍລະມັນ ແຂວງ ບັກຢາງ (ສະມາຄົມ).
ວັນທີ 3 ກຸມພາ 1955, ຫວຽດນາມ ແລະ ອະດີດສາທາລະນະລັດ ປະຊາທິປະໄຕ ເຢຍລະມັນ ໄດ້ສ້າງຕັ້ງການພົວພັນທາງການທູດ; ວັນທີ 23 ກັນຍາ 1975, ຫວຽດນາມ ແລະ ສະຫະພັນເຢຍລະມັນ ໄດ້ສ້າງຕັ້ງການພົວພັນທາງການທູດ; ໃນວັນທີ 3 ເດືອນຕຸລາ 1990 ໄດ້ໂຮມເຂົ້າເປັນສາທາລະນະລັດ ສະຫະພັນເຢຍລະມັນ ໃນປະຈຸບັນ. ປະຈຸບັນ, ຢູ່ສາທາລະນະລັດສະຫະພັນເຢຍລະມັນ ມີຄົນຫວຽດນາມ ປະມານ 150.000 ຄົນ ກໍາລັງອາໄສຢູ່, ໃນນັ້ນ 20% ໄດ້ສັນຊາດເຢຍລະມັນ. ເບິ່ງໂດຍລວມແລ້ວ, ພໍ່ແມ່ປະຊາຊົນຊາວຫວຽດນາມ ໃຊ້ຊີວິດຢູ່ເຢຍລະມັນຂ້ອນຂ້າງໝັ້ນຄົງສົມຄວນ, ສ່ວນຫຼາຍແມ່ນເຮັດວຽກເປັນແຮງງານເງິນເດືອນ ຫຼື ເຮັດທຸລະກິດຂະໜາດນ້ອຍ. ຄົນຫວຽດນາມ ລຸ້ນທີ 2 ຢູ່ເຢຍລະມັນ ໄດ້ເຊື່ອມໂຍງຢ່າງປະສົບຜົນສໍາເລັດ, ທັງໄດ້ຮັບການຕີລາຄາສູງຈາກລັດຖະບານທ້ອງຖິ່ນ ເມື່ອທຽບໃສ່ຊຸມຊົນໄປຕັ້ງຖິ່ນຖານຢູ່ເຢຍລະມັນ. ແຂວງ ບັກຢາງ ມີປະມານ 40.000 ຄົນທີ່ເຄີຍໄປຄົ້ນຄວ້າ, ຮໍ່າຮຽນ ແລະ ເຮັດວຽກຢູ່ເຢຍລະມັນ.
ເພື່ອຕອບສະໜອງຄວາມມຸ່ງມາດປາດຖະໜາອັນຊອບທຳຂອງບັນດາຜູ້ຮັກແພງເຢຍລະມັນໃນແຂວງ, ວັນທີ 27 ກໍລະກົດ 1999, ປະທານຄະນະກຳມະການປະຊາຊົນແຂວງ ບັກຢາງ ໄດ້ປະກາດໃຊ້ມະຕິເລກທີ 181/QD-CT ອະນຸຍາດໃຫ້ມີການສ້າງຕັ້ງສະມາຄົມມິດຕະພາບຫວຽດນາມ - ສາທາລະນະລັດ ສະຫະພັນ ເຢຍລະມັນ ແຂວງ ບັກຢາງ.
