| ຊາວໜຸ່ມ ແມ່ນກຳລັງນຳໜ້າ ໃນການເຄື່ອນໄຫວວຽກງານການທູດປະຊາຊົນ | |
| ຊາວໜຸ່ມ ຝະຣັ່ງ ເຮັດວຽກເປັນ “ຜູ້ຊ່ວຍຊ່າງກໍ່ສ້າງເຮືອນຊານ" ເພື່ອສ້າງເຮືອນແຫ່ງຄວາມຮັກແພງໃຫ້ແກ່ປະຊາຊົນທຸກຍາກຢູ່ແຂວງ ດົ່ງນາຍ |
ຊາວໜຸ່ມ, ນັກສຶກສາ ແຂວງ ດົ່ງນາຍ ແລະ ນັກສຶກສາລາວ ທີ່ພວມຮໍ່າຮຽນຢູ່ແຂວງ ພ້ອມກັນຖະຫວາຍທູບທຽນ, ຢ້ຽມຢາມ ແລະຊອກຮູ້ກ່ຽວກັບປູຊະນີຍະສະຖານປະຫວັດສາດ; ເຂົ້າຮ່ວມການລະຫຼິ້ນພື້ນເມືອງ; ການສະແດງສິລະປະ, ຮັບຟັງປາຖະກະຖາກ່ຽວກັບການພົວພັນລະຫວ່າງຫວຽດນາມ - ລາວ...
ນີ້ແມ່ນບັນດາການເຄື່ອນໄຫວທີ່ຫາກໍ່ດຳເນີນໄປໃນງານບຸນພົບປະແລກປ່ຽນ ໂດຍຄະນະຊາວໜຸ່ມແຂວງ, ສະຫະພັນຊາວໜຸ່ມແຂວງ, ສະຫະພັນບັນດາອົງການຈັດຕັ້ງມິດຕະພາບແຂວງ, ສະມາຄົມມິດຕະພາບຫວຽດນາມ - ລາວ ແລະ ຄະນະກຳມະການປະຊາຊົນເມືອງຫວິ໊ງກືວ ສົມທົບກັນຈັດຕັ້ງ.
ຊ່ວຍໃຫ້ຊາວໜຸ່ມເຂົ້າໃຈກ່ຽວກັບປະຫວັດສາດ
ຕື່ນແຕ່ເຊົ້າ, ຜ່ານໄລຍະທາງທີ່ຍາວໄກເພື່ອໄປຢ້ຽມຢາມເຂດປູຊະນີຍະສະຖານ ຖານທີ່ໝັ້ນສູນກາງພາກໃຕ້ (ເມືອງຫວິ໊ງກືວ), ຄະນະຜູ້ແທນຊາວໜຸ່ມ, ນັກສຶກສາ ດົ່ງນາຍ ແລະ ນັກສຶກສາລາວ ທີ່ຮ່ຳຮຽນຢູ່ບັນດາມະຫາວິທະຍາໄລ, ວິທະຍາໄລແຂວງ ດົ່ງນາຍ ລ້ວນແຕ່ຮູ້ສຶກດີໃຈ.
ພາຍຫຼັງຖະຫວາຍທູບທຽນຢູ່ຫໍສີລາຈາລຶກທີ່ຂຶ້ນກັບຖານທີໝັ້ນສູນກາງພາກໃຕ້, ຄະນະຜູ້ແທນໄດ້ເຄື່ອນຍ້າຍໄປເຖິງວິຫານບູຊາ, ອະນຸສາວະລີ ແລະສຸສານນັກຮົບເສຍສະຫຼະຊີວິດເພື່ອຊາດມ໊າດ່າ. ຢູ່ທີ່ນີ້, ຊາວໜຸ່ມຫວຽດນາມ ແລະລາວ ໄດ້ຮັບຟັງແນະນຳກ່ຽວກັບຖານທີ່ໝັ້ນສູນກາງພາກໃຕ້ໃນຊຸມປີແຫ່ງການຕໍ່ຕ້ານ, ບັນດາເລື່ອງລາວກ່ຽວກັບນັກຮົບວິລະຊົນທີ່ເສຍສະຫຼະຊີວິດ ຢູ່ໃນເຂດທີ່ໝັ້ນ Đ ວິລະຊົນ.
