ໂດຍເຂົ້າຮ່ວມກອງປະຊຸມມີ ລັດຖະມົນຕີປ້ອງກັນປະເທດ, ການນຳກະຊວງປ້ອງກັນປະເທດບັນດາປະເທດ ອາຊຽນ ແລະ ຮອງເລຂາທິການໃຫຍ່ ອາຊຽນ ທ່ານ Dato' Astanah Abdul Aziz. ທ່ານພົນໂທ ຫງວຽນເຕີນເກືອງ, ຫົວໜ້າເສນາທິການໃຫຍ່ກອງທັບປະຊາຊົນ ຫວຽດນາມ, ຮອງລັດຖະມົນຕີກະຊວງປ້ອງກັນປະເທດ ນໍາໜ້າຄະນະຜູ້ແທນຂັ້ນສູງກະຊວງປ້ອງກັນປະເທດ ຫວຽດນາມ ເຂົ້າຮ່ວມກອງປະຊຸມ.
ກ່າວຄຳປາໄສທີ່ກອງປະຊຸມ, ທ່ານພົນເອກ ຈັນສະໝອນ ຈັນຍາລາດ ເນັ້ນໜັກວ່າ ໃນຊຸມປີທີ່ຜ່ານມານີ້, ການຮ່ວມມືໃນຂອບເຂດກອງປະຊຸມລັດຖະມົນຕີກະຊວງປ້ອງກັນປະເທດ ອາຊຽນ (ADMM) ສືບຕໍ່ບັນລຸໄດ້ບັນດາບາດກ້າວທີ່ກ້າວໜ້າ, ກ່ຽວກັບການສ້າງຕັ້ງບັນດາກົນໄກຮ່ວມມືໃໝ່ ແລະ ບັນດາການເຄື່ອນໄຫວອື່ນໆທີ່ກ່ຽວຂ້ອງ; ຢືນຢັນວ່າ ນີ້ແມ່ນສິ່ງພິສູດໃຫ້ຄຳໝັ້ນສັນຍາຂອງບັນດາປະເທດໃນການເພີ່ມທະວີຄວາມໝັ້ນຄົງ, ຄວາມສາມັກຄີ ແລະ ບົດບາດໃຈກາງຂອງ ອາຊຽນ ເພື່ອກໍ່ສ້າງ ອາຊຽນ ເປັນພາກພື້ນສັນຕິພາບ, ສະຖຽນລະພາບ, ຄວາມໝັ້ນຄົງ ແລະ ພັດທະນາຕາມວິໄສທັດ ອາຊຽນ 2025.
ຕາມທ່ານພົນເອກ ຈັນສະໝອນ ຈັນຍາລາດ ແລ້ວ, ເຖິງວ່າແນວນັ້ນກໍ່ຕາມ, ອາຊຽນ ຍັງພວມປະເຊີນໜ້າກັບບັນດາສິ່ງທ້າທາຍ, ຂົ່ມຂູ່ເຖິງດ້ານຄວາມປອດໄພແບບເກົ່າ ແລະ ແບບໃໝ່, ພິເສດແມ່ນໃນສະພາບການການເມືອງດ້ານຄວາມໝັ້ນຄົງພາກພື້ນ ແລະ ໂລກ ສືບຕໍ່ຜັນແປສັບສົນຢ່າງສັບສົນ, ຄາດເດົາໄດ້ຍາກ, ການແກ່ງແຍ້ງລະຫວ່າງບັນດາປະເທດໃຫຍ່ເພີ່ມຂຶ້ນ ເຊິ່ງໄດ້ສົ່ງຜົນສະທ້ອນເຖິງພາກພື້ນ,... ດ້ວຍເຫດນັ້ນ, ກອງປະຊຸມຄັ້ງນີ້ ຈຶ່ງແມ່ນໂອກາດທີ່ດີເພື່ອປຶກສາຫາລືຢ່າງກົງໄປກົງມາກ່ຽວກັບບັນດາບັນຫາທີ່ໄດ້ຍົກອອກ, ໃນນັ້ນ ຖືເປັນສຳຄັນການຮັກສາຄວາມສາມັກຄີ, ເປັນເອກະພາບຂອງ ອາຊຽນ.
