| ຫວຽດນາມ ນອນໃນ top ບັນດາປະເທດດີທີ່ສຸດເພື່ອໄປທ່ຽວ ຢູ່ພາກພື້ນ ອາຊີຕາເວັນອອກສ່ຽງໃຕ້ | |
| ຫວຽດນາມ ນອນໃນ Top ບັນດາປະເທດພັດທະນາພະລັງງານສະອາດ |
ການສຳຫຼວດຂອງ CBRE ໄດ້ປະຕິບັດໃນ 2 ເດືອນສຸດທ້າຍຂອງປີ 2023. ການສໍາຫຼວດຄັ້ງນີ້ ໄດ້ສອບຖາມກ່ຽວກັບຈຸດປະສົງ ແລະ ແຜນການຂອງນັກລົງທຶນໃນພາກພື້ນ ອາຊີ - ປາຊີຟິກ ໃນປີ 2024. ໝາກຜົນ ໃຫ້ເຫັນວ່າ ຫວຽດນາມ ຢືນອັນດັບທີ 2 ໃນບັນດາທ້ອງຕະຫຼາດທີ່ພົ້ນເດັ່ນໃໝ່ທີ່ໄດ້ບູລິມະສິດລົງທຶນ, ເຊິ່ງໄດ້ຈັດອັນດັບຢູ່ຖັດຈາກອິນເດຍ ເທົ່ານັ້ນ. ອັນດັບ 3 ແມ່ນໄທ.
ຕາມ CBRE ແລ້ວ, 2 ພາກສ່ວນທີ່ດຶງດູດນັກລົງທຶນຕ່າງປະເທດເຂົ້າມາຫວຽດນາມ ແມ່ນອະສັງຫາລິມະຊັບອຸດສາຫະກຳ ແລະ ຫ້ອງການ. ການເຄື່ອນໄຫວການຄ້າທີ່ພັດທະນາຢູ່ ຫວຽດນາມ ໄດ້ຊຸກຍູ້ຄວາມຕ້ອງການໃນການຄຸ້ມຄອງບັນດາລະບົບສະໜອງ ແລະ ພະລາທິການ. ບັນດານັກລົງທຶນ ໄດ້ຮັບຮູ້ຄວາມສາມາດບົ່ມຊ້ອນຈາກບັນດາກຳລັງຜັກດັນເຫຼົ່ານີ້ ດັ່ງນັ້ນ ພວກເຂົາກໍ່ມີຄວາມສົນໃຈຫຼາຍໃນອະສັງຫາລິມະຊັບອຸດສາຫະກໍາ.
 |
| ອະສັງຫາລິມະຊັບຢູ່ເຂດຕາເວັນອອກລຽບຕາມເສັ້ນທາງຫຼວງ ຮ່າໂນ້ຍ, ນະຄອນ ຖູດຶກ |
ນອກຈາກນັ້ນ, ເຈົ້າຂອງລົງທຶນ ແລະ ນັກລົງທຶນຕ່າງປະເທດ ກໍ່ມີຄວາມສົນໃຈຫຼາຍກ່ຽວກັບທີ່ດິນສໍາລັບໂຄງການພັດທະນາທີ່ຢູ່ອາໄສ. ນັກລົງທຶນຈໍານວນຫຼາຍ ໄດ້ຊອກຫາຊັບສິນຫຼຸດລາຄາ ຫຼື ຜູ້ຖືກຳມະສິດພວມປະເຊີນກັບຄວາມຫຍຸ້ງຍາກທາງດ້ານກົດຫມາຍ ແລະ ທຶນ. ທ່າອ່ຽງນີ້ ສະແດງໃຫ້ເຫັນຄວາມຟື້ນຟູ ແລະ ຄວາມດຶງດູດຂອງພາກສ່ວນທີ່ຢູ່ອາໄສຢູ່ ຫວຽດນາມ.
ທ່ານ ຫງວຽນຟ້າມແອງຢຸຍ, ຜູ້ອຳນວຍການພາກສ່ວນທີ່ປຶກສາການລົງທຶນ, CBRE ຫວຽດນາມ ໃຫ້ຮູ້ວ່າ ນັກລົງທຶນຕ່າງປະເທດມີວິໄສທັດຍາວນານກ່ຽວກັບກຳລັງບົ່ມຊ້ອນຂອງພື້ນຖານເສດຖະກິດ ຫວຽດນາມ. ພວກເຂົາເຈົ້າກຽມພ້ອມທີ່ຈະລົງທຶນທຶນເພື່ອໄດ້ຮັບຜົນປະໂຫຍດໃນທັນທີໃນຮອບງຽນການປັບລາຄາທີ່ຜ່ານມາ.