 |
ນັກສຶກສາແຂວງ ດົ່ງນາຍ ແລະນັກສຶກສາລາວ ພ້ອມກັນຢ້ຽມຊົມງານ ວາງ ສະແດງຮູບພາບກ່ຽວກັບການເຄື່ອນໄຫວມິດຕະພາບ ຫວຽດນາມ - ລາວ. ພາບ: ງາເຊີນ |
ທ່ານ ຫງວຽນມີງກຽນ ເລຂາຄະນະຊາວໜຸ່ມແຂວງ ຖືວ່າ: ຊາວໜຸ່ມສວມບົດບາດສຳຄັນໃນວຽກງານສາກົນ. ສະນັ້ນ, ໃນໄລຍະ ຜ່ານມາ, ຄະນະຊາວໜຸ່ມ ແຂວງ, ສະຫະພັນຊາວໜຸ່ມແຂວງ, ສະມາຄົມນັກສຶກສາແຂວງ ໄດ້ເປັນເຈົ້າການສົມທົບກັນຈັດຕັ້ງການເຄື່ອນໄຫວເບິ່ງແຍງດູແລທາງດ້ານວັດຖຸ ແລະ ຈິດໃຈໃຫ້ແກ່ນັກສຶກສາຕ່າງປະເທດລາວ ແລະ ກຳປູເຈຍ.
ນາງ ຟ້າມທິລານແອງ, ຂະແໜງການຢາດ, ມະຫາວິທະຍາໄລ ເຕັກໂນໂລຊີພາກຕາເວັນອອກ (ເມືອງທົ໋ງເຍີດ)ແບ່ງປັນວ່າ, ລາວໂຊກດີເມື່ອ ເປັນໜຶ່ງໃນບັນດານັກສຶກສາທີ່ໄດ້ ເຂົ້າຮ່ວມງານບຸນ ແລະ ໄດ້ຊອກຮູ້ກ່ຽວກັບ ດິນແດນ “ເຂດສົງຄາມ” ຖານທີ່ໝັ້ນ Đ. ຜ່ານການອະທິບາຍຂອງຜູ້ນຳທ່ຽວ, ລາວໄດ້ຮູ້ວ່ານີ້ແມ່ນດິນແດນສັກສິດ, ເປັນບ່ອນນອນຂອງວິລະຊົນນັກຮົບເສຍສະລະຊີວິດເພື່ອຊາດ.
ນາງ ລານແອງ ແບ່ງປັນວ່າ “ຂ້າພະເຈົ້າຮູ້ບຸນຄຸນຕໍ່ບັນພະບຸລຸດທີ່ໄດ້ອຸທິດເລືອດເນື້ອຂອງຕົນ ເພື່ອຍາດເອົາເອກະລາດແຫ່ງຊາດ ແລະນໍາສັນຕິພາບມາໃຫ້ພວກຂ້າພະເຈົ້າ. ລຸ້ນໜຸ່ມຂອງພວກຂ້າພະເຈົ້າຕ້ອງຮັບຮັບຜິດຊອບໜ້າທີ່ປົກປັກຮັກສາ ຜົນງານດັ່ງກ່າວ”.