ກ່າວຄຳປາໄສທີ່ກອງປະຊຸມ, ທ່ານພົນໂທ ຫງວຽນເຕີນເກືອງ ໄດ້ຕີລາຄາສູງຫົວຂໍ້ທີ່ກະຊວງປ້ອງກັນປະເທດ ລາວ ໄດ້ເລືອກໃຫ້ບັນດາກອງປະຊຸມປ້ອງກັນຊາດ - ການທະຫານ ອາຊຽນ ໃນປີ ອາຊຽນ 2024: “ອາຊຽນ: ຮ່ວມກັນເພື່ອສັນຕິພາບ, ຄວາມໝັ້ນຄົງ ແລະ ສ້າງຄວາມເຂັ້ມແຂງດ້ວຍຕົນເອງ”. ທ່ານພົນໂທ ຫງວຽນເຕີນເກືອງ ເນັ້ນໜັກວ່າ ປີ 2024 ແມ່ນປີບານພັບ ເພື່ອຍົກອອກຍຸດທະສາດໄລຍະຍາວໃຫ້ແກ່ວິໄສທັດຂອງ ອາຊຽນ ພາຍຫຼັງປີ 2025, ເພື່ອໜູນຊ່ວຍ ອາຊຽນ ຮັກສາ ແລະ ຜັນຂະຫຍາຍບັນດາຜົນສຳເລັດ; ປັບປຸງຄວາມສາມັກຄີ, ເຫັນດີເປັນເອກະພາບບົດບາດໃຈກາງ ແລະ ຍົກສູງການສ້າງຄວາມເຂັ້ມແຂງດ້ວຍຕົນເອງຂອງ ອາຊຽນ ດ້ວຍວິໄສທັດ ແລະ ການຄັດເລືອກຍຸດທະສາດລວມ, ນັ້ນແມ່ນການຮ່ວມມື ແລະ ພ້ອມກັນກະທຳເພື່ອສັນຕິພາບ, ສະຖຽນລະພາບ ແລະ ຄວາມໝັ້ນຄົງໃນພາກພື້ນ, ແກ້ໄຂໄພຄວາມສ່ຽງ, ຍົກສູງຄວາມອາດສາມາດດັດປັບຕໍ່ບັນດາການຜັນແປໃໝ່ຂອງສະພາບການສາກົນ ແລະ ພາກພື້ນ.
 |
| ທ່ານພົນໂທ ຫງວຽນເຕີນເກືອງ, ຫົວໜ້າເສນາທິການໃຫຍ່ກອງທັບປະຊາຊົນ ຫວຽດນາມ, ຮອງລັດຖະມົນຕີກະຊວງປ້ອງກັນປະເທດ ຢູ່ກອງປະຊຸມລັດຖະມົນຕີກະຊວງປ້ອງກັນປະເທດ ອາຊຽນ ວົງແຄບ |
ຕາມທ່ານພົນໂທ ຫງວຽນເຕີນເກືອງ ແລ້ວ, ການເປີດກວ້າງການພົວພັນດ້ານປ້ອງກັນຊາດຂອງ ອາຊຽນ ໂດຍຜ່ານການສ້າງຕັ້ງກົນໄກກອງປະຊຸມລັດຖະມົນຕີປ້ອງກັນປະເທດ ອາຊຽນ ເປີດກ້ວາງ (ADMM+) ແລະ ຜັນຂະຫຍາຍກຸ່ມຊ່ຽວຊານ ADMM+ 7 ກຸ່ມ ກໍ່ໄດ້ສະແດງໃຫ້ເຫັນວ່າ ADMM+ ແມ່ນກົນໄກທີ່ມີປະສິດທິຜົນໃນການສ້າງຄວາມເຊື່ອໝັ້ນ, ຊຸກຍູ້ການຮ່ວມມື, ການສົນທະນາລະຫວ່າງ ອາຊຽນ ແລະ ບັນດາປະເທດຄູ່ຮ່ວມມື. ເລື່ອງນັບມື້ນັບມີບັນດາຄູ່ຮ່ວມມືນອກ ADMM+ ຫຼາຍຂຶ້ນ ໄດ້ສະແດງຄວາມປາຖະຫນາທີ່ຢາກຈະເຂົ້າຮ່ວມໃນ ADMM+ ໂດຍຮູບແບບຕ່າງໆ ສ່ວນໃດຫນຶ່ງໄດ້ສ່ອງແສງໃຫ້ເຫັນຜົນສໍາເລັດ ແລະຄວາມເປັນໜ້າສົນໃຈຂອງກົນໄກນີ້.
