| ເປີດຊຸດຝຶກອົບຮົມວຽກງານແມ່ຍິງໃຫ້ພະນັກງານຍິງ ກອງທັບປະຊາຊົນລາວ | |
| ສະຫະພັນແມ່ຍິງແຂວງ ອານຢາງ “ໄປຄຽງຄູ່ກັບແມ່ຍິງຊາຍແດນ” |
ກ່າວຄຳເຫັນທີ່ກອງປະຊຸມ, ທ່ານຮອງລັດຖະມົນຕີກະຊວງການຕ່າງປະເທດ ໂດຫູ່ງຫວຽດ ຢືນຢັນຄວາມສຳຄັນຂອງແມ່ຍິງໃນສັງຄົມ. ການເສີມສ້າງບົດບາດຂອງແມ່ຍິງແມ່ນຕິດພັນກັບການພັດທະນາ ແລະ ຄວາມກ້າວໜ້າຂອງສັງຄົມມະນຸດ. ພຽງແຕ່ເມື່ອແມ່ຍິງໄດ້ຮັບອຳນາດ, ສະເໝີພາບ, ພຽງແຕ່ເມື່ອສຽງເວົ້າ ແລະ ປະສົບການຂອງແມ່ຍິງໄດ້ຮັບຄຸນຄ່າ ແລະ ເສີມຂະຫຍາຍ, ວິທີແກ້ໄຂຈະມີຄວາມສົມບູນແບບ, ຍືນຍົງ ແລະ ຍາວນານ.
ວາລະຂອງສະພາຄວາມໝັ້ນຄົງສະຫະປະຊາຊາດກ່ຽວກັບແມ່ຍິງ, ສັນຕິພາບ ແລະ ຄວາມໝັ້ນຄົງ ໄດ້ສ້າງຕັ້ງໃນປີ 2000 ແມ່ນພື້ນຖານເພື່ອເຕົ້າໂຮມແຫຼ່ງກຳລັງ, ການຈັດຕັ້ງການເຄື່ອນໄຫວ, ໜູນຊ່ວຍແມ່ຍິງໃນສະພາບການຂັດແຍ້ງວິກິດ, ດ້ວຍວິທີນີ້ຊ່ວຍໃຫ້ເຂົາເຈົ້າປົກປັກຮັກສາສິດຂອງຕົນໄດ້ດີກວ່າເກົ່າ ແລະ ເສີມຂະຫຍາຍບົດບາດຂອງຕົນຢ່າງມີປະສິດທິຜົນ ໃນສັງຄົມ.
 |
ຫວຽດນາມ ຖືເປັນສຳຄັນການຊຸກຍູ້ບົດບາດຂອງແມ່ຍິງ |
ພັກ ແລະ ລັດ ຫວຽດນາມ ຖືເປັນສຳຄັນການເສີມຂະຫຍາຍບົດບາດຂອງແມ່ຍິງໃນການຮັກສາສັນຕິພາບ ແລະ ຄວາມໝັ້ນຄົງສາກົນ. ຫວຽດນາມ ໄດ້ເປັນຂີດໝາຍສຳຄັນໃນການເປັນປະທານຂອງສະພາຄວາມໝັ້ນຄົງໄດ້ຮັບຮອງເອົາມະຕິ 1889 (2009) ກ່ຽວກັບບົດບາດຂອງແມ່ຍິງ ແລະ ເດັກຍິງໃນສະພາບການພາຍຫຼັງການປະທະກັນ. ປະຈຸບັນ, ຫວຽດນາມ ກໍ່ແມ່ນປະເທດທີ່ມີອັດຕາທະຫານຍິງເຂົ້າຮ່ວມການເຄື່ອນໄຫວຮັກສາສັນຕິພາບຂອງສະຫະປະຊາຊາດສູງ, ບັນລຸ 16%, ສູງກວ່າສະເລ່ຍຂອງສະຫະປະຊາຊາດ 4%.
ໃນປີ 2020, ຫວຽດນາມ ໄດ້ຮັບຮອງເອົາຄຳໝັ້ນສັນຍາດຳເນີນງານຮ່າໂນ້ຍ ດ້ວຍ 75 ປະເທດຮ່ວມມື, ຮຽກຮ້ອງໃຫ້ບັນດາປະເທດສ້າງໂຄງການດຳເນີນງານແຫ່ງຊາດກ່ຽວກັບແມ່ຍິງ, ສັນຕິພາບ, ຄວາມໝັ້ນຄົງ. ສິ່ງດັ່ງກ່າວຢືນຢັນຄືນໃໝ່ຄຳໝັ້ນສັນຍາຢ່າງແຮງຂອງຫວຽດນາມ ໃນບັນດາຄວາມມານະພະຍາຍາມຮ່ວມກັບປະຊາຄົມໂລກເພື່ອແນໃສ່ຊຸກຍູ້ວາລະນີ້.
ກ່າວຄຳເຫັນທີ່ກອງປະຊຸມ, ທ່ານນາງ Caroline Nyamayemombe, ຫົວໜ້າຜູ້ຕາງໜ້າບັນດາອົງການແມ່ຍິງ ສປຊ ປະຈຳ ຫວຽດນາມ ໄດ້ຕີລາຄາສູງເລື່ອງ ຫວຽດນາມ ກໍ່ສ້າງໂຄງການເຄື່ອນໄຫວແຫ່ງຊາດກ່ຽວກັບແມ່ຍິງ, ສັນຕິພາບ, ຄວາມໝັ້ນຄົງ. ນາງກ່າວວ່າ, ໂຄງການໄດ້ຮັບຮູ້ບົດບາດສຳຄັນຂອງແມ່ຍິງຫວຽດນາມໃນການສ້າງສັນຕິພາບ ແລະ ການພັດທະນາແບບຍືນຍົງ. ການສ້າງຄວາມເຂັ້ມແຂງໃຫ້ແກ່ແມ່ຍິງ ແລະ ເດັກຍິງ ແລະ ການປະຕິບັດສິດທິມະນຸດຂອງເຂົາເຈົ້າ ແມ່ນສ່ວນໜຶ່ງທີ່ສຳຄັນຂອງຄວາມພະຍາຍາມເພື່ອຮັກສາສັນຕິພາບສາກົນ.
ຄຳຮຸ່ງ