ຫາກໍ່ຮຽນພາສາຫວຽດນາມ ພຽງ 7 ເດືອນ, ນາງ ແກ້ວຈຳປາ ບຸນມີ, ນັກສຶກສາສາກົນທີ່ຮຽນຢູ່ມະຫາວິທະຍາໄລດົ່ງນາຍ ສາມາດຮັບຟັງ ແລະ ເຂົ້າໃຈເນື້ອໃນອະທິບາຍຢ່າງຈະແຈ້ງ. ນາງ ແກ້ວຈຳປາ ບຸນມີ, ແບ່ງປັນວ່າ: “ຜ່ານການແນະນຳ , ຂ້າພະເຈົ້າສາມາດເຂົ້າໃຈໄດ້ສ່ວນໃດສ່ວນໜຶ່ງກ່ຽວກັບປະຫວັດແຫ່ງການຕໍ່ສູ້ ຂອງ ຊາດຫວຽດນາມ. ເປັນໜ້າເຄົາລົບ, ຫວຽດນາມ ບໍ່ພຽງແຕ່ຕໍ່ສູ້ຍາດເອົາ ເອກະລາດ, ອິດສະຫຼະພາບໃຫ້ປະເທດຂອງຕົນເທົ່ານັ້ນ, ຫາກຍັງຕຊ່ວຍລາວ ໃນການຕໍ່ສູ້ປົດປ່ອຍຊາດ, ສ້າງສາ ແລະ ພັດທະນາ ປະເທດຊາດ”.
ລາວ ແລະຫວຽດນາມ ເປັນສອງປະເທດບ້ານໃກ້ເຮືອນຄຽງ, ມີຊາຍແດນ ຮ່ວມກັນ. ໃນຕະຫຼອດໄລຍະປະຫວັດສາດ, ຫວຽດນາມ ແລະລາວ ຍາມໃດກໍ່ ຄຽງບ່າຄຽງໄຫຼ່, ພ້ອມກັນຕໍ່ສູ້ຕ້ານສັດຕູລວມ, ສະໜັບສະໜູນເຊິ່ງກັນ ແລະ ກັນ ໃນພາລະກິດສ້າງສາ ແລະປົກປັກຮັກສາປະເທດຊາດ. ເພື່ອໃຫ້ລຸ້ນໜຸ່ມຫວຽດນາມ - ລາວ ເຂົ້າໃຈຕື່ມອີກກ່ຽວກັບສາຍພົວພັນມິດຕະພາບທີ່ເປັນມູນເຊື້ອ, ຊື່ສັດບໍລິສຸດ, ສະໜິດຕິດພັນມາແຕ່ດົນນານ, ເຊິ່ງການນຳລຸ້ນຕ່າງໆຂອງສອງພັກ ແລະລັດ ໄດ້ເພີ່ມພູນຄູນຄຸນສ້າງ, ທີ່ວັນບຸນ, ຊາວໜຸ່ມ ຫວຽດນາມ - ລາວ ໄດ້ຮັບຟັງທ່ານ ພອນສີ ບຸນມີໄຊ ຫົວໜ້າກົງສູນແຫ່ງ ສປປ ລາວປະຈຳນະຄອນ ໂຮ່ຈີມິນແບ່ງປັນຫົວຂໍ້ ກ່ຽວກັບ ສາຍພົວພັນມິດຕະພາບ, ຄວາມສາມັກຄີແບບພິເສດ ຫວຽດນາມ - ລາວ ໃນເມື່ອກ່ອນ ແລະໃນປະຈຸບັນ.
ງານພົບປະແລກປ່ຽນ ແລະຄວາມສະໜິດຕິດພັນ
ບໍ່ພຽງແຕ່ໄດ້ມີໂອກາດຊອກຮູ້ຕື່ມກ່ຽວກັບປະຫວັດສາດ ແລະການພົວພັນທີ່ເປັນມູນເຊື້ອອັນດີງາມລະຫວ່າງສອງປະເທດເທົ່ານັ້ນ, ຊາວໜຸ່ມ, ນັກສຶກສາແຂວງ ດົ່ງນາຍ ແລະນັກສຶກສາລາວ ທີ່ເຂົ້າຮ່ວມງານບຸນຍັງມີໂອກາດພົບປະແລກປ່ຽນຜ່ານການລະຫຼິ້ນພື້ນເມືອງ ເພື່ອໃກ້ຊິດສະໜິດ ຕິດພັນກວ່າອີກ .
