ຫວ່າງມໍ່ໆມານີ້, ສະຖານທູດອັງກິດ ໄດ້ເປີດຕົວໂຄງການສະໜັບສະໜູນການເຂົ້າເຖິງທຶນລົງທຶນຂອງບັນດາໂຄງການກາກບອນຕໍ່າ, ມີລັກສະນະປ່ຽນແປງໃໝ່ປະດິດສ້າງ ຢ່າງເປັນທາງການ.
ໂຄງການຊຸກຍູ້ການເງິນການປ່ຽນແປງຂອງດິນຟ້າອາກາດ (CFA) ແມ່ນໂຄງການຊ່ວຍເຫຼືອທາງດ້ານເຕັກນິກ ໂດຍລັດຖະບານອັງກິດ ອຸປະຖໍາ ເພື່ອຮັບມືໂດຍກົງຕໍ່ສະພາບການສຸກເສີນ ແລະ ຜົນກະທົບທີ່ແຜ່ຂະຫຍາຍຂອງ ການປ່ຽນແປງຂອງດິນຟ້າອາກາດ.
ໂຄງການໄດ້ເຊື້ອເຊີນບັນດາແຜນຮ່າງທີ່ໄດ້ຮັບການຈັດຕັ້ງປະຕິບັດຢູ່ຫວຽດນາມ ຍື່ນສະເໜີເຂົ້າຮ່ວມໂຄງການຮອດທ້າຍວັນທີ 15 ມັງກອນ 2023 ເພື່ອໄດ້ຮັບການໜູນຊ່ວຍການເຂົ້າເຖິງແຫຼ່ງທຶນລົງທຶນໂດຍບໍ່ເສຍຄ່າ.
ກອງປະຊຸມພິທີເປີດໂຄງການ CFA ໄດ້ຈັດຂຶ້ນຢູ່ລອນດອນ ໃນເດືອນກັນຍາ 2017 ໂດຍການເຂົ້າຮ່ວມຂອງຜູ້ຕາງໜ້າກະຊວງແຜນການ ແລະ ການລົງທຶນ. ພາບ: thoidai.com.vn
ໃນໄລຍະທຳອິດ, ໂຄງການ CFA ຈະຄັດເລືອກເອົາ 8-10 ໂຄງການທີ່ມີຄວາມເປັນໄປໄດ້ ເຊິ່ງພວມມີຕ້ອງການລະດົມທຶນແຕ່ 5 ລ້ານ USD ຂຶ້ນໄປ. ບັນດາໂຄງການທີ່ຕ້ອງການຈະເຂົ້າຮ່ວມຈໍາເປັນຕ້ອງໄດ້ສໍາເລັດສໍາເນົາເອກະສານລົງທະບຽນອອນໄລໂດຍກໍານົດໄວ້ຢູ່ໃນເວັບໄຊທາງການຂອງໂຄງການ.
ໂຄງການຈະຄັດເລືອກບັນດາໂຄງການໃນຂົງເຂດດັ່ງນີ້: ພະລັງງານທົດແທນ; ປະສິດທິຜົນການນໍາໃຊ້ພະລັງງານ/ ຊັບພະຍາກອນ; ພາຫະນະໄຟຟ້າ...
ໂດຍໄດ້ຮູ້ວ່າ ໂຄງການ CFA ໄດ້ຖືກເປີດນຳໃຊ້ຢູ່ 8 ປະເທດຄື: ໂຄລົມບີ, ໄນຈີເລຍ, ເມັກຊິໂກ, ຕວກກີ, ອາຟຣິກາໃຕ້, ເປຣູ, ອີຢິບ, ປາກີດສະຖານ ແລະ ຫວ່າງມໍ່ໆມານີ້ແມ່ນຢູ່ ຫວຽດນາມ (ປະເທດທີ 9).
ບູນມີ