ທ່ານພົນໂທ ຫງວຽນເຕີນເກືອງ ຖືວ່າ ເພື່ອຍົກສູງບົດບາດໃຈກາງ, ຄຸນຄ່າຍຸດທະສາດຂອງ ອາຊຽນ ເວົ້າລວມ, ສ້າງກຳລັງຜັກດັນຊຸກຍູ້ບັນດາຂະບວນການສົນທະນາ, ສ້າງຄວາມໄວ້ເນື້ອເຊື່ອໃຈເພື່ອສັນຕິພາບ, ຄວາມໝັ້ນຄົງ ແລະ ຄວາມສະຖຽນລະພາບຢູ່ພາກພື້ນ ແລະ ສາກົນ, ບັນດາການເຄື່ອນໄຫວຮ່ວມມືໃນຂອບເຂດ ADMM ແລະ ADMM+ ຕ້ອງເຄົາລົບ ແລະ ຖືຕາມຫຼັກການພື້ນຖານຂອງກົດບັດ ອາຊຽນ ແລະ ລະບຽບການ, ຂະບວນການຂອງອາຊຽນ; ຮັກສາບົດບາດໃຈກາງຂອງ ອາຊຽນ ແລະ ມີການປະກອບສ່ວນທີ່ແທດຈິງ, ມີຄວາມຮັບຜິດຊອບເຂົ້າໃນສັນຕິພາບ, ຄວາມສະຖຽນລະພາບ, ຄວາມໝັ້ນຄົງລວມຂອງພາກພື້ນ.
ນອກຈາກນັ້ນ, ADMM+ ຍັງແມ່ນກົນໄກຮ່ວມມືເປີດ ແລະ ຮັບເອົາ, ສະນັ້ນ, ຫວຽດນາມ ສະໜັບສະໜູນການສືບຕໍ່ຜັນຂະຫຍາຍໂຄງການນັກສັງເກດການບັນດາກຸ່ມຊ່ຽວຊານ ADMM+ ພ້ອມທັງຊົມເຊີຍບັນດາປະເທດລົງທະບຽນເຂົ້າຮ່ວມເພື່ອປະກອບສ່ວນຢ່າງແທດຈິງ, ມີປະສິດທິຜົນ ເພື່ອສັນຕິພາບ, ການຮ່ວມມື ແລະ ພັດທະນາຂອງພາກພື້ນ. ທ່ານພົນໂທ ຫງວຽນເຕີນເກືອງ ກໍ່ເນັ້ນໜັກວ່າ ຕ້ອງຢຶດໝັ້ນ ແລະ ສະເໝີຕົ້ນສະເໝີປາຍຕໍ່ຫຼັກໝັ້ນ, ຫຼັກການຂອງ ອາຊຽນ ກ່ຽວກັບບັນດາບັນຫາສາກົນ, ພາກພື້ນ ທີ່ມີຜົນກະທົບໂດຍກົງຕໍ່ ອາຊຽນ ເພື່ອຮັກສາ ແລະ ເສີມຂະຫຍາຍຄວາມເປັນເອກະພາບ ແລະ ຄວາມສາມັກຄີຂອງ ອາຊຽນ.
ເນື່ອງໃນໂອກາດນີ້, ຕາງໜ້າໃຫ້ກະຊວງປ້ອງກັນປະເທດ ຫວຽດນາມ, ທ່ານພົນໂທ ຫງວຽນເຕີນເກືອງ ໄດ້ໃຫ້ກຽດເຊີນບັນດາການນຳກະຊວງປ້ອງກັນປະເທດ, ການທະຫານ, ວິສາຫະກິດອຸດສາຫະກຳປ້ອງກັນຊາດ ແລະ ກອງທະຫານດົນຕີ (ແກວົງ) ຂອງບັນດາປະເທດ ອາຊຽນ ໄປຢ້ຽມຢາມ ແລະ ເຂົ້າຮ່ວມງານວາງສະແດງປ້ອງກັນຊາດສາກົນ ຫວຽດນາມ ຄັ້ງທີ 2, ງານພົບປະແລກປ່ຽນດຸລິຍາງກອງທັບບັນກອງທັບຂອງບັນດາປະເທດ ອາຊຽນ ຢູ່ ຫວຽດນາມ ເນື່ອງໃນໂອກາດສະເຫຼີມສະຫຼອງ 80 ປີແຫ່ງວັນສ້າງຕັ້ງກອງທັບປະຊາຊົນ ຫວຽດນາມ ໃນທ້າຍປີ 2024.