ເມື່ອຫາກໍ່ສ້າງຕັ້ງຂຶ້ນແລ້ວ, ສະມາຄົມມີ 4 ສາຂາ, ມີສະມາຊິກເກືອບ 60 ຄົນ; ພາຍຫຼັງ 25 ປີແຫ່ງການກໍ່ສ້າງ ແລະ ພັດທະນາ, ມາຮອດປະຈຸບັນສະມາຄົມມີ 12 ສາຂາ, ມີສະມາຊິກເກືອບ 200 ຄົນ; ປະກອບສ່ວນເຂົ້າໃນການເປັນຂົວຕໍ່ຮັດແໜ້ນການພົວພັນລະຫວ່າງປະຊາຊົນ 2 ປະເທດ ສາທາລະນະລັດ ສະຫະພັນເຢຍລະມັນ ແລະ ຫວຽດນາມ ບົນພື້ນຖານແນວທາງການກ່ຽວກັບວຽກງານການຕ່າງປະເທດ ປະຊາຊົນຂອງພັກແລະລັດ. ເສີມຂະຫຍາຍທ່າແຮງຂອງບັນດາສະມາຄົມສະມາຊິກ ແລະ ການພົວພັນລະຫວ່າງບຸກຄົນ; ສະມາຄົມຍາມໃດກໍ່ມີບັນດາການເຄື່ອນໄຫວທີ່ມີຄວາມໝາຍຄື: ສົມທົບກັບບັນດາຊ່ຽວຊານ ເຢຍລະມັນ ຢູ່ແຂວງ ບັກຢາງ ເພື່ອກະກຽມເອກະສານຂໍການໜູນຊ່ວຍການປະຕິບັດບັນດາໂຄງການຂະໜາດນ້ອຍສ້ອມແປງ, ຍົກລະດັບໃຫ້ແກ່ບັນດາໂຮງຮຽນ, ໂຮງລ້ຽງເດັກ, ໂຮງຮຽນອະນຸບານທີ່ຢູ່ບັນດາຕາແສງທີ່ຫຍຸ້ງຍາກ; ສອນພາສາເຍຍລະມັນໃຫ້ແກ່ຜູ້ທີ່ຕ້ອງການທີ່ຈະໄປເຢຍລະມັນເພື່ອຮໍ່າຮຽນ, ເຮັດວຽກ, ເຕົ້າໂຮມຄອບຄົວ; ຊ່ວຍເຫຼືອດ້ານນິຕິກຳ, ໃຫ້ຄຳປຶກສາ, ແນະນໍາເຮັດສໍາເນົາເອກະສານ, ເຮັດລະບຽບການໃຫ້ແກ່ບັນດາໂຄງການໄປຍັງເຢຍລະມັນ ກໍ່ຄືການຊ່ວຍເຫຼືອຄົນເຢຍລະມັນ ຢູ່ຫວຽດນາມ; ພິເສດແມ່ນການຮັກສາ ແລະ ເປີດກວ້າງການພົວພັນກັບບັນດາອົງການຈັດຕັ້ງຂອງເຢຍລະມັນ ຢູ່ຫວຽດນາມ ຄື: FES, FNF, GIZ ໃນການຈັດຕັ້ງບັນດາກອງປະຊຸມສຳມະນາ, ກອງປະຊຸມ, ໄຈ້ແຍກຕີລາຄາດັດຊະນີ PCI ແລະ ມາດຕະການຍົກສູງ PCI.. ປະກອບສ່ວນດຶງດູດການລົງທຶນ, ປັບປຸງສະພາບແວດລ້ອມແຫ່ງການລົງທຶນ ແລະ ດຳເນີນທຸລະກິດເພື່ອພັດທະນາເສດຖະກິດ-ສັງຄົມ ແຂວງ ບັກຢາງ.
ຄຽງຂ້າງບັນດາການເຄື່ອນໄຫວມິດຕະພາບທີ່ເປັນມູນເຊື້ອ, ສະມາຄົມໄດ້ເອົາໃຈໃສ່ຊ່ວຍເຫຼືອສະມາຊິກໃນການດໍາລົງຊີວິດຢ່າງເປັນເປັນປະຈໍາ. ພະນັກງານ, ສະມາຊິກ ແລະ ຄອບຄົວປະຕິບັດແຜນນະໂຍບາຍ, ແນວທາງຂອງພັກ, ນະໂຍບາຍ ແລະ ກົດໝາຍຂອງລັດເປັນຢ່າງດີ; ເຂົ້າຮ່ວມຢ່າງເຕັມສ່ວນບັນດາຂະບວນການເຄື່ອນໄຫວແຂ່ງຂັນຮັກຊາດຢູ່ທ້ອງຖິ່ນ, ຮາກຖານ ແລະ ບັນດາການເຄື່ອນໄຫວວຽກງານການທູດຂອງປະຊາຊົນ ໂດຍສູນກາງສະມາຄົມ ແລະ ສະຫະພັນບັນດາອົງການຈັດຕັ້ງມິດຕະພາບແຂວງຈັດ.
