| ເວທີປາໄສການຄ້າເອເລັກໂຕນິກ ແລະ ເສດຖະກິດດິຈິຕອນສຳລັບຂະແໜງການອຸດສາຫະກຳ ແລະ ການຄ້າໃນປີ 2023 | |
| ນະຄອນຮ່າໂນ້ຍ ແລະ ນະຄອນໂຮ່ຈີມິນ ຢູ່ໃນ 100 ນະຄອນແຖວໜ້າຂອງໂລກ 2023 |
ການແຂງຂັນຮູບຖ່າຍ ແລະ ວີດີໂອ “ຫວຽດນາມ ຄວາມສຸກ - Happy Vietnam ປີ 2023” ໄດ້ຈັດຂື້ນໂດຍກະຊວງຖະແຫລງຂ່າວ ແລະ ສື່ສານ ເປັນຄັ້ງທຳອິດ ຕາມຮູບແບບອອນລາຍ, ຜ່ານພື້ນຖານສື່ມວນຊົນຮູບພາບ ຫວຽດນາມ (https://vietnam.VN).
ການແຂງຂັນສ້າງໂອກາດໃຫ້ປະຊາຊົນໃນທົ່ວປະເທດ, ຊ່າວ ຫວຽດນາມ ຢູ່ຕ່າງປະເທດ ແລະ ເພື່ອນມິດສາກົນທີ່ສະແດງຄວາມຮັກແພງບ້ານເກີດເມືອງນອນ, ປະເທດຊາດ ແລະຄວາມຈິງໃຈຂອງຕົນໃນການປະດິດແຕ່ງຮູບ ແລະ ວິດີໂອ ເພື່ອສື່ມວນຊົນຮູບພາບປະເທດຊາດ, ປະຊາຊົນ ຫວຽດນາມ ອອກສູ່ໂລກ, ປຸກລະດົມຄວາມປາດຖະໜາຢາກພັດທະນາປະເທດຊາດໃຫ້ນັບມື້ນັບມີຄວາມຈະເລີນຮຸ່ງເຮືອງ, ຄວາມສຸກ; ເສີມຂະຫຍາຍຄຸນຄ່າວັດທະນະທຳ, ກໍາລັງແຮງຂອງຊາວຫວຽດນາມ ໃນຍຸກສະໄໝໃໝ່.
 |
| ບົດນິພົນຮູບ ແລະ ວິດີໂອ 7.000 ກວ່າແຜ່ນເຂົ້າຮ່ວມການແຂງຂັນ “ຫວຽດນາມ ຄວາມສຸກ - Happy Vietnam ປີ 2023” |
ໄດ້ເລີ່ມດຳເນີນແຕ່ເດືອນມິຖຸນາຫາເດືອນຕຸລາປີ 2023, ມາຮອດປະຈຸບັນ, ການແຂງຂັນ ໄດ້ດຶງດູດຜົນງານຮູບພາບ ແລະ ວິດີໂອ 7.000 ກວ່າແຜ່ນຈາກນັກປະພັນພາຍໃນ ແລະ ສາກົນ. ຈາກນັ້ນ ຄະນະຈັດຕັ້ງໄດ້ຄັດເລືອກເກືອບ 30 ຜົນງານເປັນສັນຍະລັກ, ດີເລີດທີ່ສຸດເພື່ອມອບລາງວັນ ແລະ 70 ຜົນງານຮູບພາບ ແລະ 14 ຜົນງານວິດີໂອເພື່ອນຳມາວາງສະແດງຢູ່ງານວາງສະແດງ. ແຕ່ລະຜົນງານ ແມ່ນເປັນເລື່ອງທີ່ຫນ້າສົນໃຈ, ຄວາມຊົງຈໍາທີ່ສວຍງາມ, ເຕັມໄປດ້ວຍຄວາມສຸກ, ຫຼືຍັງສາມາດເປັນທັດສະນະຂອງການປະຕິບັດໃນຊີວິດທີ່ຍັງມີຄວາມຫຍຸ້ງຍາກ, ລຳບາກລຳບົນແຕ່ສະເຫມີເຕັມໄປດ້ວຍຮອຍຍິ້ມ ແລະ ຄວາມສຸກ.
ການແຂງຂັນ ມີມູນຄ່າເງິນລາງວັນລວມກວ່າ 400 ລ້ານດົ່ງ. ບັນດານັກປະພັນທີ່ມີຜົນງານດີເດັ່ນທີ່ມີໂອກາດໄດ້ຮັບລາງວັນ, ໃນນັ້ນມີ: ລາງວັນລາງວັນທໍາອິດ 02 ລາງວັນມູນຄ່າ 100.000.000 ດົ່ງ/ລາງວັນ, ລາງວັນທີສອງ 02 ລາງວັນມູນຄ່າ 30.000.000 ດົ່ງ/ລາງວັນ, ລາງວັນທີສາມ 02 ລາງວັນມູນຄ່າ 20.000.000 ດົ່ງ/ລາງວັນ. ຄະນະຈັດຕັ້ງມີແຜນຈະມອບລາງວັນຊົມເຊີຍ 20 ລາງວັນ ແລະ ລາງວັນອື່ນໆ.
ມິງດຶກ
