ກຸ່ມບໍລິສັດ ເເດ່ວກາ ແລະ ບໍລິສັດ Petroleum Trading Lao Public (PetroTrade) ໄດ້ມີໜັງສືສະເໜີຕໍ່ກະຊວງຄົມມະນາຄົມຂົນສົ່ງ ພິຈາລະນາ ແລະ ອະນຸມັດໃຫ້ຮ່ວມທຸລະກິດເປັນນັກລົງທຶນ ສະເໜີໂຄງການສາຍທາງລົດໄຟ ວູ້ງອ່າງ - ຕານເອິບ - ມູຢ້າ ຕາມແບບວິທີ PPP ສອດຄ່ອງກັບຂໍ້ກຳນົດທີ່ຢູ່ຂໍ້ A ຂອງຂໍ້ 1, ມາດຕາ 27, ກົດໝາຍວ່າດ້ວຍການລົງທຶນຕາມແບບວິທີຄູ່ຮ່ວມມືພາກລັດ - ເອກະຊົນ (ກົດໝາຍ PPP).
 |
| ແຜນທີ່ເສັ້ນທາງລົດໄຟ ຫວຽດນາມ-ລາວ (ພາບ: TTXVN). |
ຕາມແຜນຜັງທາງລົດໄຟແຫ່ງຊາດ ໄລຍະປີ 2030, ວິໄສທັດຮອດປີ 2050, ທາງລົດໄຟຫວງວູ້ງອ່າງ - ຕານເອິບ - ມູຢ້າ ແມ່ນໃນຈຳນວນ 9 ສາຍທາງລົດໄຟໃໝ່ທີ່ຈະນຳໃຊ້ໃນປີ 2030. ເສັ້ນທາງນີ້ມີຄວາມຍາວ 103 ກິໂລແມັດ, ລວງກວ້າງ 1.435 ມີລີແມັດ, ເຊື່ອມຕໍ່ທ່າກຳປັ່ນ ວູ້ງອ່າງ (ຮ່າຕິ້ງ) ດ້ວຍຊາຍແດນຫວຽດນາມ - ລາວ ຢູ່ຈຸດກິ່ວມູຢ້າ.
ໂຄງການດັ່ງກ່າວປະກອບມີ 8 ສະຖານີລົດໄຟ (ສະຖານີລົດໄຟຫຼັກ 1 ແຫ່ງ, ສະຖານີລົດໄຟຄ່ຽນຖ່າຍ 7 ແຫ່ງ), ໂດຍລົງທຶນຕາມຮູບແບບ PPP. ຂອບຂະຫນາດທາງລົດໄຟ 1 ລາງ, ແລ່ນຄວາມໄວ 150 ກິໂລແມັດຕໍ່ຊົ່ວໂມງ, ຂົນສົ່ງຜູ້ໂດຍສານ ແລະ ສິນຄ້າ. ເຕັກໂນໂລຊີຂອງລົດໄຟຄວາມໄວສູງ ຫຼືແລ່ນດ້ວຍເຄື່ອງຈັກ diezen. ເສັ້ນທາງລົດໄຟ ວຽງຈັນ-ວູ້ງອ່າງ ມີຄວາມຍາວ 554 ກິໂລແມັດ ໄປຜ່ານ ລາວ-ຫວຽດນາມ, ຂອບຂະໜາດທາງລົດໄຟ 1.435 ມີລີແມັດ ດ້ວຍຍອດເງິນລົງທຶນປະມານ 149.550 ຕື້ດົ່ງ.
ນີ້ແມ່ນໂຄງການທີ່ມີຄວາມໝາຍສຳຄັນໃນບັນດາໂຄງການທາງລົດໄຟ ຫວຽດນາມ - ລາວ, ແມ່ນໜຶ່ງໃນບັນດາບຸລິມະສິດຂອງລັດຖະບານຫວຽດນາມ ແລະ ລາວ, ໄດ້ສະແດງອອກໃນວິວັດການຜັນຂະຫຍາຍບັນດາຂໍ້ຕົກລົງຂັ້ນສູງລະຫວ່າງ 2 ພັກ ແລະ ລັດ ກ່ຽວກັບການພັດທະນາເສດຖະກິດ ແລະ ພັດທະນາພື້ນຖານໂຄງລ່າງ. ພ້ອມກັນນັ້ນ, ນີ້ກໍ່ແມ່ນເສັ້ນທາງລົດໄຟເຊື່ອມຕໍ່ອາຊຽນ ອີກດ້ວຍ.
ດີງເລື້ອງ