ນັກສຶກສາລາວນາງ ທອງຈະເລີນ ສຸພາໄທ (ພວມຮຽນພາສາຫວຽດນາມ ຢູ່ມະຫາວິທະຍາໄລດົ່ງນາຍ) ໃຫ້ຮູ້ວ່າລາວໄດ້ມາຫວຽດນາມ ເປັນເວລາກວ່າ 8 ເດືອນແລ້ວ. ນັບແຕ່ເມື່ອມາຮອດແຂວງ ດົ່ງນາຍ, ລາວຮູ້ສຶກໄດ້ຄວາມເປັນມິດສະໜິດສະໜົມຂອງພວກເພື່ອນໜຸ່ມກໍ່ຄືຊາວ ດົ່ງນາຍ. ສິ່ງດັ່ງກ່າວຊ່ວຍໃຫ້ລາວ ເຊື່ອມໂຍງ ແລະກ້າວໜ້າຢ່າງໄວໃນການຮຽນພາສາຫວຽດ.
ທີ່ງານບຸນພົບປະແລກປ່ຽນລະຫວ່າງນັກສຶກສາ, ຊາວໜຸ່ມແຂວງ ດົ່ງນາຍ ແລະ ນັກສຶກສາລາວທີ່ຮ່ຳຮຽນຢູ່ແຂວງ ດົ່ງນາຍ ຄັ້ງນີ້, ນາງບໍ່ພຽງແຕ່ໄດ້ພົບປະແລກປ່ຽນກັບບັນດານັກສຶກສາເທົ່ານັ້ນ ຫາກຍັງໄດ້ແລກປ່ຽນກັບຊາວໜຸ່ມແຂວງ ດົ່ງນາຍ ອີກດ້ວຍ. ຢູ່ທີ່ນີ້, ນາງ ທອງຈະເລີນ ສຸພາໄທ ໄດ້ຮັບແນະນຳວິທີແກວ່ງໝາກຄອນ, ໃຊ້ຜ້າປິດຕາຕີໝູດິນ ຈາກຊາວໜຸ່ມ, ນັກສຶກສາແຂວງ ດົ່ງນາຍ ...
ຄຽງຂ້າງການລະຫຼີ້ນພື້ນເມືອງແລ້ວ, ງານບຸນຍັງມີການເຄື່ອນໄຫວແລກປ່ຽນສິລະປະ. ນີ້ແມ່ນໂອກາດເພື່ອໃຫ້ຊາວໜຸ່ມ, ນັກສຶກສາແຂວງ ດົ່ງນາຍ ແລະນັກສຶກສາລາວຍັງ ຟ້ອນລຳທຳເພງພື້ນເມືອງຂອງປະເທດຕົນ. ທ້າວ ສຸວິງທຽນ, ນັກຮຽນຫ້ອງ 11A3, ໂຮງຮຽນມັດທະຍົມຕອນປາຍ ຈີ້ອານ (ເມືອງ ຫວິ໊ງກືວ), ໃຫ້ຮູ້ວ່າ, ດ້ວຍການພັດທະນາຂອງເຄືອຂ່າຍ ອິນເຕີເນັດ ແລະ ສື່ສັງຄົມຄືໃນປະຈຸບັນ, ການຊອກຮູ້ກ່ຽວກັບ ວັດທະນະທຳ, ຮີດຄອງປະເພນີ ຂອງປະເທດເພື່ອນລາວ ແມ່ນບໍ່ຍາກ, ແຕ່ການພົບປະ ໂດຍກົງ ແລະເບິ່ງນັກຮຽນລາວ ສະແດງວາດຟ້ອນ ພື້ນເມືອງ, ລາວ ຮູ້ສຶກຄືວ່າຈັບອົກຈັບໃຈກວ່າ. ລາວ ຫວັງວ່າຈະມີການພົບປະແລກປ່ຽນລະຫວ່າງຊາວໜຸ່ມ, ນັກສຶກສາແຂວງ ດົ່ງນາຍ ກັບບັນດານັກສຶກສາລາວ, ກຳປູເຈຍ ແລະ ບປະເທດຕ່າງໆຫຼາຍກວ່າອີກ ເພື່ອເພີ່ມທະວີຄວາມເຂົ້າໃຈ ແລະ ສະໜິດຕິດພັນ ກວ່າອີກ.
ບູນມີ
