| ຄົນງານຕ່າງປະເທດໄດ້ຮັບການຈ່າຍເງິນເດືອນ“ມະຫາສານ” ຢູ່ຫວຽດນາມ | |
| ຄະນະກິລາຫວຽດນາມ ໄດ້ມີລາຍຊື່ຄົນເຂົ້າຮ່ວມ SEA Games 31 ດ້ວຍຊະມາຊິກ 1.341 ຄົນ |
ຂໍ້ມູນດັ່ງກ່າວມີຢູ່ໃນບົດລາຍງານສະບັບຫຼ້າສຸດ ທີ່ ອົງການ Ember ຫາກໍ່ປະກາດ. ນີ້ແມ່ນອົງການຄົ້ນຄ້ວາແບບເອກະລາດ, ບໍ່ຫວັງຜົນກຳໄລຢູ່ ອັງກິດ ດ້ວຍເປົ້າໝາຍຢາກຊຸກຍູ້ໂລກຫັນປ່ຽນຈາກພະລັງງານຖ່ານຫີນໄປເປັນພະລັງງານສະອາດ.
 |
| ພາບປະກອບ |
ຕາມອົງການ Ember ແລ້ວ, ຫວຽດນາມ ມີການພັດທະນາຢ່າງກະໂດດຂັ້ນກ່ຽວກັບການພັດທະນາໄຟຟ້າແສງຕາເວັນ ແລະ ໄຟຟ້າແຮງລົມ. ຫວຽດນາມ ພ້ອມກັບ ໂຮນລັງ ແລະ ອົດສະຕາລີ ແມ່ນ 3 ປະເທດ ທີ່ມີການຫັນປ່ຽນກ່ວາ 8% ຍອດຄວາມຕ້ອງການໄຟຟ້າຈາກແຫຼ່ງຝອດຊິວ ໄປເປັນໄຟຟ້າແຮງລົມ ແລະ ແສງຕາເວັນພາຍໃນເວລາພຽງແຕ່ 2 ປີຜ່ານມາ.
ໃນປີ 2021, ປະລິມານໄຟຟ້າແສງຕາເວັນຢູ່ ຫວຽດນາມ ເພີ່ມຂຶ້ນ 337%, ປະມານ 17 TWH ເຊິ່ງນຳຫວຽດນາມ ກາຍເປັນປະເທດຜະລິດໄຟຟ້າແສງຕາເວັນໃຫຍ່ອັນດັບທີ 10 ໃນທົ່ວໂລກ ແລະ ແມ່ນປະເທດໜຶ່ງດຽວຢູ່ອາຊີ ທີ່ມີປະລິມານໄຟຟ້າຜະລິດຈາກແສງຕາເວັນ ລື່ນກາຍຄວາມຕ້ອງການໄຟຟ້າເພີ່ມຂຶ້ນໃນປີ 2021. ຮອດທ້າຍປີ 2021, ຍອດປະລິມານໄຟຟ້າ ທີ່ຫວຽດນາມ ຜະລິດຈາກແຮງລົມ ແລະ ແສງຕາເວັນໄດ້ເພີ່ມຂຶ້ນທົບ 4 ເທົ່າເມື່ອທຽບໃສ່ປີ 2019.
ສ່ວນເວັບໄຊ Nikkei Assia ໄດ້ເນັ້ນໜັກເຖິງການພັດທະນາທີ່ເປັນໜ້າປະທັບໃຈຂອງ ຫວຽດນາມ ກ່ຽວກັບໄຟຟ້າແຮງລົມ ດ້ວຍຫົວຂໍ້: ໄຟຟ້າແຮງລົມນອກຝັ່ງທະເລຂອງ ຫວຽດນາມ ມີສະມັດຕະພາບ ບັນລຸລະດັບສະຖິຕິ.
ໄຊພອນ