ທ່ານ ຢຸຍ ເວົ້າວ່າ "ສິ່ງນີ້ແມ່ນຖືກຕ້ອງພິເສດກັບການຜັນແປທີ່ສັບສົນໃນປະຈຸບັນ. ຝ່າຍຊື້ໄດ້ຮັບຜົນປະໂຫຍດຈາກຝ່າຍຂາຍ ເຊິ່ງແມ່ນນັກລົງທຶນທີ່ຕ້ອງຖອນທຶນຫຼັງຈາກທີ່ຖືຊັບສິນເປັນເວລາຍາວ".
ການສໍາຫຼວດ ຍັງສະແດງໃຫ້ເຫັນວ່າ ບັນດານັກລົງທຶນຢູ່ ອາຊີ - ປາຊີຟິກ ມັກຊອກຫາເປົ້າຫມາຍກຳໄລສອງຕົວເລກ. ພວກເຂົາກໍາລັງປ່ຽນຍຸດທະສາດບູລິມະສິດເປັນຊັບສິນທີ່ສາມາດເພີ່ມມູນຄ່າ ຫຼື ຊັບສິນທີ່ມີບັນຫາກ່ຽວກັບທຶນ, ບັງຄັບຕ້ອງຫຼຸດລົງລາຄາ.
ຕາມນັ້ນແລ້ວ, ຫຼາຍກວ່າ 60% ຂອງນັກລົງທຶນຕ່າງປະເທດມີແຜນການທີ່ຈະຍົກລະດັບບັນດາອາຄານທີ່ມີທີ່ຕັ້ງດີໃນສາລະບານການລົງທຶນຂອງເຂົາເຈົ້າຕາມມາດຕະຖານ ESG (ສິ່ງແວດລ້ອມ - ສັງຄົມ ແລະ ການຄຸ້ມຄອງວິສາຫະກິດ) ໃນປີ 2024. ສ່ວນໃຫຍ່ໃນຈຳນວນນັ້ນແມ່ນກອງທຶນເອກະຊົນ, ກອງທຶນອະສັງຫາລິມະສັບ (REITs). ນີ້ກໍ່ແມ່ນທ່າອ່ຽງເພື່ອດຳເນີນຍຸດທະສາດເພີ່ມມູນຄ່າຊັບສິນ.
ແຕ່ແນວໃດກໍ່ຕາມ, CBRE ໃຫ້ຂໍ້ສັງເກດວ່າ ທ້ອງຕະຫຼາດອະສັງຫາລິມະຊັບຂອງຫວຽດນາມ ມີຈຸດລັກສະນະສະເພາະແມ່ນການສະໜອງທີ່ຫາຍາກ ແລະ ຊັບສິນທີ່ສ້າງກະແສເງິນສົດດີແມ່ນບໍ່ຄ່ອຍໄດ້ສະເໜີຂາຍແບບເປີດເຜີຍ. ຄວາມຜິດດ່ຽງກ່ຽວກັບຄວາມຄາດຫວັງຂອງລາຄາລະຫວ່າງຜູ້ຊື້ ແລະ ຜູ້ຂາຍຍັງເປັນອຸປະສັກທີ່ໃຫຍ່ໃນບັນດາການຊື້ຂາຍ.
ໂດຍທົ່ວໄປແລ້ວ, CBRE ໄດ້ຕີລາຄ່າຄວາມຕ້ອງການຊື້ໂຄງການອະສັງຫາລິມະຊັບໃນພາກພື້ນ ອາຊີ - ປາຊີຟິກ ຍັງອ່ອນ, ໃນຂະນະທີ່ຄວາມຕ້ອງການຂາຍໂຄງການຍັງສູງ. ນັກລົງທຶນຢູ່ທ້ອງຕະຫລາດສ່ວນໃຫຍ່, ໂດຍສະເພາະແມ່ນ ຍີ່ປຸ່ນ, ຈະສືບຕໍ່ຮັກສາການລໍຖ້າ ແລະ ສັງເກດໃນເຄິ່ງທໍາອິດຂອງປີ 2024.
ມິງດຶກ