 |
| ທ່ານ ຫງວຽນດຶກຈອ້ງ, ຮອງປະທານຜູ້ປະຈໍາການ - ເລຂາທິການໃຫຍ່ສະຫະພັນບັນດາອົງການຈັດຕັ້ງມິດຕະພາບຫວຽດນາມ ແຂວງ ແລະ ທ່ານ ຫງວຽນເກືອງ ປະທານສະມາຄົມ ໄດ້ມອບໃບຍ້ອງຍໍໃຫ້ແກ່ບຸກຄົນ. |
ທ່ານ ຫງວຽນດຶກຈອ້ງ, ຮອງປະທານຜູ້ປະຈໍາການ - ເລຂາທິການໃຫຍ່ສະຫະພັນບັນດາອົງການຈັດຕັ້ງມິດຕະພາບຫວຽດນາມແຂວງ ໄດ້ຮັບຮູ້ບັນດາຜົນງານ ແລະ ຜົນສໍາເລັດທີ່ສະມາຄົມມິດຕະພາບຫວຽດນາມ - ສະຫະພັນເຢຍລະມັນບັນລຸໄດ້ໃນ 25 ປີທີ່ຜ່ານມາ; ຕອບສະໜອງຄວາມຮຽກຮ້ອງຕ້ອງການ, ໜ້າທີ່ວຽກງານການທູດປະຊາຊົນໃນໄລຍະໃໝ່; ໃນໄລຍະຈະມາເຖິງນີ້ ສະມາຄົມຕ້ອງການສຸມໃສ່ປະຕິບັດບາງໜ້າທີ່ຕົ້ນຕໍຄື: ສືບຕໍ່ປ່ຽນແປງໃໝ່ ແລະ ຍົກສູງຄຸນນະພາບການເຄື່ອນໄຫວຂອງສະມາຄົມ; ຜັນຂະຫຍາຍການພົວພັນຂອງບັນດາອົງການຈັດຕັ້ງ, ບຸກຄົນໃນບັນດາການເຄື່ອນໄຫວພົບປະແລກປ່ຽນປະຊາຊົນເພື່ອເຊື່ອມຕໍ່, ຊອກຮູ້, ກໍາໄດ້ສະພາບຂອງຄົນບັກຢາງ ຢູ່ ສາທາລະນະລັດ ສະຫະພັນ ເຢຍລະມັນ ໃນປະຈຸບັນ ປະກອບສ່ວນເຂົ້າໃນການປະຕິບັດແຜນຮ່າງຍູ້ແຮງການຮ່ວມມືສາກົນຢູ່ຂັ້ນທ້ອງຖິ່ນຂອງແຂວງ ບັກຢາງ ກັບບັນດາທ້ອງຖິ່ນຂອງຕ່າງປະເທດ, ໄລຍະ 2021 – 2025 ແລະ ແຜນຮ່າງເຊື່ອມຕໍ່, ດຶງດູດ ແລະ ຜັນຂະຫຍາຍແຫຼ່ງກຳລັງຂອງຄົນຫວຽດນາມ ຢູ່ຕ່າງປະເທດ ກ່ຽວກັບການມຸ່ງກໍ່ສ້າງແຂວງ ບັກຢາງ ໃນໄລຍະ 2021 – 2030 ໃຫ້ປະສົບຜົນສໍາເລັດ. ເຊື່ອມຕໍ່ບັນດາການເຄື່ອນໄຫວຂອງສະມາຄົມກັບບັນດາສາຂາສະມາຄົມທີ່ມີຫຼາຍການເຄື່ອນໄຫວຕິດພັນກັບບັນດາວິສາຫະກິດ, ນັກທຸລະກິດ ຂອງປະເທດເຢຍລະມັນ, ຜ່ານສິ່ງດັ່ງກ່າວຈິ່ງເຮັດໃຫ້ວຽກງານໂຄສະນາເຜີຍແຜ່ໄດ້ດີ, ວຽກປຸກລະດົມ, ໂຄສະນາພາບພົດຂອງປະຊາຊົນ, ບ້ານເກີດເມືອງນອນຂອງ ບັກຢາງ ກັບໝູ່ເພື່ອນເຢຍລະມັນ; ເຮັດໃຫ້ການເຄື່ອນໄຫວການທູດປະຊາຊົນນັບມື້ນັບເປັນອັນລະອຽດ ແລະ ເປັນເນື້ອແທ້ຫຼາຍຂຶ້ນ, ປະກອບສ່ວນດຶງດູດການລົງທຶນ ແລະ ພັດທະນາເສດຖະກິດ - ສັງຄົມຂອງແຂວງ...
ໃນໂອກາດນີ້, ຄະນະກໍາມະການແນວໂຮມປະເທດຊາດແຂວງ ໄດ້ມອບໃບຍ້ອງຍໍໃຫ້ແກ່ບຸກຄົນ 01 ໃບ ແລະ ສະຫະພັນບັນດາອົງການຈັດຕັ້ງມິດຕະພາບແຂວງ ມອບໃບຍ້ອງຍໍໃຫ້ກົມກອງລວມໝູ່ 01 ໃບ ແລະ ບຸກຄົນຜູ້ທີ່ໄດ້ປະກອບສ່ວນຢ່າງຕັ້ງໜ້າເຂົ້າໃນວຽກງານການທູດປະຊາຊົນ 02 ໃບ.
ທອງມີ ສີຫາວົງ
