| ກວາງນິງ ຈະເປີດປະຕູຮັບນັກທ່ອງທ່ຽວສາກົນຄັ້ງທຳອິດ ໃນວັນທີ 7 ມັງກອນ 2022 | |
| ນັກທ່ອງທ່ຽວສາກົນມາ ຫວຽດນາມ ໃນເດືອນ ພະຈິກ 2021 ເພີ່ມຂຶ້ນ 42% ເມື່ອທຽບໃສ່ເດືອນ ຕຸລາ |
ໃນສະພາບທີ່ສະຖານທີ່ປະຫວັດສາດ ບໍ່ສາມາດເປີດໃຫ້ນັກທ່ອງທ່ຽວເຂົ້າຢ້ຽມເຊົາໄດ້ນັ້ນ, ບັນດາສະຖານທີ່ມໍລະດົກຢູ່ຮ່າໂນ້ຍ ກໍໄດ້ຈັດຕັ້ງເປີດລາຍການທ່ອງທ່ຽວອອນລາຍເພື່ອຮັບໃຊ້ນັກທ່ອງທ່ຽວ.
ດ້ວຍເທັກໂນໂລຍີ 3D, ນັກທ່ອງທ່ຽວທັງພາຍໃນ ແລະ ຕ່າງປະເທດສາມາດສຳຜັດກັບການທ່ອງທ່ຽວແບບສະເໝືອນຈິງ, ເມື່ອເຂົາເຈົ້າບໍ່ມີໂອກາດໄດ້ໄປທ່ຽວໂດຍກົງ, ເຂົາເຈົ້າຍັງສາມາດເຂົ້າຊົມ ແລະ ເຂົ້າໃຈຄຸນຄ່າທາງທຳມະຊາດ ແລະ ວັດທະນະທຳຂອງນະຄອນຫຼວງໄດ້ຫຼາຍຂຶ້ນ.
 |
| ຮ່າໂນ້ຍ ກະກຽມແຜນການຕ້ອນຮັບນັກທ່ອງທ່ຽວສາກົນ ເມື່ອມີເງື່ອນໄຂອະນຸຍາດ. (ພາບ: vietnamplus) |
ບັນດາລາຍການທ່ອງທ່ຽວ ເພື່ອຄົ້ນຫາວັດທະນະທຳ, ປະຫວັດສາດ ແລະ ພູມສັນຖານຂອງຮ່າໂນ້ຍ ໄດ້ເກີດຂຶ້ນບົນພື້ນຖານການປ່ຽນໃໝ່ລາຍການທ່ອງທ່ຽວພື້ນເມືອງ. ນີ້ແມ່ນຮູບແບບການທ່ອງທ່ຽວກະສິກຳ ຫຼື ການທ່ອງທ່ຽວສີຂຽວ, ປະຈຸບັນໄດ້ຮັບຖືວ່າ ແມ່ນທ່າອ່ຽງພັດທະນາຂະແໜງການການທ່ອງທ່ຽວໂລກພາຍຫຼັງໂລກລະບາດ.
ຮູບແບບການທ່ອງທ່ຽວກະສິກຳ ໄດ້ຮັບການສ້າງຕັ້ງຂຶ້ນບົນພື້ນຖານຄັດເລືອກໝູ່ບ້ານຫັດຖະກຳພື້ນເມືອງ ດ້ວຍເງື່ອນໄຂ ແລະ ທ່າແຮງພັດທະນາການທ່ອງທ່ຽວຊຸມຊົນ; ບັນດາຜະວິດຕະພັນຂອງຂວັນການທ່ອງທ່ຽວທີ່ເປັນທີ່ລະນຶກ, ເຄື່ອງເຟີນີເຈີ ແລະ ເຄື່ອງຕົບແຕ່ງທີ່ມີລັກສະນະວັດທະນະທໍາຂອງແຕ່ລະທ້ອງຖິ່ນ ເພື່ອພັດທະນາເປັນຜະລິດຕະພັນການທ່ອງທ່ຽວ ທີ່ເປັນມິດກັບສິ່ງແວດລ້ອມ. ແຫຼ່ງທ່ອງທ່ຽວກະສິກຳຫຼາຍແຫ່ງ ໄດ້ຮັບການສ້າງຕັ້ງ ຄື: ບ້ານບາດຈ່າງ, ໝູ່ບ້ານຜ້າໄໝວ້ານຟຸກ, ເຄື່ອງຕົກແຕ່ງດ້ວຍຫອຍ, ຫີນ, ແກ້ວ ຈຽນໝີ, ເຄື່ອງຕ່ຳແຜ່ນຕັດຫຍິບ ເວີນຕື່, ຂັດສີຮ່າໄທ...
ເຖິງວ່າ ຮ່າໂນ້ຍ ຍັງບໍ່ທັນໄດ້ທົດລອງການຕ້ອນຮັບນັກທ່ອງທ່ຽວສາກົນໃນໄລຍະນີ້, ແຕ່ກໍຍັງຊຸກຍູ້ການກະກຽມແຜນການຕ້ອນຮັບນັກທ່ອງທ່ຽວສາກົນ ເມື່ອເງື່ອນໄຂອະນຸຍາດ.
ຕາມທ່ານນາງ ດັ້ງເຮືອງຢາງ ແລ້ວ, ຫົວໜ້າພະແນກທ່ອງທ່ຽວຮ່າໂນ້ຍ ແລ້ວ, ຂະແໜງການທ່ອງທ່ຽວນະຄອນຫຼວງ ປະຕິບັດບັນດາໂຄງການສົ່ງເສີມການທ່ອງທ່ຽວ ກັບບັນດາປະເທດສະມາຊິກສະພາສົ່ງເສີມການທ່ອງທ່ຽວອາຊີ (CPTA), ອົງການສົ່ງເສີມການທ່ອງທ່ຽວບັນດານະຄອນຂອງ ອາຊີ - ປາຊີຟິກ (TPO), ສະຫະພັນບັນດານະຄອນທ່ອງທ່ຽວແມ່ນ້ຳລ້ານຊ້າງ ແລະ ບັນດາການເຄື່ອນໄຫວສົ່ງເສີມການທ່ອງທ່ຽວສາກົນອື່ນໆ. ພ້ອມກັນນັ້ນ, ກໍ່ຈັດຕັ້ງປະຕິບັດລາຍການໂຄສະນາເຜີຍແຜ່ນະຄອນຮ່າໂນ້ຍ ຜ່ານຊ່ອງ CNN ສາກົນ, ສຸມໃສ່ບັນດາເວລາກ່ອນ, ໃນໄລຍະ ແລະ ພາຍຫຼັງງານມະຫາກຳກິລາຊີເກມຄັ້ງທີ 31.
ຄຳຮຸ່ງ