ຕາມທ່ານພົນໂທ ຫງວຽນເຕີນເກືອງ ແລ້ວ, ງານວາງສະແດງແມ່ນໂອກາດເພື່ອໃຫ້ບັນດາປະເທດພົບພະແລກປ່ຽນ, ແລກປ່ຽນວິຊາສະເພາະ, ຊອກຫາກາລະໂອກາດເຊື່ອມໂຍງ, ຮ່ວມມືໃນຂົງເຂດອຸດສາຫະກຳປ້ອງກັນຊາດ, ພ້ອມກັນແບ່ງປັນບັນດາຜົນປະໂຫຍດ ເພື່ອສ້າງກຳລັງບົ່ມຊ້ອນດ້ານປົກປັກຮັກສາປະເທດຊາດຢ່າງເຂັ້ມແຂງ, ມີຄວາມສາມາດປົກປັກຮັກສາປະເທດຢ່າງພຽງພໍ. ທ່ານພົນໂທ ຫງວຽນເຕີນເກືອງ ເນັ້ນໜັກວ່າ ການເພີ່ມທະວີກຳລັງບົ່ມຊ້ອນດ້ານປ້ອງກັນຊາດບໍ່ໄດ້ໝາຍເຖິງການແຂ່ງຂັນທາງອາວຸດ ແລະ ຫວຽດນາມ ແນ່ນອນວ່າຈະບໍ່ແຂ່ງຂັນທາງອາວຸດ; ຢືນຢັນວ່າ "ຫວຽດນາມ ຍາມໃດກໍ່ວາງແຜນນະໂຍບາຍຢຶດໝັ້ນເດີນຕາມມາດຕະການແກ້ໄຂໂດຍການໂອ້ລົມເຈລະຈາ, ການຕ່າງປະເທດສັນຕິໃນການແກ້ໄຂຄວາມບໍ່ລົງລອຍກັນ, ຕົວຢ່າງຄືໃນບັນຫາທະເລຕາເວັນອອກ, ຫວຽດນາມ ຍາມໃດກໍ່ໃຫ້ຄຳໝັ້ນສັນຍາປະຕິບັດກົດໝາຍສາກົນ, ປະຕິບັດສົນທິສັນຍາຂອງສະຫະປະຊາຊາດກ່ຽວກັບກົດໝາຍວ່າດ້ວຍທະເລປີ 1982 (UNCLOS), ປະຕິບັດຖະແຫຼງການກ່ຽວກັບການປະພຶດຂອງບັນດາຝ່າຍຢູ່ທະເລຕາເວັນອອກ (DOC) ຢ່າງຄົບຖ້ວນ, ຫວັງວ່າຈະໄດ້ຮັບການລົງນາມປະມວນກົດແຫ່ງການປະພຶດຂອງບັນດາຝ່າຍຢູ່ທະເລຕາເວັນອອກ (COC) ໂດຍໄວ, ສະເພາະ, ມີປະສິດທິຜົນ, ມີລັກສະນະຜູກມັດດ້ານນິຕິກຳໃນການແກ້ໄຂບັນຫາທະເລຕາເວັນອອກ”.
ທີ່ກອງປະຊຸມ, ລັດຖະມົນຕີປ້ອງກັນປະເທດ, ການນຳກະຊວງປ້ອງກັນປະເທດບັນດາປະເທດ ອາຊຽນ ໄດ້ປຶກສາຫາລືທັດສະນະກ່ຽວກັບສະພາບແວດລ້ອມຄວາມໝັ້ນຄົງສາກົນ ແລະ ພາກພື້ນ. ບັນດາຫົວໜ້າຄະນະຜູ້ແທນທັງໝົດຢືນຢັນວ່າ ອາຊຽນ ຕ້ອງສາມັກຄີ, ຮັກສາບົດບາດໃຈກາງ ແລະ ນຳພາຂອງບັນດາກົນໄກຮ່ວມມືພາກພື້ນ ເພື່ອຮັບມືກັບບັນດາສິ່ງທ້າທາຍດ້ານຄວາມປອດໄພແບບເກົ່າ ແລະ ແບບໃໝ່ທີ່ພວມພົ້ນຂຶ້ນຢ່າງທັນການເຊັ່ນ ການປະທະກັນດ້ວຍກຳລັງອາວຸດ, ການແກ່ງແຍ້ງລະຫວ່າງບັນດາປະເທດໃຫຍ່, ຄວາມໝັ້ນຄົງທາງອິນເຕີແນັດ, ໄພທຳມະຊາດ, ພະຍາດລະບາດ, ການປ່ຽນແປງຂອງດິນຟ້າອາກາດ...
