| ທ່ານ ຫງວຽນດັກວິງ ດຳລົງຕຳແໜ່ງປະທານສະມາຄົມມິດຕະພາບ ຫວຽດນາມ - ລາວ ອາຍຸການ 2023-2028. | |
| ປະທານສະມາຄົມມິດຕະພາບລາວ - ຫວຽດນາມ ອວຍພອນວັນຊາດຫວຽດນາມ |
ວັນທີ 25 ພະຈິກນີ້, ທ່ານ ປອ ນາງ ຟ້າມລານຢຸງ - ຮັກສາການຜູ້ອໍານວຍການສະຖາບັນພົວພັນຕ່າງປະເທດ ໄດ້ຮັບການເລືອກໃຫ້ດຳລົງຕຳແໜ່ງເປັນປະທານສະມາຄົມກົດໝາຍສາກົນອາຊີ (AsianSIL).
 |
ທ່ານ ປອ ນາງ ຟ້າມລານຢຸງ - ຮັກສາການຜູ້ອໍານວຍການສະຖາບັນພົວພັນຕ່າງປະເທດ ໄດ້ຮັບເລືອກເປັນປະທານຄົນທີ່ແປດຂອງສະມາຄົມກົດໝາຍສາກົນ ອາຊີ (AsianSIL). |
ໃນຖານະຕໍາແໜ່ງໃໝ່ ທ່ານ ປອ ນາງ ຟ້າມລານຢຸງ ໄດ້ມີສານຂ່ຳນັບຮັບຕ້ອນຄັ້ງທຳອິດພາຍຫຼັງເຂົ້າຮັບຕຳແໜ່ງ.
ໂດຍປາດຖະໜາຢາກປົກປັກຮັກສາ ແລະ ພັດທະນາລະບົບກົດໝາຍສາກົນ, ໃນໄລຍະຈະມາເຖິງ, ທ່ານ ປອ ນາງ ຟ້າມລານຢຸງ ໄດ້ຮຽກຮ້ອງ ແລະ ປາດຖະໜາວ່າ ບັນດານັກສຶກສາໃນພາກພື້ນ ແລະ ໃນທົ່ວໂລກ ຈະພ້ອມກັນຍົກສູງຄວາມຮັບຮູ້ ແລະ ຊຸກຍູ້ຄວາມຈິດໃຈເຄົາລົບກົດໝາຍສາກົນ ຜ່ານບັນດາການເຄື່ອນໄຫວທີ່ແທດຈິງ ແລະ ມີຄວາມໝາຍ.
ຂ້າງລຸ່ມນີ້ແມ່ນສານສະແດງຄວາມຂ່ຳນັບຮັບຕ້ອນຂອງທ່ານ ປອ ນາງ ຟ້າມລານຢຸງ ທີ່ໄດ້ເປັນປະທານສະມາຄົມກົດໝາຍສາກົນອາຊີ (AsianSIL):
“ຍິນດີຕ້ອນຮັບທຸກທ່ານເຂົ້າສູ່ແວບໄຊເປັນທາງການ ຂອງສະມາຄົມກົດໝາຍສາກົນອາຊີ (AsianSIL).
ຂ້າພະເຈົ້າຮູ້ສຶກເປັນກຽດທີ່ໄດ້ຮັບເລືອກຕັ້ງເປັນປະທານຄົນທີ່ແປດຂອງ AsianSIL. ຂ້າພະເຈົ້າຂໍຂອບໃຈຢ່າງເລິກເຊິ່ງ ແລະ ຈິງໃຈຕໍ່ຄວາມພະຍາຍາມຂອງຜູ້ທີ່ເລືອກເອົາຂ້າພະເຈົ້າ ເຊິ່ງໄດ້ຊຸກຍູ້ວິໄສທັດ ແລະ ພາລະກຳຂອງ AsianSIL ຕັ້ງແຕ່ປີ 2007 ຈົນເຖິງປັດຈຸບັນ.
ໂລກພວມມີການປ່ຽນແປງຢ່າງແຮງໃນທຸກດ້ານ, ບົນບັນດາແງ່ມຸມຈາກຍຸດທະສາດ, ເສດຖະກິດ, ສັງຄົມເຖິງດ້ານເຕັກໂນໂລຊີ. ພາກພື້ນຂອງພວກເຮົາກໍ່ເຊັ່ນກັນ.
ສະນັ້ນ, ບົດບາດຂອງກົດໝາຍສາກົນໃນການຊຸກຍູ້ສັນຕິພາບ ແລະ ຄວາມຈະເລີນຮຸ່ງເຮືອງຂອງໂລກ ກໍ່ຄືການກຳນົດການປະພຶດຂອງຝ່າຍຕ່າງໆ ແລະ ການສ້າງຄວາມເປັນລະບຽບຮຽບຮ້ອຍຂອງໂລກທີ່ໝັ້ນຄົງ ມີຜົນປະໂຫຍດໃຫ້ແກ່ການເຕີບໂຕ ແລະ ການພັດທະນານັບທີ່ມື້ນັບມີຄວາມສຳຄັນຍິ່ງ.
ພວກເຮົາໂຊກດີທີ່ໄດ້ອາໄສຢູ່ໃນພາກພື້ນທີ່ມີການຂະຫຍາຍຕົວຂະຫຍັນຂັນເຄື່ອນທີ່ສຸດໃນໂລກ ກໍແຕ່ມີຄວາມສັບສົນຫຼາຍພໍກັນ.
ເພື່ອກຳໄດ້ກາລະໂອກາດຈາກຄວາມເຕີບໂຕເສດຖະກິດຢ່າງແຮງ ແລະ ຄວາມກ້າວໜ້າດ້ານເຕັກໂນໂລຊີຢ່າງວ່ອງໄວ ໃນເມື່ອສາມາດຄວບຄຸມການກວດກາບັນດາສິ່ງທ້າທາຍດ້ານພູມສາດຍຸດທະສາດໄດ້, ພວກເຮົາຕ້ອງມານະພະຍາຍາມຫຼາຍກວ່າອີກ ເພຶ່ອຮັກສາຄວາມເປັນລະບຽບຮຽບຮ້ອຍຂອງພາກພື້ນອີງຕາມກົດໝາຍສາກົນ ເພື່ອຮັບປະກັນສະພາບແວດລ້ອມທີ່ສະຫງົບ ແລະ ໝັ້ນຄົງ.
ດ້ວຍການຮ່ວມແຮງຮ່ວມໃຈຍົກສູງກົດໝາຍສາກົນ, ພວກເຮົາສາມາດຮັກສາຄວາມເປັນລະບຽບຮຽບຮ້ອຍໃນສະພາບທີ່ສັບສົນ ແລະ ເພີ່ມທະວີການຮ່ວມມືຮັບມືກັບບັນດາເຫດຮ້າຍ.
ມິງດຶກ
