| ຕັ້ງໜ້າໂຄສະນາອາຫານ ແລະ ເຄື່ອງດື່ມຫວຽດນາມໃນຕະຫຼາດຍີ່ປຸ່ນ | |
| ຫວຽດນາມ-ຍີ່ປຸ່ນ ຊຸກຍູ້ການພົວພັນຄູ່ຮ່ວມມືຍຸດທະສາດຢ່າງເລິກເຊິ່ງກວ້າງຂວາງ |
 |
| ກອງປະຊຸມ “ຕີລາຄາ, ສະຫຼຸບວຽກງານພິມຈຳໜ່າຍປຶ້ມມອບໃຫ້ປະເທດລາວນັບແຕ່ປີ 2018 - 2021” |
ຢູ່ກອງປະຊຸມ, ສອງຝ່າຍໄດ້ແລກປ່ຽນກ່ຽວກັບບັນດາໝາກຜົນຂອງວຽກງານພິມຈຳໜ່າຍປຶ້ມທີ່ມອບໃຫ້ປະເທດລາວໄລຍະ 2018 – 2021, ຕີລາຄາບັນດາຈຸດດີ, ຈຸດອ່ອນ ແລະ ສະເໜີຄຳເຫັນຫຼາຍຢ່າງເພື່ອສືບຕໍ່ເສີມຂະຫຍາຍປະສິດທິຜົນຂອງວຽກງາມພິມຈຳໜ່າຍມອບປຶ້ມໃຫ້ແກ່ລາວໃນປີ 2022 ແລະ ຊຸມປີຕໍ່ໄປ.
ສະຫາຍ ຫງວຽນຮ່ວາຍແອັງ, ຮອງຜູ້ອຳນວຍການ, ຮອງບັນນາທິການໃຫຍ່ ສຳນັກພິມຈຳໜ່າຍການເມືອງແຫ່ງຊາດ ຊື້ເທິດ ໃຫ້ຮູ້ວ່າ ໄລຍະ 2018 – 2021, ສຳນັກພິມຈຳໜ່າຍໄດ້ສົມທົບກັບລາວພິມຈຳໜ່າຍໄດ້ປຶ້ມ ດ້ວຍພາສາລາວໄດ້ 61 ຫົວ (ແຕ່ລະຫົວພິມ 1000 ສະບັບ).
ກໍ່ຢູ່ກອງປະຊຸມ, ສອງຝ່າຍໄດ້ລົງນາມບົດບັນທຶກການຮ່ວມມືດ້ວຍເນື້ອໃນ, ໂຄງການລະອຽດ ເພື່ອແນໃສ່ປະກອບສ່ວນຊ່ວຍໃຫ້ສອງຝ່າຍປະຕິບັດໜ້າທີ່ການເມືອງໃຫ້ດີກ່ວາອີກ ແລະ ຍູ້ແຮງການພັດທະນາການຜະລິດ - ດຳເນີນທຸລະກິດ, ເພີ່ມທະວີການແນະນຳໃຫ້ແກ່ຜູ້ອ່ານສອງປະເທດ ກ່ຽວກັບປະເທດຊາດ, ຜູ້ຄົນ, ບົດຮຽນ, ປະສົບການໃນວິວັດການປະຕິຮູບ, ເປີດປະຕູຂອງລາວ ແລະ ວິວັດການປ່ຽນແປງໃໝ່ຂອງ ຫວຽດນາມ ກໍ່ຄືໃນການພົວພັນຮ່ວມມືມິດຕະພາບ ເຊິ່ງສອງພັກ, ສອງລັດ ແລະ ປະຊາຊົນສອງປະເທດ ຫວຽດນາມ - ລາວ, ລາວ - ຫວຽດນາມ ເພີ່ມພູນຄູນສ້າງ.
ສອງຝ່າຍໄດ້ສົມທົບກັນສຳຫຼວດຄວາມຕ້ອງການຂອງເພື່ອນອ່ານລາວ ເພື່ອສ້າງແຜນການພິມຈຳໜ່ວຍປຶ້ມໃຫ້ເໝາະສົມກັບຫົວເລື່ອງ, ຈຳນວນສະບັບພິມຈຳໜ່າຍຂອງແຕ່ລະຫົວ, ຕອບສະໜອງຄວາມຕ້ອງການຂອງຖັນແຖວພະນັກງານ, ສະມາຊິກພັກລາວ.
ບຸນຄົງ