ບັນດາຫົວໜ້າຄະນະໄດ້ຮັບຮູ້ຄວາມສຳຄັນຂອງ ADMM ແລະ ADMM+ ແມ່ນກົນໄກຫຼັກແຫຼ່ງໃນໂຄງປະກອບຄວາມໝັ້ນຄົງຂອງພາກພື້ນ, ສ້າງເງື່ອນໄຂສະດວກໃຫ້ແກ່ການໂອ້ລົມເຈລະຈາຍຸດທະສາດ ແລະ ການຮ່ວມມືຢ່າງແທ້ຈິງໃນຂອດວຽກງານປ້ອງກັນຊາດ ໂດຍມີ ອາຊຽນ ເປັນໃຈກາງ. ກອງປະຊຸມ ໄດ້ຊົມເຊີຍຄວາມຄືບໜ້າຂອງການຮ່ວມມືຕົວຈິງໃນຂອບເຂດ ADMM ແລະ ADMM+ ທີ່ໄດ້ຊຸກຍູ້ບໍ່ພຽງແຕ່ຄວາມໄວ້ເນື້ອເຊື່ອໃຈເຊິ່ງກັນ ແລະ ກັນເທົ່ານັ້ນ, ຫາກຍັງສ້າງກຳລັງຄວາມສາມາດ, ການກະທົບຊຶ່ງກັນແລະກັນລະຫວ່າງບັນດາປະເທດສະມາຊິກ ອາຊຽນ ແລະ ບັນດາປະເທດຄູ່ຮ່ວມມືໃນການຕຮັບມືກັບບັນດາສິ່ງທ້າທາຍດ້ານຄວາມໝັ້ນຄົງລວມ, ປະກອບສ່ວນເຂົ້າໃນສັນຕິພາບ, ຄວາມປອດໄພ ແລະ ການສ້າງຄວາມເຂັ້ມແຂງດ້ວຍຕົນເອງຂອງພາກພື້ນ.
ກອງປະຊຸມ ສືບຕໍ່ໃຫ້ຄຳໝັ້ນສັນຍາຮັກສາບົດບາດຂອງ ADMM ແລະ ADMM+ ດ້ວຍຖານະເປັນກົນໄກຮ່ວມມືດ້ານປ້ອງກັນຊາດ ແລະ ການທະຫານຂັ້ນລັດຖະມົນຕີສູງສຸດຂອງບັນດາປະເທດສະມາຊິກ ອາຊຽນ ແລະ ບັນດາປະເທດຄູ່ຮ່ວມມື; ຮັບຮູ້ຄວາມສົນໃຈຂອງເພື່ອນມິດ ແລະ ຄູ່ຮ່ວມມືໂອ້ລົມເຈລະຈາຂອງ ອາຊຽນ ທີ່ໄດ້ປະກອບສ່ວນເຂົ້າໃນຄວາມໝັ້ນຄົງ ແລະ ສະຖຽນລະພາບຂອງພາກພື້ນ; ເພີ່ມທະວີການຮ່ວມມືດ້ານປ້ອງກັນຊາດ ແລະ ການທະຫານ ໂດຍຜ່ານກົນໄກ ທີ່ມີຢູ່ແລ້ວຂອງ ADMM ແລະ ADMM+ ກ່ວາອີກ ເພື່ອຍົກສູງກຳລັງຄວາມສາມາດ, ການສ້າງຄວາມເຂັ້ມແຂງດ້ວຍຕົນເອງ ແລະ ການກະທົບລະຫວ່າງບັນດາປະເທດສະມາຊິກ; ການກະທຳມຸງໄປເຖິງການຫັນວິໄສທັດປະຊາຄົມ ອາຊຽນ 2045 ໃຫ້ປະກົດຜົນເປັນຈິງ, ລວມມີ ການຮັບຮອງເອົາປະກອບສ່ວນຕື່ມອີກຂອງຂອດວຽກງານປ້ອງກັນຊາດໃນການຊຸກຍູ້ສັນຕິພາບ, ສະຖຽນລະພາບ ແລະ ຄວາມໝັ້ນຄົງຂອງພາກພື້ນ.
ກອງປະຊຸມ ADMM ວົງແຄບ ໄດ້ຮັບຮອງເອົາຖະແຫຼງລວມບັນຫາສະເພາະຂອງລັດຖະມົນຕີປ້ອງກັນປະເທດບັນດາປະເທດ ອາຊຽນ ກ່ຽວກັບຜົນງານຂອງ ADMM ໃນການຜັນຂະຫຍາຍແຜນການສັງລວມປະຊາຄົມການເມືອງ - ຄວາມໝັ້ນຄົງ ອາຊຽນ 2025.
ມິງດຶກ
