 |
| ແຂກທ່ອງທ່ຽວຕ່າງປະເທດ (ພາບ: Vietnam+) |
Top 10 ສະຖານທີ່ແຂກທ່ອງທ່ຽວໄດ້ຄັດເລືອກລວມມີ: ແຊກບີ, ໂກລົມເບຍ, ເຢຍລະມັນ, ສ. ແອັດສະໂຕນີ, ສີລັງກາ, ອຽກລັງ, ເມັກຊີໂກ, ຫວຽດນາມ, ອິນໂດເນເຊຍ ແລະ ໄທ.
“Digital Nomads” ແມ່ນຄຳສັບເວົ້າເຖິງຊາວໜຸ່ມ ເຊິ່ງການດຳລົງຊີວິດຂອງເຂົາຕິດພັນກັບບັນດາການເດີນທາງໄປທ່ອງທ່ຽວ, ລົງພຶດຕິກຳຕົວຈິງ, ຄົ້ນຫາບັນດາພື້ນຖານວັດທະນະທຳທີ່ໃໝ່ອ່ຽມ ແລະ ຕິດພັນກັບວັດຖຸອຸປະກອນເຕັກໂນໂລຢີ. ເຂົາຂຶ້ນກັບລຸ້ນຄົນທີ່ນິຍົມເຮັດວຽກແບບເສລີ ດ້ວຍບັນດາວຽກງານທີ່ພົ້ນເດັ່ນຄືສື່ມວນຊົນ, ໂຄສະນາ, ອອກແບບ, ເຕັກໂນໂລຢີຂໍ້ມູນຂ່າວສານ…
ຕາມການຕີລາຄາຂອງຜູ້ຕາງໜ້າ The Travel ແລ້ວ, ເຖິງວ່າ ຫວຽດນາມ ຍັງບໍ່ແມ່ນປະເທດພັດທະນາທີ່ສຸດ ແຕ່ພັດແມ່ນສະພາບແວດລ້ອມທີ່ດີ ໃຫ້ແກ່ຊາວໜຸ່ມລຸ້ນດີຈີຕອນ ເມື່ອມາຄົ້ນຫາ ແລະ ລົງພຶດຕິກຳຕົວຈິງ.
ຍ້ອນວ່າ ຫວຽດນາມ ແມ່ນປະເທດສະຫງົບສຸກ, ຊາວຫວຽດນາມເປັນມິດ, ອາກາດເຢັນສະບາຍ, ມີຄວາມສະດວກຊ່ວຍໃຫ້ມະນຸດມີຄວາມດຸ່ນດ່ຽງລະຫວ່າງວຽກງານ ແລະ ການລະຫຼິ້ນບັນເທິງ. ຍິ່ງໄປກ່ວານັ້ນ, ນີ້ກໍ່ແມ່ນໜຶ່ງໃນບັນດາປະເທດອາຊີທີ່ມີພື້ນຖານໂຄງລ່າງດ້ານເຕັກນິກມີການພັດທະນາພໍສົມຄວນ.
ໃນຊຸມປີມໍ່ໆມານີ້, ລັດຖະບານໄດ້ເລີ່ມຍູ້ແຮງການຫັນເປັນດີຈີຕອນໃນຂະແໜງການທ່ອງທ່ຽວ ເພື່ອສ້າງເງື່ອນໄຂສະດວກໃຫ້ແກ່ແຂກທ່ອງທ່ຽວສາກົນ ໄປຍັງ ຫວຽດນາມ. ຄ່າໃຊ້ຈ່າຍໃນການດຳລົງຊີວິດທີ່ສົມເຫດສົມຜົນກໍ່ແມ່ນໜຶ່ງໃນບັນດາປັດໄຈຊ່ວຍຫວຽດນາມກາຍເປັນສະຖານທີ່ທ່ອງທ່ຽວທີ່ດີໃຫ້ແກ່ “Digital Nomads”.
ບຸນຄົງ
